മീൻപിടിത്ത മത്സരം: വിജയികൾക്ക് മികച്ച സമ്മാനം
text_fieldsഫുജൈറ: ഫുജൈറ ഇൻറർ നാഷനൽ മറൈൻ ക്ലബ്ബ് മത്സ്യ ബന്ധന മത്സരം സംഘടിപ്പിച്ചു. ഫുജൈറ കിരിടാവകാശി ശൈഖ് മുഹമ്മദ് ബിൻ ഹമദ് അൽ ശർഖിയുടെ പിന്തുണയോടെ മൂന്നു ദിവസമായി നടന്ന മത്സരത്തിൽ വിവിധ രാജ്യങ്ങളിൽ നിന്ന് 26 ടീമുകൾ പങ്കെടുത്തു. തൂക്കം , ഇനം , വലിപ്പം എന്ന നിലയിലായിരുന്നു മത്സരം . 988 പോയൻറിൽ ടീം ബ്ലെസ് ബോക്സ് ഒന്നാം സ്ഥാനവും ,945 പോയൻറ് നേടി കെ.ബി.ഇ രണ്ടാം സ്ഥാനവും 826 പോയേൻറാടെ അബൂദബി ഷാർക് 3 മൂന്നാം സ്ഥാനവും കരസ്ഥമാക്കി. ഏററവും വലിയ ട്യൂന അബൂദബി ടീമിലെ ഫഹദ് ഖമീസും ,വലിയ ഡോറിഡോ കുവൈത്ത് ടീമിലെ അബ്ദുറഹിമാൻ അൽ യാ ഫി ,വലിയ ബർക്കുഡ സുലി മാൻ ടീമിലെ സീൻ ഒലിവർ എന്നിവർ പിടിച്ചു .
മറൈൻ ക്ലബ്ബ് ഡയറക്ടർ അഹമ്മദ് ഇബ്രാഹിം മുഹമ്മദിെൻറ അദ്ധ്യക്ഷതയിൽ നടന്ന സമ്മാനദാന പരിപാടിയിൽ ശൈഖ് സൈഫ് ബിൻ ഹമദ് ബിൻ സൈഫ് അൽ ഷർഖി വിജയികൾക്ക് സമ്മാനം വിതരണം ചെയ്തു.ഒന്നാം സ്ഥാനക്കാർക്ക് 30,000 ദിർഹവും അഞ്ചുപേർക്ക് അടുത്ത കൊല്ലം കോസ്റ്ററിക്ക യിൽ നടക്കുന്ന വേൾഡ് മത്സ്യ ബന്ധന മത്സരത്തിൽ പങ്കെടുക്കാനുള്ള റിട്ടേൺ ടിക്കറ്റുമായിരുന്നു സമ്മാനം.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.