ആർ.ടി.എ കട്ടായം പറയുന്നു: കള്ളടാക്​സി കൊള്ളക്കാരോട്​ സഹിഷ്​ണുത കാണിക്കില്ല

ദുബൈ: ഏതൊരാളോടും സ്​നേഹത്തോടെയും ദീനാനുകമ്പയോടെയും പെറുമാറുക എന്നത്​ ഇമറാത്തി പൈതൃകമാണ്​. ഇമറാത്തി പാര മ്പര്യത്തി​​​െൻറ രാജപാത തെളിയിച്ച രാഷ്​ട്രപിതാവ്​ ശൈഖ്​ സായിദ്​ പഠിപ്പിച്ച ഏറ്റവും മഹത്തായ പാഠങ്ങളിലൊന്നായ സഹിഷ്​ണുതയിലൂന്നിയ പ്രവർത്തനങ്ങളാണ്​ വരും വർഷം യു.എ.ഇയിൽ നടപ്പാക്കുക. എന്നാൽ സഹിഷ്​ണുതാ വർഷത്തിലും വിട്ടുവീഴ്​ച പ്രതീക്ഷിക്കേണ്ടാത്ത ഒരു കൂട്ടരുണ്ട്​. വഞ്ചനയും നിയമലംഘനവും നടത്തുന്നവർ. രാജ്യത്തി​​​െൻറ അന്തസിനും ജനങ്ങളുടെ സുരക്ഷക്കും ഭീഷണി സൃഷ്​ടിച്ച്​ വ്യാജടാക്​സി സർവീസ്​ നടത്തുന്നവർക്ക്​ കടുത്ത മുന്നറിയിപ്പു നൽകുകയാണ്​ ദുബൈ റോഡ്​ ഗതാഗത അതോറിറ്റി. അനുമതിയും അംഗീകാരവുമില്ലാതെ വ്യാജ ടാക്​സി ഒാടിക്കുന്നവർക്ക്​ 20000 ദിർഹം മുതൽ അര ലക്ഷം ദിർഹം വരെ പിഴ ചുമത്തും. തെറ്റ്​ ആവർത്തിച്ചാൽ വാഹനം പിടിച്ചെടുക്കും,

പിന്നെ നാട്ടിലേക്ക്​ കടത്തിവിടും. ഇൗ വർഷത്തി​​​െൻറ അവസാന പാദത്തിൽ നിയമലംഘനം നടത്തിയ 39 ​ൈഡ്രവർമാരെ നാടുകടത്താൻ ഉത്തരവായിട്ടുണ്ട്​. പിഴ ഇൗടാക്കുന്നതോ പണം സമ്പാദിക്കുന്നതോ അല്ല മറിച്ച്​ ജനങ്ങളുടെ സുരക്ഷയും ദുബൈയുടെ സൽപേരും ഉറപ്പാക്കുകയാണ്​ ഇൗ നടപടികളുടെ ലക്ഷ്യമെന്ന്​ ആർ.ടി.എയുടെ പൊതുഗതാഗത വിഭാഗം മോണിറ്ററിങ്​ ഡിപ്പാർട്ട്​മ​​െൻറ്​ ഡയറക്​ടർ മുഹമ്മദ്​ നബ്​ഹാൻ വ്യക്​തമാക്കി.അംഗീകൃത ഏജൻസികൾക്കും സ്​ഥാപനങ്ങൾക്കുമല്ലാതെ മറ്റൊരാൾക്കും പണം ഇൗടാക്കിക്കൊണ്ട്​ വാഹന സർവീസ്​ നടത്താൻ അനുമതിയില്ല. ആരെയെങ്കിലും സഹായിക്കുന്നതോ ബന്ധുക്കളെയോ സുഹൃത്തുക്കളേയോ വാഹനത്തിൽ കൊണ്ടു വിടുന്നതോ ഇതിൽ ഉൾപ്പെടുന്നില്ല. എന്നാൽ സ്വകാര്യ വ്യക്​തികൾ വാഹനത്തിൽ ഒരു സ്​ഥലത്തു നിന്ന്​ മറ്റൊരിടത്ത്​ എത്തിക്കുന്നതിന്​ പണം വാങ്ങിയാൽ അതു ​നിയമവിരുദ്ധമാണ്​ എന്നതിൽ തർക്കമില്ല.