പൊ​ലീ​സ്​ അ​ക്കാ​ദ​മി​യി​ൽ​നി​ന്ന്​ 477​ കാ​ഡ​റ്റു​ക​ൾ ബി​രു​ദം നേ​ടി ശൈ​ഖ്​ ഹം​ദാ​ൻ പ​​ങ്കെ​ടു​ത്തു

ദു​ബൈ: എ​മി​റേ​റ്റി​ന്‍റെ സു​ര​ക്ഷ ചു​മ​ത​ല​ക​ൾ വ​ഹി​ക്കു​ന്ന​തി​നാ​യി 477കാ​ഡ​റ്റു​ക​ൾ പ​രി​ശീ​ല​നം പൂ​ർ​ത്തി​യാ​ക്കി പു​റ​ത്തി​റ​ങ്ങി. ദു​ബൈ കി​രീ​ടാ​വ​കാ​ശി​യും എ​ക്​​സി​ക്യൂ​ട്ടി​വ്​ കൗ​ൺ​സി​ൽ ചെ​യ​ർ​മാ​നു​മാ​യ ശൈ​ഖ്​ ഹം​ദാ​ൻ ബി​ൻ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂം ബി​രു​ദ​ദാ​ന ച​ട​ങ്ങി​ൽ പ​​ങ്കെ​ടു​ക്കു​ക​യും ചെ​യ്തു.

958 മു​ൻ ബി​രു​ദ​ധാ​രി​ക​ൾ പ​ങ്കെ​ടു​ത്ത സൈ​നി​ക പ​രേ​ഡും പ്ര​ക​ട​ന​ങ്ങ​ളും ശൈ​ഖ്​ ഹം​ദാ​ൻ വീ​ക്ഷി​ക്കു​ക​യും മി​ക​ച്ച പ്ര​ക​ട​നം കാ​ഴ്ച​വെ​ച്ച​വ​രെ ആ​ദ​രി​ക്കു​ക​യും ചെ​യ്തു. ന്യൂ​യോ​ർ​ക്​ പൊ​ലീ​സ്​ അ​ക്കാ​ദ​മി​യി​ൽ​നി​ന്ന്​ ബി​രു​ദം നേ​ടി​യ ര​ണ്ട് വ​നി​ത പൊ​ലീ​സ് ഓ​ഫി​സ​ർ​മാ​രെ അ​ദ്ദേ​ഹം പ്ര​ത്യേ​കം അ​ഭി​ന​ന്ദി​ക്കു​ക​യും ചെ​യ്തു. ന്യൂ​യോ​ർ​ക്​ അ​ക്കാ​ദ​മി​യി​ൽ യു.​എ​സി​ന്​ പു​റ​ത്തു​നി​ന്നെ​ത്തി ബി​രു​ദം നേ​ടു​ന്ന ആ​ദ്യ വ​നി​ത​ക​ളാ​ണി​വ​ർ. ദു​ബൈ പൊ​ലീ​സ് ക​മാ​ൻ​ഡ​ർ ഇ​ൻ ചീ​ഫ് ല​ഫ്. ജ​ന​റ​ൽ അ​ബ്ദു​ല്ല ഖ​ലീ​ഫ അ​ൽ മ​ർ​റി​യും ച​ട​ങ്ങി​ൽ സം​ബ​ന്ധി​ച്ചു.

സ്ത്രീ​ക​ളെ​യും യു​വാ​ക്ക​ളെ​യും ശാ​ക്തീ​ക​രി​ക്കു​ന്ന​തി​ലും രാ​ജ്യ​ത്തി​ന് യോ​ഗ്യ​ത​യു​ള്ള കേ​ഡ​ർ​മാ​രെ പ്ര​ദാ​നം ചെ​യ്യു​ന്ന​തി​ലും ദു​ബൈ പൊ​ലീ​സ്​ വ​ഹി​ക്കു​ന്ന പ​ങ്ക് അ​ദ്ദേ​ഹം എ​ടു​ത്തു​പ​റ​ഞ്ഞു. ച​ട​ങ്ങി​ൽ ദു​ബൈ പൊ​ലീ​സ് അ​ക്കാ​ദ​മി ഡ​യ​റ​ക്ട​ർ ബ്രി​ഗേ​ഡി​യ​ർ ഡോ. ​മു​ഹ​മ്മ​ദ് ബൂ​ത്തി അ​ൽ ശം​സി പു​തി​യ ബി​രു​ദ​ധാ​രി​ക​ൾ​ക്ക്​ അ​ഭി​വാ​ദ്യ​മ​ർ​പ്പി​ച്ചു.

ശാ​സ്ത്രീ​യ അ​റി​വും വൈ​ദ​ഗ്ധ്യ​വും കൊ​ണ്ട് സ​ജ്ജ​മാ​യ പു​തി​യ ത​ല​മു​റ രാ​ജ്യ​ത്തെ സം​ര​ക്ഷി​ക്കാ​നും സു​ര​ക്ഷ ഉ​റ​പ്പാ​ക്കാ​നും ക​ഴി​യു​ന്ന ഉ​യ​ർ​ന്ന യോ​ഗ്യ​ത​യു​ള്ള​വ​രാ​ണെ​ന്ന്​ അ​ദ്ദേ​ഹം വ്യ​ക്​​ത​മാ​ക്കി. മി​ക​ച്ച നി​യ​മ​പാ​ല​ക ഉ​ദ്യോ​ഗ​സ്ഥ​രെ ത​യാ​റാ​ക്കു​ന്ന​തി​ൽ അ​ക്കാ​ദ​മി വ​ഹി​ക്കു​ന്ന പ​ങ്കും അ​ദ്ദേ​ഹം വി​ശ​ദീ​ക​രി​ച്ചു. ദു​ബൈ സി​വി​ൽ ഏ​വി​യേ​ഷ​ൻ അ​തോ​റി​റ്റി ചെ​യ​ർ​മാ​ൻ ശൈ​ഖ്​ അ​ഹ്മ​ദ്​ ബി​ൻ സ​ഈ​ദ്​ ആ​ൽ മ​ക്​​തൂം അ​ട​ക്കം പ്ര​മു​ഖ​രും ച​ട​ങ്ങി​ൽ സ​ന്നി​ഹി​ത​രാ​യി​രു​ന്നു.