ഇ​സ്രാ​യേ​ലി​ന്‍റെ ഇ​റാ​ൻ ആ​ക്ര​മ​ണ​ത്തെ ശ​ക്ത​മാ​യി അ​പ​ല​പി​ച്ച്​ യു.​എ.​ഇ

അ​ബൂ​ദ​ബി: ഇ​റാ​നെ ല​ക്ഷ്യം​വെ​ച്ച്​ ഇ​സ്രാ​യേ​ൽ ന​ട​ത്തി​യ ആ​ക്ര​മ​ണ​ത്തെ ശ​ക്ത​മാ​യി അ​പ​ല​പി​ച്ച്​ യു.​എ.​ഇ. മേ​ഖ​ല​യി​ൽ തു​ട​ർ​ച്ച​യാ​യു​ണ്ടാ​കു​ന്ന സം​ഘ​ർ​ഷാ​വ​സ്ഥ​യി​ലും പ്രാ​ദേ​ശി​ക സു​ര​ക്ഷ​യി​ലും സ്ഥി​ര​ത​യി​ലും അ​തു​ണ്ടാ​ക്കു​ന്ന പ്ര​ത്യാ​ഘാ​ത​ത്തി​ലും പ്ര​സ്താ​വ​ന ആ​ശ​ങ്ക പ്ര​ക​ടി​പ്പി​ക്കു​ക​യും​ചെ​യ്തു.അ​പ​ക​ടം ല​ഘൂ​ക​രി​ക്കു​ന്ന​തി​നും സം​ഘ​ർ​ഷം വ്യാ​പി​ക്കു​ന്ന​ത് ത​ട​യു​ന്ന​തി​നും പ​ര​മാ​വ​ധി സ്വ​യം നി​യ​ന്ത്ര​ണം പാ​ലി​ക്കേ​ണ്ട​തു​ണ്ടെ​ന്നും വി​ദേ​ശ​കാ​ര്യ മ​ന്ത്രാ​ല​യം പു​റ​ത്തു​വി​ട്ട പ്ര​സ്താ​വ​ന​യി​ൽ ആ​വ​ശ്യ​പ്പെ​ട്ടു. നി​ല​വി​ലെ പ്ര​തി​സ​ന്ധി​ക​ൾ പ​രി​ഹ​രി​ക്കു​ന്ന​തി​ന് സം​ഭാ​ഷ​ണം മെ​ച്ച​പ്പെ​ടു​ത്തു​ക, അ​ന്താ​രാ​ഷ്ട്ര നി​യ​മ​ങ്ങ​ൾ പാ​ലി​ക്കു​ക, രാ​ഷ്ട്ര​ങ്ങ​ളു​ടെ പ​ര​മാ​ധി​കാ​ര​ത്തെ ബ​ഹു​മാ​നി​ക്കു​ക എ​ന്നി​വ അ​ത്യാ​വ​ശ്യ ത​ത്ത്വ​ങ്ങ​ളാ​ണെ​ന്ന നി​ല​പാ​ടാ​ണ്​ യു.​എ.​ഇ​യു​ടേ​തെ​ന്നും സം​ഘ​ർ​ഷം രൂ​ക്ഷ​മാ​ക്കു​ന്ന​തി​നു പ​ക​രം ന​യ​ത​ന്ത്ര മാ​ർ​ഗ​ങ്ങ​ളി​ലൂ​ടെ ത​ർ​ക്ക​ങ്ങ​ൾ പ​രി​ഹ​രി​ക്ക​ണ​മെ​ന്നും മ​ന്ത്രാ​ല​യം വ്യ​ക്ത​മാ​ക്കി. വെ​ടി​നി​ർ​ത്ത​ൽ കൈ​വ​രി​ക്കു​ന്ന​തി​നും അ​ന്താ​രാ​ഷ്ട്ര സ​മാ​ധാ​ന​വും സു​ര​ക്ഷ​യും ശ​ക്തി​പ്പെ​ടു​ത്തു​ന്ന​തി​നും അ​ടി​യ​ന്ത​ര​വും ആ​വ​ശ്യ​മാ​യ​തു​മാ​യ ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്ന് ഐ​ക്യ​രാ​ഷ്ട്ര സ​ഭ സു​ര​ക്ഷ കൗ​ൺ​സി​ലി​നോ​ടും പ്ര​സ്താ​വ​ന ആ​വ​ശ്യ​പ്പെ​ട്ടു.