സ​ഹാ​യ വ​സ്തു​ക്ക​ളു​മാ​യി യു.​എ.​ഇ ക​പ്പ​ൽ സൈ​പ്ര​സ്​ വ​ഴി ഗ​സ്സ​യി​ലേ​ക്ക്​

ദു​ബൈ: ഇ​സ്രാ​യേ​ൽ അ​ധി​നി​വേ​ശ​ത്തി​ൽ ദു​രി​തം​പേ​റു​ന്ന ഫ​ല​സ്തീ​ൻ നി​വാ​സി​ക​ൾ​ക്ക്​ കൂ​ടു​ത​ൽ സ​ഹാ​യ​വു​മാ​യി യു.​എ.​ഇ. 1160 ട​ൺ അ​വ​ശ്യ ഭ​ക്ഷ്യ​വ​സ്തു​ക്ക​ളു​മാ​യി യു.​എ.​ഇ ച​ര​ക്കു​ക​പ്പ​ൽ സൈ​പ്ര​സ്​ വ​ഴി ഗ​സ്സ മു​ന​മ്പി​ലേ​ക്ക്​ പു​റ​പ്പെ​ട്ടു. യു​നൈ​റ്റ​ഡ്​ സ്​​റ്റേ​റ്റ്​​സ്​ ഏ​ജ​ൻ​സി ഫോ​ർ ഇ​ന്‍റ​ർ​നാ​ഷ​ന​ൽ ഡ​വ​ല​പ്​​മെ​ന്‍റി​ന്‍റെ (യു.​എ​സ്.​എ.​ഐ.​ഡി) സ​ഹ​ക​ര​ണ​ത്തോ​ടെ​യാ​ണ്​ സ​ഹാ​യ​മെ​ത്തി​ക്കു​ന്ന​ത്. യു.​എ​സ്.​എ, സൈ​പ്ര​സ്, യു​നൈ​റ്റ​ഡ്​ നേ​ഷ​ൻ​സ്​ എ​ന്നി​വ കൂ​ടാ​തെ യൂ​റോ​പ്യ​ൻ യൂ​നി​യ​ൻ ഉ​ൾ​പ്പെ​ടു​ന്ന മ​റ്റ്​ അ​ന്താ​രാ​ഷ്ട്ര സേ​വ​ന​ദാ​താ​ക്ക​ളു​മാ​യി കൈ​കോ​ർ​ത്ത്​ യു.​എ​സ്.​എ.​ഐ.​ഡി ര​ണ്ടാ​ഴ്ച മു​മ്പ്​ സൈ​പ്ര​സ്​ വ​ഴി സ​ഹാ​യ​മെ​ത്തി​ച്ചി​രു​ന്നു. ഇ​തി​നു​പി​ന്നാ​ലെ​യാ​ണ്​ കൂ​ടു​ത​ൽ സ​ഹാ​യ​ങ്ങ​ളു​മാ​യി ക​പ്പ​ൽ പു​റ​പ്പെ​ട്ട​ത്​.

സൈ​പ്ര​സി​ലെ ല​ർ​ണാ​ക തു​റ​മു​ഖ​ത്തു​​നി​ന്ന്​ ആ​ഷ്​​ദൂ​ദി​ലേ​ക്ക്​ പോ​കു​ന്ന ക​പ്പ​ൽ അ​മേ​രി​ക്ക​ൻ നി​യ​ർ ഈ​സ്റ്റ്​ റ​ഫ്യൂ​ജീ​സ്​ എ​യ്​​ഡി​ന്‍റെ സ​ഹ​ക​ര​ണ​ത്തോ​ടെ ബൈ​ത്ത്​ ഹാ​നൂ​ൻ വ​ഴി ഗ​സ്സ മു​ന​മ്പി​ൽ പ്ര​വേ​ശി​ക്കും. തു​ട​ർ​ന്ന്​ എ​മി​റേ​റ്റ്​​സ്​ റെ​ഡ്​ ക്ര​സ​ന്‍റി​ന്‍റെ നേ​തൃ​ത്വ​ത്തി​ൽ സ​ഹാ​യ​ങ്ങ​ൾ വി​ത​ര​ണം ചെ​യ്യും. ഗ​സ്സ​യി​ലേ​ക്കു​ള്ള സ​ഹാ​യ​​മെ​ത്തി​ക്കു​ന്ന​തി​നും വി​ത​ര​ണം ഉ​റ​പ്പു​വ​രു​ത്തു​ന്ന​തി​നും അ​ന്താ​രാ​ഷ്ട്ര സ​മൂ​ഹ​ങ്ങ​ളു​മാ​യി സ​ഹ​ക​രി​ച്ച്​ ന​ട​ത്തു​ന്ന പ്ര​വ​ർ​ത്ത​നം യു.​എ.​ഇ തു​ട​രു​ക​യാ​ണ്. ഗ​സ്സ​യി​ലെ ഫ​ല​സ്തീ​ൻ ജ​ന​ത നേ​രി​ടു​ന്ന മാ​നു​ഷി​ക​മാ​യ പ്ര​തി​സ​ന്ധി ല​ഘൂ​ക​രി​ക്കു​ന്ന​തി​നു​ള്ള ന​ട​പ​ടി​ക​ളും യു.​എ.​ഇ​യു​ടെ ഭാ​ഗ​ത്തു​​നി​ന്ന്​ സ​ജീ​വ​മാ​യി ന​ട​ക്കു​ന്നു​ണ്ട്​. ഗ​സ്സ​യി​ൽ പ​രി​​ക്കേ​റ്റ​വ​​രെ​യും രോ​ഗ​ബാ​ധി​ത​രെ​യും തു​ട​ർ ചി​കി​ത്സ​ക്കാ​യി എ​ത്തി​ക്കു​ന്ന പ​ദ്ധ​തി​യും യു.​എ.​ഇ തു​ട​ർ​ന്നു​വ​രു​ന്നു​ണ്ട്.