കോട്ടുമല അനുസ്മരണവും സഹിഷ്ണുതാ സംഗമവും ഇന്ന്

ദുബൈ: സമസ്ത നായകനും 33 വർഷം കടമേരി റഹ്മാനിയ്യ പ്രിൻസിപ്പാളുമായിരുന്ന ഹജ്ജ്​ കമ്മിറ്റി മുൻ ചെയർമാൻ കോട്ടുമല ബാ പ്പു മുസലിയാരുടെ അനുസ്മരണവും യു.എ.ഇ സഹിഷ്ണുതാ വർഷ സന്ദേശപ്രചാരണ സംഗമവും ഇന്ന്​​ രാത്രി ഏഴു മണിയ്ക്ക് ദുബൈ അൽ ബറാഹ ആശുപത്രിയിലെ അല്‍ ഉവൈസ് ഓഡിറ്റോറിയത്തില്‍ നടക്കും. സമസ്ത കേരള ജംഇയ്യത്തുല്‍ ഉലമ പ്രസിഡൻറ്​ മുഹമ്മദ് ജിഫ്രി മുത്തുക്കോയ തങ്ങള്‍, സമസ്ത ജോ.സെക്രട്ടറിയും കടമേരി റഹ്മാനിയ്യ പ്രിൻസിപ്പാളുമായ എം.ടി അബ്ദുല്ല മുസലിയാര്‍ തുടങ്ങിയവർ പ​െങ്കടുക്കും. കടമേരി റഹ്മാനിയ്യയും ഗൾഫ്​ സത്യധാരയും സംയുക്തമായാണ് പരിപാടി സംഘടിപ്പിക്കുന്നതെന്ന്​ കടമേരി റഹ്മാനിയ്യ പ്രസിഡൻറ്​ ഇബ്രാഹിം മുറിച്ചാണ്ടി, സെക്രട്ടറി പി.കെ.അബ്ദുല്‍ കരീം എന്നിവര്‍ വാര്‍ത്താ സമ്മേളനത്തില്‍ അറിയിച്ചു.

യു.എ.ഇ ഭരണകൂടം പ്രഖ്യാപിച്ച സഹിഷ്ണുതാ വർഷത്തി​​​െൻറ പശ്ചാത്തലത്തില്‍ സമസ്ത കേരള ജംഇയ്യത്തുല്‍ ഉലമ സ്വീകരിച്ച് വരുന്ന മധ്യമ നിലപാട് കൂടുതല്‍ ചർച്ച ചെയ്യപ്പെട​ുമെന്നും സംഘാടകർ പറഞ്ഞു.റഹ്മാനിയ്യ കടമേരി ട്രഷറര്‍ കുറ്റിക്കണ്ടി അബൂബക്കര്‍, സ്വാഗത സംഘം കൺവീനര്‍ മിദ്​ലാജ് റഹ്മാനി, ഭാരവാഹികളായ വലിയാണ്ടി അബ്ദുല്ല, പാറക്കല്‍ മുഹമ്മദ്,കടോളി അഹമ്മദ്,ടി.വി.പി മുഹമ്മദലി,തെക്കയില്‍ മുഹമ്മദ്,അബ്ദുല്ല റഹ്മാനി, ഇസ്മായീല്‍ ഏറാമല,മൊയ്തു അരൂര്‍, റഹ്മാനീസ് പ്രസിഡൻറ്​ വാജിദ് റഹ്മാനി,സെക്രട്ടറി റഫീഖ് റഹ്മാനി, ഉസ്മാന്‍ പറമ്പത്ത് തുടങ്ങിയവര്‍ വാർത്താ സമ്മേളനത്തില്‍ സംബന്ധിച്ചു.