Begin typing your search above and press return to search.
exit_to_app
exit_to_app
Posted On
date_range 19 Feb 2019 2:31 AM GMT Updated On
date_range 19 Feb 2019 2:31 AM GMTയു.എ.ഇ^യു.എസ് സഹകരണത്തിൽ അബൂദബിയിൽ പുതിയ സൈനിക ആശുപത്രി
text_fieldsbookmark_border
അബൂദബി: യു.എ.ഇയും യു.എസും ചേർന്ന് അബൂദബിയിൽ പുതിയ സൈനിക ആശുപത്രി സ്ഥാപിക്കും. ഇമ റാത്തി, അമേരിക്കൻ സൈനികരുടെ ജീവൻ രക്ഷിക്കുന്നതിന് വേണ്ടിയാണ് ആശുപത്രി സ്ഥാപിക്കുന്നതെന്ന് മുതിർന്ന യു.എസ് ഒാഫിസർ വ്യക്തമാക്കി. ജർമനിയിലെ പ്രസിദ്ധമായ ലാൻഡ്സ്റ്റൂൽ സൈനിക ആശുപത്രിയുടെ മാതൃകയിലായിരിക്കും അബൂദബിയിലെ ആശുപത്രിയും സ്ഥാപിക്കുകയെന്ന് യു.എസ് ഡിഫൻസ് സെക്യൂരിറ്റി കോഒാപറേഷൻ ഡയറക്ടർ ലെഫ്റ്റനൻറ് ജനറൽ ചാൾസ് ഹൂപർ അറിയിച്ചു. അമേരിക്കക്ക് പുറത്തുള്ള ഏറ്റവും വലിയ യു.എസ് സൈനിക ആശപത്രിയാണ് ഫ്രാങ്ക്ഫർട്ടിന് സമീപത്തെ ലാൻഡ്സ്റ്റൂൽ സൈനിക ആശുപത്രി. ഇറാഖ്, അഫ്ഗാനിസ്താൻ അധിനിവേശങ്ങളിൽ പരിക്കേറ്റ യു.എസ് സൈനികർക്ക് ചികിത്സ നൽകിയിരുന്നത് ഇവിടെയായിരുന്നു. പുതിയ സൈനിക ആശുപത്രി സംബന്ധിച്ച് യു.എസും യു.എ.ഇയും തമ്മിൽ ചർച്ച പുരോഗമിക്കുകയാണ്. ആശുപത്രിക്കുള്ള ഫണ്ട് ചെലവഴിക്കുക യു.എ.ഇ ആയിരിക്കും. ആശുപത്രിയിൽ ജോലി ചെയ്യാൻ യു.എസ് ജീവനക്കാരെ അയക്കും.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story