പാത്രിയർക്കീസ് ബാവക്ക് അൽെഎനിൽ സ്നേഹ സ്വീകരണം
text_fieldsഅൽെഎൻ: അൽെഎൻ സെൻറ് ജോർജ് യാക്കോബായ സിംഹാസന കത്തീഡ്രലിൽ പരിശുദ്ധ പാത്രിയർക്കീസ് ബാവക്കും സംഘത്തിനും സ്നേഹോഷ്മള സ്വീകരണമൊരുക്കി. കവാടത്തിൽനിന്ന് വാദ്യമേളങ്ങളുടെ അകമ്പടിയോടെയാണ് ബാവയെ പള്ളിയിലേക്ക് ആനയിച്ചത്. തുടർന്ന് നടന്ന സന്ധ്യാസമസ്കാരത്തിന് പരിശുദ്ധ ബാവ മുഖ്യ കാർമികത്വം വഹിച്ചു. ഇടവകയുടെ 40ാം വാർഷികാഘോഷത്തിന് ശ്രേഷ്ഠ കാതോലിക്ക ആബൂൻ മോർ ബസേലിയോസ് തോമസ് പ്രഥമൻ ബാവ അധ്യക്ഷത വഹിച്ചു. ഇടവക മെത്രോപ്പോലീത്ത െഎസക് മോർ ഒസ്താത്തിയോസ് സ്വാഗതം ആശംസിച്ചു.
സുന്നഹദോസ് സെക്രട്ടറി മോർ ഗ്രീഗോറിയോസ്, കുര്യാക്കോസ് മോർ സേവേറിയോസ്, ബെയ്റൂത്ത് ആർച്ച് ബിഷപ് ദാനിയേൽ മോർ ക്ലിമ്മീസ്, മത്യാസ് മോർ പീലക്സിനോസ്, നഥാലിയേൽ മോർ ബർത്തലമോസ്, മാത്യൂസ് മോർ പൗലോസ്, ഫാ. ജോഷ്വ മാർക്കോസ്, ഫാ. ജീജൻ എബ്രഹാം, ഫാ. മാത്യൂസ് പനച്ചിക്കൽ, ഫാ. എബിൻ എബ്രഹാം, ഫാ. സിജു എബ്രഹാം, ഫാ. സാജൻ സി. അലക്സ്, ഫ. ക്രിസ്റ്റോ, ഫാ. നിഥിൻ ഗീവർഗീസ്, ഫാ. മീഖായേൽ, ഇടവക വികാരി ഫാ. അരുൺ സി. എബ്രഹാം, കമാൻഡർ ഉമ്മൻ വർഗീസ്, ഇടവക സെക്രട്ടറി ജോസഫ് വർഗീസ്, ട്രസ്റ്റി ജേക്കബ് വി. തോമസ്, യു.എ.ഇ മേഖല സെക്രട്ടറി കാളിയംമേലിൽ പൗലോസ് കോറെപ്പിസ്കോപ്പ, അൽമായ സെക്രട്ടറി സണ്ണി എം. ജോൺ കാട്ടിപ്പറമ്പിൽ, ഡീക്കൺ സാജൻ പട്ടേശ്ശരി തുടങ്ങിയവർ സംബന്ധിച്ചു.
വെള്ളിയാഴ്ച രാവിലെ 8.30ന് ഷാർജ സെൻറ് മേരീസ് യാക്കോബായ സുറിയാനി സൂനോറോ പാത്രിയർക്കൽ കത്തീഡ്രലിൽ ഇടവകയുടെ നേതൃത്വത്തിൽ പരിശുദ്ധ ബാവക്കും സംഘത്തിനും സ്വീകരണം നൽകും. ഒമ്പതിന് ബാവയുടെ മുഖ്യ കാർമികത്വത്തിൽ വിശുദ്ധ കുർബാന നടക്കും. ശ്രേഷ്ഠ കാതോലിക്ക ബാവയും അഭിവന്ദ്യ പിതാക്കന്മാരും സഹ കാർമികത്വം വഹിക്കും. ഉച്ചക്ക് ഒന്നിന് ഷാർജ സെൻറ് മേരീസ് ക്നാനായ ഇടവക സ്വീകരണം നൽകും. വൈകുന്നേരം അഞ്ചിന് സിറിയൻ സമൂഹത്തിനായി ദുബൈ സെൻറ് മേരീസ് സിറിയൻ പള്ളിയിൽ വി. കുർബാന അർപ്പിക്കും. തുടർന്ന് വിശ്വാസി സമൂഹത്തെ ബാവ അഭിസംബോധന ചെയ്യും.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.