കൊച്ചി മെട്രോ ഷോർട്ട്​ ഫിലിം ഫെസ്​റ്റിവൽ ​ഗ്രാൻറ്​ ഫിനാലേ യു.എ.ഇയിൽ

ദുബൈ: നടൻ മോഹൻലാൽ ചെയർമാനും രവീന്ദ്രൻ ഡയറക്​ടറുമായ കൊച്ചി മെട്രോ ഷോർട്ട്​ ഫിലിം ഫെസ്​റ്റിവലി​​​െൻറ മിഡ ിൽ ഇൗസ്റ്റ്​ ഗ്രാൻറ്​ ഫിനാലേ 2019 ​ഏപ്രിലിൽ യു.എ.ഇയിൽ നടക്കും. നികോൺ മിഡിൽ ഇൗസ്​റ്റുമായി ചേർന്ന്​ ഗൾഫ്​ രാജ്യങ്ങ ളിലുടനീളം നടത്തിയ ഷോർട്​ഫിലിം പരിശീലന ശിൽപശാലകളിൽ നിന്ന്​ തെരഞ്ഞെടുക്കപ്പെട്ട പ്രതിഭകൾ ഒരുക്കുന്ന ചിത്രങ് ങളാണ്​ ഫിനാലേയിൽ പ്രദർശിപ്പിക്കുക. ആദ്യഘട്ടത്തിൽ മികവു പുലർത്തിയ സംവിധായകരു​െട 45 ചിത്രങ്ങൾ കഴിഞ്ഞയാഴ്​ച ബഹ്​റൈനിൽ സമാപിച്ച ഷോർട്​ഫിലിം ഫെസ്​റ്റിവലിൽ പ്രദർശിപ്പിച്ചിരുന്നു. യു.എ.ഇ, കുവൈത്ത്​, ഒമാൻ, സൗദി, ബഹ്​റൈൻ എന്നീ രാജ്യങ്ങളിലെ സ്വദേശികൾക്കും പ്രവാസികൾക്കും പങ്കുചേരാവുന്ന വിധത്തിലാണ്​ മത്സരം ക്രമീകരിച്ചത്​.

അന്തർദേശീയ പ്രശസ്​തരായ ചലചി​ത്ര പ്രവർത്തകരായ മുഹമ്മദ്​ റഷീദ്​ ബുഅയ്​ൽ, മുഹമ്മദ്​ അൽ ഖന്ദി, സലീം അഹ്​മദ്​, റീം എസ്​.അൽബൈത്​, നികോൺ മാർക്കറിങ്​ മാനേജർ ബ്ലോസം ഫുർതാദോ എന്നിവരടങ്ങിയ ജൂറി തെരഞ്ഞെടുത്ത 15 ചിത്രങ്ങളുടെ സംവിധായകർക്ക്​ പുതിയ ഷോർട്​ഫിലിം നിർമിക്കാൻ ആവശ്യമായ അത്യാധുനിക കാമറകൾ നികോൺ ലഭ്യമാക്കും. ഗ്രാൻറ്​ ഫിനാലേ വിജയികൾക്ക്​ യഥാക്രമം10000, 7000,4000 ദിർഹം വിലവരുന്ന സമ്മാനങ്ങൾ നൽകുമെന്ന്​ ഫെസ്​റ്റിവൽ ഡയറക്​ടർ രവീന്ദ്രൻ ദുബൈയിൽ വാർത്താ സമ്മേളനത്തിൽ അറിയിച്ചു. മലയാളത്തിലെ നവതരംഗ സംവിധായകർ ഏറെ ആശയഭദ്രതയുള്ളവരാണെന്നും അവരിൽ മിക്കപേരും ഷോർട്​ഫിലിം മേഖലയിൽ നിന്ന്​ ഫീച്ചർ ഫിലിമി​േലക്ക്​ എത്തിയവരാണെന്നും അദ്ദേഹം പറഞ്ഞു. പ്രവാസമേഖലയിൽ നിരവധി കഴിവുള്ള യുവാക്കളും യുവതികളും ചലചിത്ര അഭിരുചിയും മോഹങ്ങളുമുണ്ടായിട്ടും അവസരം ലഭിക്കാത്തതു മൂലം പുറത്തുവരാത്ത അവസ്​ഥയുണ്ട്​.

അവർക്ക്​ പുതിയ വാതിലുകൾ തുറന്നിടുകയാണ്​ കൊച്ചിൻ മെട്രോ ഫിലിം ഫെസ്​റ്റിവൽ. അറബ്​ മേഖലയിലും കലയുടെ പ്രത്യേകിച്ച സിനിമയുടെ സുവർണ കാലമാണിപ്പോൾ. ബഹ്​റൈനിൽ ഫെസ്​റ്റിവലിൽ സംബന്ധിക്കാനെത്തിയ ദുബൈ ഫിലിം ഫെസ്​റ്റിവൽ ഡയറക്​ടർ മസൂദ്​ അംറല്ലാ അൽ അലി, ഒമാൻ ഫിലിം സൊസൈറ്റി ചെയർമാൻ മുഹമ്മദ്​ അൽ ഖന്ദി, സൗദി ഫിലിം ഫെസ്​റ്റിവൽ ഡയറക്​ടർ അഹ്​മദ്​ അൽമുല്ല എന്നിവർ ഏറെ താൽപര്യത്തോടെയും ആവേശപൂർവവുമാണ്​ മേഖലയിലെ ചലചിത്ര മുന്നേറ്റങ്ങ​െളക്കുറിച്ച്​ വിശദീകരിച്ചത്​. സ്വദേശി ചലചിത്രകാർക്കു കൂടി അവസരം നൽകുക മുഖേന കലാമേഖലയിലെ സൗകര്യങ്ങളും അറിവുകളും കൈമാറ്റം ചെയ്യുന്നതിനും വഴി​െയാരുങ്ങും. നിക്കോൺ മിഡിൽ ഇൗസ്​റ്റ്​ എം.ഡി നരേന്ദ്രമേനോൻ, ഗ്രാൻറ്​സ്​റ്റോർ ജി.എം ഷാജി ഷൺമുഖം,നികോൺ സ്​കൂൾ മേധാവി താരീഖ്​ ​​എന്നിവരും വാർത്താസമ്മേളനത്തിൽ സംബന്ധിച്ചു