കള്ളടാക്​സിക്കാരനെ കുടുക്കിയ ​ബ്രിട്ടീഷ്​ അധ്യാപികയുടെ വിജയകഥ

ദുബൈ: വിമാനത്താവളത്തിൽ ആദ്യമായി വന്നിറങ്ങുന്ന ആളുകളെ പറ്റിച്ച്​ പാട്ടിലാക്കാൻ പലരും തക്കം പാത്ത്​ നിൽക്കുന ്നുണ്ടാവും. സൗഹൃദ^സഹായ ഭാവത്തിൽ എത്തുന്നവരെ വിശ്വസിച്ച്​ പലരും ആ കുരുക്കിൽ പെടുകയും ചെയ്യും. ഏതാനും ആ​ഴ്​ച മുൻ പ്​ ആദ്യമായി യു.എ.ഇ സന്ദർശിക്കാൻ എത്തിയ ബ്രിട്ടീഷ്​ അധ്യാപികയെ ഇതുപോലൊരുവൻ പറ്റിച്ച്​ അടുത്തുകൂടി. ആർ.ടി.എ ട ാക്​സിയിൽ പോയാൽ കൂടുതൽ പണം നൽകേണ്ടി വരുമെന്നും കുറഞ്ഞ തുകക്ക്​ താൻ എത്തിച്ചു തരാമെന്നുമറിയിച്ച്​ അധ്യാപികയെ ത​​​​െൻറ വാഹനത്തിൽ കയറ്റി. വളരെ മധുരമായ സംസാരവും പെരുമാറ്റവുമെല്ലാമായപ്പോൾ പറ്റിപ്പുകാരനാണെന്ന ലാഞ്ചനയേ അനുഭവപ്പെട്ടില്ല. ഒരു ഹോട്ടലിൽ എത്തിച്ചു നൽകിയതിന്​ വാങ്ങിയ പ്രതിഫലം വളരെ കൂടുതലായെന്ന്​ ഹോട്ടൽ അധികൃതർ പറയു​േമ്പാഴാണ്​ സഞ്ചാരി അറിയുന്നതു തന്നെ. പണം കൂടുതൽ വാങ്ങി എന്നതിനേക്കാളേറെ തന്നെ പറഞ്ഞു പറ്റിച്ചതിൽ വേദന തോന്നിയ സ്​ത്രീ ഉടനെ വിമാനത്താവളത്തിലെത്തി ആളെ തിരയാൻ തുടങ്ങി.

ആളുടെ പേരോ നാടോ വാഹനമോ അതി​​​​െൻറ നമ്പറോ അറിയി​ല്ലെന്നും തന്നിൽ നിന്ന്​ അമിത നിരക്ക്​ ഇൗടാക്കി വഞ്ചിച്ചു എന്നു മാത്രമറിയാമെന്നും ആർ.ടി.എയു​െട ഇൻസ്​പെക്​ടറെ കണ്ടറിയിച്ചു. അവിടമാകെ തിരഞ്ഞെങ്കിലും ആളെ കണ്ടെത്തിയില്ല. എന്നാൽ അങ്ങിനെ രക്ഷപ്പെടാമെന്നു കരുതുന്നത്​ മണ്ടത്തരമാണെന്ന്​ ആർ.ടി.എ മോണിട്ടറിങ്​ വിഭാഗം മേധാവി മുഹമ്മദ്​ നബ്​ഹാൻ വ്യക്​തമാക്കുന്നു. സ്​ഥിരമായി ഇൗ നിയമലംഘന പ്രവർത്തനം നടത്തുന്നവരുടെ ചിത്രങ്ങൾ ആർ.ടി.എയുടെയും ദുബൈ പൊലീസി​​​​െൻറയും പക്കലുണ്ട്​. ആ ശേഖരം പരതി രണ്ടു മണിക്കൂർ കൊണ്ട്​ പ്രതിയെ തിരിച്ചറിഞ്ഞു. ദുബൈ പൊലീസി​​​​െൻറ സഹായത്തോടെ കണ്ടെത്തി പിടികൂടുകയും ചെയ്​തു. സംഭവം അറിഞ്ഞ്​ ആർ.ടി.എ ചെയർമാൻ മത്താർ അൽ തായർ വിഷയത്തിൽ അടിയന്തിരമായി ഇടപെടുകയും ദുബൈയിൽ അതിഥിയായി എത്തിയ ആൾ അനുഭവിച്ച വേദനക്ക് പ്രതിവിധിയായി വിമാനത്താവളത്തിൽ നിന്ന്​ ഹോട്ടലിലേക്ക്​ ടെസ്​ലയിൽ സവാരി ഏർപ്പെടുത്തി നൽകാൻ നിർദേശിക്കുകയും ചെയ്​തു.

ജീവിതത്തിലെ മറക്കാനാവാത്ത ആതിഥ്യമര്യാദയാണ്​ ദുബൈ നൽകിയതെന്നുംവീണ്ടും വീണ്ടും സഞ്ചരിക്കാൻ പറ്റിയ സ്​ഥലമേതെന്നു ചോദിക്കുന്ന ത​​​​െൻറ പ്രിയപ്പെട്ടവരോട്​ ദുബൈ നിർദേശിക്കുമെന്നുമാണ്​ നാട്ടിൽ തിരിച്ചെത്തിയ അവർ സന്ദേശമയച്ചത്​. സുഗമവും സുരക്ഷിതവുമായ സ​ഞ്ചാരം ഉറപ്പുവരുത്തുവാനുള്ള ആർ.ടി.എയുടെ പരിശ്രമങ്ങൾക്ക്​ ജനങ്ങളും പൊലീസും മറ്റ്​ സർക്കാർ ഏജൻസികളും ചേർന്ന്​ പിന്തുണ നൽകിയതി​​​​െൻറ ഫലം കൂടിയാണ്​ ഇൗ സംഭവമെന്ന്​ മുഹമ്മദ്​ നബ്​ഹാൻ ചൂണ്ടിക്കാട്ടി. ദുബൈ വിമാനത്താളവത്തിൽ സ്വകാര്യ വാഹനത്തിൽ വന്നിറങ്ങുന്ന ചിലരോട്​ മഫ്​ടിയിലുള്ള ആർ.ടി.എ ഉദ്യോഗസ്​ഥർ എത്തി രേഖകളും മറ്റു കാര്യങ്ങളും ചോദിച്ചറിയാറുണ്ട്​. കൊണ്ടുവന്നു വിട്ടയാൾ പണം വാങ്ങിയിട്ടില്ല എന്ന്​ ഉറപ്പുവരുത്തുന്നതിനാണ്​ ഇൗ നടപടിയെന്നും നബ്​ഹാൻ വ്യക്​തമാക്കി.