സ്വർണ നറുക്കെടുപ്പിൽ നാല്​ ഇന്ത്യക്കാർക്ക്​ സമ്മാനം

ദുബൈ: ദുബൈ ഗോൾഡ് ആൻഡ് ജ്വല്ലറി ഗ്രൂപ്പ് നറുക്കെടുപ്പ് സമ്മാനപദ്ധതിയിൽ ജനുവരി ആറിന്​ നാലു സമ്മാനവും ഇന്ത്യക് കാർക്ക്​. ആസിഫ് സലാമ,രവി ,അനന്തന്‍ ഗണേശന്‍,ഒ. രത്തിനവേല്‍ എന്നിവരാണ്​ കാൽ കിലോ വീതം സ്വർണം സ്വന്തമാക്കിയത്​. അഞ്ചാം തീയതി നടന്ന വജ്രസമ്മാന നറുക്കെടുപ്പിൽ ബി.എം.ഡബ്ലിയു കാർ അമേരിക്കയിൽ താമസിക്കുന്ന ഇന്ത്യക്കാരൻ ഹേമേഷ്​ ഡി നേടിയിരുന്നു. ആൽവിസ്​ ജോ, നന്ദീഷ്​ (ഇരുവരും ഇന്ത്യ), റൊണാള്‍ഡ്‌ കാബുഡ്ലെ(ഫിലിപ്പൈന്‍സ്) ഇഷാക് മിയ (ബംഗ്ലാദേശ്) എന്നിവരാണ്​ അഞ്ച്​ സ്വർണ്ണ സമ്മാനം കരസ്​ഥമാക്കിയത്​.