You are here

മാർപ്പാപ്പ യു.എ.ഇ സന്ദർശിക്കുന്നു

07:43 AM
07/12/2018

ദുബൈ: പോപ്പ്​ ഫ്രാൻസിസ്​ മാർപ്പാപ്പ യു.എ.ഇ സന്ദർശനത്തിനൊരുങ്ങുന്നു. ഫെബ്രുവരി ആദ്യവാരം അബൂദബിയിൽ നടക്കുന്ന സർവ്വമത സംഗമത്തിൽ പങ്കുചേരാൻ അബൂദബി കിരീടാവകാശിയും യു.എ.ഇ സായുധ സേന ഉപ സർവ്വ സൈന്യാധിപനുമായ ശൈഖ്​ മുഹമ്മദ്​ ബിൻ സായിദ്​ ആൽ നഹ്​യാ​​െൻറ ക്ഷണം സ്വീകരിച്ചാണ്​ പാപ്പ എത്തുന്നത്​. യു.എ.ഇ വൈസ്​ പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തും മാർപ്പാപ്പയുടെ ആഗമന വാർത്തയെ ഹൃദയപൂർവം സ്വാഗതം ചെയ്​തു. 

പരസ്​പരം മനസിലാക്കുന്നതും ബഹുമാനിക്കുന്നതിനും സഹകരണം ശക്​തമാക്കുന്നതിനും ഇൗ വരവ്​ ഇടവരുത്തുമെന്ന്​ ശൈഖ്​ മുഹമ്മദ്​ ട്വിറ്ററിൽ കുറിച്ചു. മതാതീത സംവാദങ്ങൾക്ക്​ അവസരമൊരുക്കാനും ലോക രാഷ്​ട്രങ്ങൾക്കിടയിൽ സമാധാനം സ്​ഥാപിക്കാനും ഇതു സഹായകമാവും. ശൈഖ്​ മുഹമ്മദ്​ ബിൻ സായിദും മാർപ്പാപ്പയുടെ വരവിൽ സന്തുഷ്​ടി അറിയിച്ചു. സമാധാനത്തി​​െൻറയും സഹിഷ്​ണുതയുടെയും പ്രതീകവും സാഹോദര്യത്തി​​െൻറ പ്രചാരകനുമായ മാർപ്പാപ്പയുടെ വരവ്​ ചരിത്ര സന്ദർശനമായി മാറുമെന്നും ജനങ്ങൾക്കിടയിൽ സമാധാനപൂർണമായ സഹവർത്തിത്വത്തിന്​ ഇതു സഹായകമാകുമെന്നും അദ്ദേഹം ചൂണ്ടിക്കാട്ടി.

Loading...
COMMENTS