എട്ട്​ ലക്ഷം യാത്രികരെ പ്രതീക്ഷിച്ച്​ ഡി.ഡബ്ലിയു.സി

ദുബൈ: ദുബൈ അന്താരാഷ്​ട്ര വിമാനത്താവളം ഭാഗികമായി അടക്കുന്ന ദിനങ്ങളിൽ ദുബൈ വേൾഡ്​ സെൻട്രൽ (ഡി.ഡബ്ലിയു.സി) വിമാന ത്താവളം പ്രതീക്ഷിക്കുന്നത്​ എട്ട്​ ലക്ഷം യാത്രികരെ. ഒരു റൺവെയുടെ അറ്റകുറ്റപണികൾക്കായി കഴിഞ്ഞ 16 ന്​ അടച്ച ദുബ ൈ വിമാനത്താവളം അറ്റകുറ്റ പണികൾക്ക്​ ശേഷം അടുത്ത മാസം 30 നായിരിക്കും തുറക്കുക. പ്രതിദിനം 145 വിമാനങ്ങളാണ്​ ഡി.ഡബ്ല ിയു.സി ഒരു ദിവസം കൈകാര്യം ചെയ്യുന്നത്​.

സാധാരണയിലും ഏഴിരട്ടി വിമാനങ്ങളാണ്​ ഇപ്പോൾ എത്തുന്നത്​. ദുബൈ അന്താരാഷ്​ട്ര വിമാനത്താവളത്തി​​െൻറ പ്രവർത്തനം32 ശതമാനമാണ്​ കുറച്ചിരിക്കുന്നത്​. എന്നാൽ ഡി.ഡബ്ലിയു.സിയിൽ നിന്ന്​ അധിക വിമാനങ്ങൾ ഏർപ്പെടുത്തിയിരിക്കുന്നതിനാൽ 19 ശതമാനം സീറ്റുകളുടെ കുറവ്​ മാത്രമെ ഉണ്ടാകുന്നുള്ളൂവെന്ന്​ അധിക​ൃതർ വ്യക്തമാക്കി.

അതിനിടെ ദുബൈ അന്താരാഷ്​ട്ര വിമാനത്താവളത്തിലെ റൺവെ പുതുക്കൽ യുദ്ധകാലാടിസ്​ഥാനത്തിൽ പുരോഗമിക്കുകയാണ്​. നൂറുകണക്കിന്​ ടൺ ഭാരമുള്ള വിമാനങ്ങൾ സെക്കൻറുകളുടെ വിത്യാസത്തിൽ ഇറങ്ങിക്കൊണ്ടേയിരിക്കുന്ന റൺവെയാണിത്​. 4.5കിലോമീറ്റർ ടാർമാർക്ക്​ കൂടാതെ 5500 ലൈറ്റുകളും 800 കിലോമീറ്റർ കേബിളുകളും ഉൾപ്പെടുന്നതാണ്​ റൺവെ. നിശ്​ചിത സമയത്തിനകം നവീകരണം പൂർത്തിയാക്കാൻ 1,900 ജീവനക്കാർ രാപകൽ വിത്യാസമില്ലാതെ ജോലി ചെയ്യുകയാണ്​.