മരുഭൂമിയിൽ അപകടം: പരിക്കേറ്റ മൂന്ന്​ പേരെ എയർ ആംബുലൻസ്​ രക്ഷപ്പെടുത്തി

അബൂദബി: മരുഭൂമിയിലുണ്ടായ അപകടത്തിൽ പരിക്കേറ്റ മൂന്ന്​ പേരെ അബൂദബി പൊലീസ്​ ഹെലികോപ്​റ്റർ ഉപയോഗിച്ച്​ രക്ഷപ്പെടുത്തി. സായിദ്​ സിറ്റിക്ക്​ സമീപമുള്ള മരുഭൂമിയിലാണ്​ ഏഷ്യക്കാരായ മൂന്ന്​ ​േപർ വാഹനാപകടത്തിൽപെട്ടത്​. രണ്ട്​ യാത്രികരുടെ നിലഗുരുതരമായിരുന്നു. ഡ്രൈവറാണ്​ പരിക്കേറ്റ മൂന്നാമൻ. ഇവർ സഞ്ചരിച്ചിരുന്ന ജീപ്പ്​ തകർന്നിട്ടുണ്ട്​. എല്ലാവരെയും സായിദ്​ ആശുപത്രിയിൽ പ്രവേശിപ്പിച്ചുവെന്ന്​ പൊലീസ്​ അറിയിച്ചു. സംഭവത്തി​​​െൻറ ദൃശ്യങ്ങൾ പൊലീസ്​ ഇൻസ്​റ്റാഗ്രാമിൽ പങ്കുവെച്ചിട്ടുണ്ട്​. അപകടവിവരം അറിഞ്ഞയുടന എയർ അംബുലൻസും രക്ഷാപ്രവർത്തകരും അടക്കമുള്ള സംഘമായാണ്​ അബൂദബി പൊലീസ്​ സംഭവ സ്​ഥലത്ത്​ എത്തിയത്​.