ക്രിക്കറ്റ്സ് സ്പേരോ വിൻറർ ക്യാമ്പിൽ ഡേവ് വാട്ട്മോർ പരിശീലനം നൽകും

ദുബൈ: അന്താരാഷ്ട്ര ക്രിക്കറ്റ് കോച്ചിങ്​ മേഖലയിലെ പ്രമുഖനും മുൻ ആസ്ട്രേലിയൻ ക്രിക്കറ്റ് താരവുമായ കേരള ക്ര ിക്കറ്റ് ടീം കോച്ച്​ ഡേവ് വാട്ട്മോർ ദുബൈയിൽ. ഇൗ മാസം 31 വരെ ഉൗദ്​മേത്തയിലെ അൽനാസർ ക്ലബിൽ ക്രിക്കറ്റ്സ് സ്പേരോ സം ഘടിപ്പിക്കുന്ന വിൻറർ ക്യാമ്പിൽ പ്രത്യേക പരിശീലനം നൽകുവാനാണ്​ അദ്ദേഹമെത്തിയത്​. ഫിറ്റ്നസ്, സ്ഥിരത, കായികക്ഷമത എന്നിവയ്ക്ക് പ്രാധാന്യം നൽകുന്ന ക്യാമ്പിൽ ഡേവ് വാട്ട്മോറിനൊപ്പമുള്ള 4 ദിവസത്തെ പ്രത്യേക പരിശീലനത്തിനു പുറമെ മറ്റു മികച്ച കോച്ചുകളുടെയും ഫിറ്റ്നസ് ട്രെയിനർമാരുടെയും ക്ലാസുകളുണ്ടാവും.

വളർന്നു വരുന്ന ക്രിക്കറ്റർമാർക്ക് ലോകത്തിലെ മികച്ച കോച്ചുകളിൽ നിന്ന്​ കളിയുടെ പാഠങ്ങൾ അഭ്യസിക്കാനുള്ള സൗകര്യമാണ്​ ക്യാമ്പിൽ ഒരുക്കുന്നതെന്ന്​ ക്രിക്കറ്റ്സ് സ്പേരോ സി.ഇ.ഒ റജി ചെറിയാൻ വാർത്താ സമ്മേളനത്തിൽ അറിയിച്ചു. എല്ലാ വർഷവും ഡിസംബറിൽ വിൻറർ ക്യാമ്പും, മാർച്ചിൽ സ്പ്രിംഗ് ക്യാമ്പും ജൂലൈയിൽ സമ്മർ ക്യാമ്പും അക്കാദമി നടത്തുന്നുണ്ട്​. സമ്മർ ക്യാമ്പ് നടത്തുന്നത് ഇന്ത്യയിലാണ്. രാവിലെ ഏഴിനു തുടങ്ങുന്ന ക്യാമ്പ് 11 മണി വരെ നീളും. അണ്ടർ 12നും സീനിയർ ആൾകുട്ടികൾക്കുമായി പ്രത്യേക ബാച്ചുകൾ ഒരുക്കിയിട്ടുണ്ടെന്ന്​ മുൻ രഞജി താരങ്ങളും ഡയറക്ടർമാരുമായ പി.ജി സുന്ദറും ഫിദ അസ്ഗറും പറഞ്ഞു.