വാഹനാപകടത്തിൽ സ്വദേശി മരിച്ചു

ഷാർജ: ശൈഖ് മുഹമ്മദ് ബിൻ സായിദ് റോഡിൽ തസ്​ജീൽ വില്ലേജിന് സമീപം ഞായറാഴ്ച പുലർച്ചെ 1.30ന് നടന്ന വാഹനാപകടത്തിൽ 30 വയസുള്ള സ്വദേശി മരിച്ചതായി പൊലീസ്​ പറഞ്ഞു. ഇയാളോടിച്ച വാഹനം നിയന്ത്രണം വിടുകയും വിളക്കുകാലിൽ ഇടിച്ച് മറിഞ്ഞ് കത്തുകയുമായിരുന്നു. ഉടനെ തന്നെ പൊലീസ്​ ഇയാളെ അൽ ഖാസിമി ആശുപത്രിയിൽ എത്തിച്ചെങ്കിലും ഫലമുണ്ടായില്ല. അമിത വേഗതയും അശ്രദ്ധയുമാണ് അപകടം വരുത്തി വെച്ചതെന്ന് ഷാർജ പൊലീസിലെ ട്രാഫിക് ആൻഡ് പേട്രാൾ വിഭാഗം ഡയറക്ടർ ലെഫ്. കേണൽ മുഹമ്മദ് അൽ അലൈ പറഞ്ഞു.