യു.എ.ഇയുടെ പ്രഥമ ആണവ റിയാക്​ടർ നിർമാണം പൂർത്തിയായി

അബൂദബി: യു.എ.ഇയുടെ പ്രഥമ വാണിജ്യ ആണവ റിയാക്​ടർ നിർമാണം പൂർത്തിയായി. ബറക ആണവ നിലയത്തിലെ ഒന്നാം യൂനിറ്റി​​​െൻറ നിർമാണമാണ്​ പൂർത്തീകരിച്ചത്​. ഇതോടനുബന്ധിച്ച ആഘോഷ ചടങ്ങിൽ അബൂദബി കിരീടാവകാശിയും യു.എ.ഇ സായുധ സേനാ ഡെപ്യൂട്ടി സുപ്രീം കമാൻഡറുമായ ജനറൽ ശൈഖ് മുഹമ്മദ് ബിൻ സായിദ് ആൽ നഹ്​യാനും ദക്ഷിണ കൊറിയൻ പ്രസിഡൻറ്​ മൂൺ ​േജ ഇന്നും ​േചർന്നാണ്​ പൂർത്തീകരണ പ്രഖ്യാപനം നടത്തിയത്​. 
അറേബ്യയിലെ ആദ്യ ആണവ നിലയമാണ്​ ബറകയിലേത്​. നിർദോഷ ഉൗർജ ​േ​സ്രാതസ്സുകളെ ആശ്രയിക്കാനും ഫോസിൽ ഇന്ധന ഉപയോഗം കുറക്കാനുമുള്ള യു.എ.ഇയുടെ പ്രയത്​നങ്ങളുടെ ഭാഗമായാണ്​ നിലയം നിർമിക്കുന്നത്​. പദ്ധതിക്ക്​ ദക്ഷിണ കൊറിയ നൽകിയ സഹകരണത്തിന്​ പ്രസിഡൻറ്​ മൂൺ ​േജ ഇന്നിനോട്​ നന്ദി പറയുന്നതായി ശൈഖ്​ മുഹമ്മദ്​ ബിൻ സായിദ്​ ട്വിറ്ററിൽ അറിയിച്ചു. ഇരു രാജ്യങ്ങളുടെയും കൂട്ടായ പ്രവൃത്തി മാതൃകാപരമായ ബന്ധമാണെന്നും അദ്ദേഹം അഭിപ്രായപ്പെട്ടു.

മേയിൽ യൂനിറ്റ്​ ഒന്ന്​ ആണവ റിയാക്​ടറിൽ ഇന്ധനം നിറക്കുമെന്ന്​ ഉൗർജ മന്ത്രാലയത്തി​​​െൻറ ഇ^മെയിൽ പറയുന്നു. എന്നാൽ, എന്നു മുതലാണ്​ ഉൗർജ ഉൽപാദനം തുടങുകയെന്ന്​ വ്യക്​തമല്ല. 2009 ഡിസംബറിലാണ്​ എമിറേറ്റ്​സ്​ ആണവോർജ കോർപ​റേഷൻ ദക്ഷിണ കൊറിയൻ കമ്പനിയായ ഇലക്​ട്രിക്​ പവർ കമ്പനിയുടെ നേതൃത്വത്തിലുള്ള കൺസോർഷ്യത്തിന്​ ആണവ നിലയ നിർമാണത്തിന്​ കരാർ നൽകിയത്​. 2012ൽ നിർമാണം തുടങ്ങി. 2000 കോടി ഡോളർ ചെലവുള്ളതാണ്​ പദ്ധതി. ദക്ഷിണ കൊറിയയുടെ എ.പി.ആർ-1400 റിയാക്​ടറുകളാണ്​ നിലയത്തിൽ സ്​ഥാപിക്കുന്നത്​. ലോകത്തെ ഏറ്റവും അത്യാധുനികമായ ഇൗ റിയാക്​ടർ 60 വർഷം വരെ പ്രവർത്തനക്ഷമതയുള്ളതാണ്​. 

ബറക ആണവ നിലയത്തിലെ നാല്​ റിയാക്​ടറുകളിൽ ഒന്നാമ​ത്തേതാണ്​ യൂനിറ്റ്​ ഒന്ന്​. രണ്ടാം യൂനിറ്റ്​ 92 ശതമാനവും മൂന്നാം യൂനിറ്റ്​ 81 ശതമാനവും മൂന്നാം യൂനിറ്റ്​ 66 ശതമാനവും നിർമാണം പൂർത്തീകരിച്ചിട്ടുണ്ട്​.  മൊത്തത്തിൽ നിലയത്തി​​​െൻറ നിർമാണം 86 ശതമാനമാണ്​ പൂർത്തിയായത്​​.  നിലയം മൊത്തം 2021ഒാടെ പ്രവർത്തനക്ഷമമാകുമെന്ന്​ ഉൗർജമന്ത്രി സുഹൈൽ ആൽ മസ്​റൂഇ സെപ്​റ്റംബറിൽ അറിയിച്ചിരുന്നു. നിർമാണം പൂർത്തിയായാൽ നാല്​ റിയാക്​ടറുകളിൽനിന്നുമായി 5,600 മെഗാവാട്ട്​ വൈദ്യുതി ഉൽപാദിപ്പിക്കാനാവും. യു.എ.ഇക്ക്​ ആവശ്യമായ വൈദ്യുതിയുടെ 25 ശതമാനം ലഭ്യമാക്കാൻ ഇതു വഴി സാധിക്കും. ഇതോടെ പ്രതിവർഷം 2.1 കോടി ടൺ കാർബൺ ബഹിർഗമനം കുറക്കാൻ കഴിയുമെന്നും പ്രതീക്ഷിക്കുന്നു.