ഹൈന്ദവ പുരോഹിതർ ഗ്രാൻഡ് മോസ്ക് സന്ദർശിച്ചു
text_fieldsഅബൂദബി: പ്രമുഖ ഹൈന്ദവ പുരോഹിതർ ശൈഖ് സായിദ് ഗ്രാൻഡ് മോസ്ക് സന്ദർശിച്ചു. യു.എ. ഇ സഹിഷ്ണുതാ കാര്യ മന്ത്രി ശൈഖ് നഹ്യാൻ ബിൻ മുബാറക് ആൽ നഹ്യാെൻറ താൽപര്യ പ്രകാരമാണ ് പുരോഹിതർക്ക് ഗ്രാൻഡ് മോസ്സ് ടൂർ സംഘടിപ്പിച്ചത്. ബാപ്സ് സ്വാമി നാരായൺ സൻസ്തയുടെ ആത്മീയാചാര്യൻ മഹന്ത് സ്വാമി മഹാരാജും 50 പുരോഹിതരുമാണ് കഴിഞ്ഞ ദിവസം സന്ദർശനം നടത്തിയത്.
ഗ്രാൻഡ് മോസ്ക് ഡയറക്ടർ ജനറൽ ഡോ. യൂസിഫ് അൽ ഉബൈദി ഗ്രാൻഡ് മോസ്കിെൻറ സവിശേഷതകളെ കുറിച്ച് വിശദീകരിച്ചു നൽകി. സന്ദർശക പുസ്തകത്തിൽ ഒപ്പുവെച്ച മഹന്ത് സ്വാമി മഹാരാജ് ആഗോള െഎക്യം പ്രോത്സാഹിപ്പിക്കുന്നതിനുള്ള യു.എ.ഇ സർക്കാറിെൻറയും ജനങ്ങളുടെയും പ്രയത്നങ്ങളെ പ്രശംസിച്ചു. നേരത്തെ പുരോഹിതർ ശൈഖ് നഹ്യാനെ സ്വകാര്യ മജ്ലിസിൽ സന്ദർശിച്ചിരുന്നു. സന്ദർശനവേളയിൽ മഹന്ത് സ്വാമി സ്വർണ വർണത്തിലുള്ള അമൃത് കലാഷ് ശൈഖ് നഹ്യാന് സമ്മാനിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.