ദുബൈ പൊലീസി​െൻറ ഗതാഗത പിഴയിളവ്​ സൂപ്പർ ഹിറ്റ്​; ഗുണം ലഭിച്ചത്​ നാലര ലക്ഷം പേർക്ക്​

ദുബൈ: ഇൗ വർഷം ഫെബ്രുവരിയിൽ ദുബൈ പൊലീസ്​ പ്രഖ്യാപിച്ച ഇളവി​​െൻറ പ്രയോജനം ലഭിച്ചത്​ നാലര ലക്ഷത്തിലേറെ (457,154) വാ ഹനയാത്രികർക്ക്. വാഹനയാത്രികരെ കുറ്റങ്ങളിൽ നിന്ന്​ ഒഴിവാക്കുവാനും റോഡ്​ അപകടങ്ങളും മരണങ്ങളും കുറക്കുവാനും ലക്ഷ്യമിട്ട്​ നടപ്പിലാക്കിയ പദ്ധതിക്ക്​ വൻ സ്വീകാര്യതയും മികച്ച പ്രയോജനവുമാണ്​ ലഭിക്കുന്നതെന്ന്​ ദുബൈ പൊലീസ്​ അധികൃതർ വ്യക്​തമാക്കി.ഫെബ്രുവരി ആറു മുതൽ മൂന്നു മാസങ്ങളിൽ ഗതാഗത നിയമങ്ങളൊന്നും ലംഘിക്കാതെ വാഹനമോടിക്കുന്നവർക്ക്​ മുൻപ്​ ചുമത്തപ്പെട്ട പിഴയുടെ 25 ശതമാനം ഇളവു നൽകുമെന്നായിരുന്നു പ്രഖ്യാപനം.

ആറു മാസം ഇതു തുടർന്നാൽ 50 ശതമാനം ഒമ്പത മാസം പിന്നിടു​േമ്പാൾ 75 ശതമാനം ഒരു വർഷം നിയമലംഘനങ്ങളില്ലാതെ വാഹനമോടിച്ചാൽ നേരത്തേ ചുമത്തപ്പെട്ട പിഴയിൽ നിന്ന്​ പൂർണ മുക്​തി എന്നിങ്ങനെയാണ്​ പദ്ധതി. ​വാഹനമോടിക്കുന്നവർ സൂക്ഷ്​മത വർധിപ്പിച്ചതോടെ റോഡപകട മരണങ്ങൾ 31 ശതമാനം കുറക്കാൻ സാധിച്ചതായി അസി. കമാൻഡർ മേജർ ജനറൽ മുഹമ്മദ്​ സൈഫ്​ അൽ സഫീൻ വ്യക്​തമാക്കി. 1,260,047 കുറ്റങ്ങളിലാണ്​ ഇളവു നൽകിയത്​. 19 ശതമാനം വാഹനങ്ങൾ പിടിച്ചിടുന്നതും ഒഴിവാക്കാനായി.

അപകട മരണങ്ങൾ കുറയുന്നത്​ സാമൂഹിക നേട്ടമാണ്​. ഒപ്പം സാമ്പത്തിക ബാധ്യതകളും പ്രയാസങ്ങളും കുറക്കുവാനും സഹായകമാണ്​. ഒരാൾ റോഡിൽ അപകടത്തിൽപ്പെട്ട്​ മരിച്ചാൽ 60 ലക്ഷം ദിർഹമാണ്​ സർക്കാറിന്​ ചിലവ്​ വരിക. ഇൗ വർഷം അപകടങ്ങൾ കുറഞ്ഞ വകയിൽ 6 കോടി ദിർഹത്തി​​െൻറ ബാധ്യത ഒഴിവായതായി ട്രാഫിക്​ വകുപ്പ്​ ഡയറക്​ടർ ബ്രിഗേഡിയർ സൈഫ്​ മുഹൈർ അൽ മസ്​റൂഇ പറഞ്ഞു. ഗതാഗത നിയമങ്ങൾ കൃത്യമായി പാലിച്ച ഡ്രൈവർമാർക്ക്​ ഇളവ്​ വിവരം അറിയിച്ചുള്ള സ​േന്ദശം അയച്ചിട്ടുണ്ട്​.