Begin typing your search above and press return to search.
exit_to_app
exit_to_app
Posted On
date_range 25 March 2019 2:50 AM GMT Updated On
date_range 25 March 2019 2:50 AM GMT40,000 തേനീച്ചകൾ വിമാനം കയറി റാസൽഖൈമയിലെത്തി
text_fieldsbookmark_border
റാസൽഖൈമ: ഇൗജിപ്തിൽനിന്ന് നാൽപതിനായിരത്തോളം തേനീച്ചകളെ വിമാനത്തിൽ റാസൽഖൈമയിലെത്തിച്ചു. ഇവയെ യു.എ.ഇയുടെ വിവിധ ഭാഗങ്ങളിലുള്ള തേനീച്ച വളർത്തലുകാർക്ക് വിതരണം ചെയ്തു. ഇൗജിപ്ത് എയർ കാർഗോ വിമാനത്തിലാണ് തേനീച്ചകളെ കൊണ്ടുവന്നത്. ഇൗ വർഷം യു.എ.ഇയിലേക്ക് ഇറക്കുമതി ചെയ്യുന്ന ഏറ്റവും വലിയ തേനീച്ചക്കൂട്ടമാണ് ഇത്. ഇൗജിപ്തിലെ അൽ നാജിഹ് ഫാമിൽനിന്നാണ് തേനീച്ചകളെ യു.എ.ഇയിലെത്തിച്ചത്. വിമാന മാർഗം ഏറ്റവും കൂടുതൽ തേനീച്ചകളെ വിതരണം ചെയ്യുന്ന ഫാമാണ് നാജിഹ്. യു.എ.ഇ, ഒമാൻ, സുഡാൻ, സൗദി അറേബ്യ തുടങ്ങിയ രാജ്യങ്ങളിലേക്കായി 480 കോടി തേനീച്ചകളെയാണ് ഫാം ഇതുവരെ കയറ്റുമതി ചെയ്തിട്ടുള്ളത്. 26 വർഷം മുമ്പ് മുഹമ്മദ് അൽ നാജിഹ് ആണ് കമ്പനി ആരംഭിച്ചത്. തുടർന്ന് തേനീച്ചകളിലെ റാണികളെയും തേൻ ബിസിനസിന് ആവശ്യമായ ഉപകരണങ്ങളും കമ്പനി കയറ്റിയയച്ച് തുടങ്ങി. ഇൗജിപ്ത്, സൗദി അറേബ്യ, യു.എ.ഇ രാജ്യങ്ങളിലായി അൽ നാജിഹ് ഫാമിന് നൂറിലധികം കമ്പനികളുണ്ട്. 2016ൽ ആറ് കോടി തേനീച്ചകളെ യു.എ.ഇയിലേക്ക് വിമാന മാർഗം എത്തിച്ച് നാജിഹ് ഫാം വർത്ത സൃഷ്ിച്ചിരുന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story