യെമനിൽ മരിച്ച യു.എ.ഇ സൈനിക​ന്​ അന്ത്യാഞ്​ജലി

അബൂദബി: യെമനിൽ ബുധനാഴ്​ച മരിച്ച യു.എ.ഇ സൈനികൻ അബ്​ദുല്ല അഹ്​മദ്​ ആൽ ഹസനിയുടെ മൃതദേഹം ഖബറടക്കി. ബനിയാസ്​ ഖബർസ്​ഥാനിൽ നടന്ന ഖബറടക്കത്തിൽ ബന്ധുക്കൾ ഉൾപ്പെടെ നിരവധി പേർ പ​െങ്കടുത്തു. 
യെമനിലെ റെസ്​റ്റോറിങ്​ ഹോപ്​ ഒാപറേഷ​​െൻറ ഭാഗമായി സൗദി അറേബ്യയുടെ നേതൃത്വത്തിലുള്ള സഖ്യ സേനയോ​െടാപ്പം പ്രവർത്തിക്കു​േമ്പാഴാണ്​ അബ്​ദുല്ല അഹ്​മദ്​ മരിച്ചത്​. ആറ്​ മാസം മുമ്പാണ്​ ഇദ്ദേഹം വിവാഹിതനായത്​. ഭാര്യ ഗർഭിണിയാണ്​. ആറ്​ വർഷമായി അബ്​ദുല്ല അഹ്​മദ്​ യു.എ.ഇ സായുധ സേനയിൽ സേവനമനുഷ്​ടിക്കുന്നു. 
വ്യാഴാഴ്​ചയാണ്​ മൃതദേഹം അബൂദബി അൽ ബതീൻ വിമാനത്താവളത്തിലെത്തിച്ചത്​. പ്രത്യേക സൈനിക ബഹുമതിയോടെയാണ്​ മൃതദേഹം സ്വീകരിച്ചത്​. നിരവധി മുതിർന്ന ഉദ്യോഗസ്​ഥർ വിമാനത്താവളത്തിൽ സന്നിഹതരായിരുന്നു.