ര​ക്ഷാ​പ്ര​വ​ർ​ത്ത​നം തു​ട​രു​ന്നു; സു​ഡാ​നി​ൽ നി​ന്ന്​ 180 പേ​ർ കൂ​ടി ദു​ബൈ​യി​ലെ​ത്തി

ദു​ബൈ: ആ​ഭ്യ​ന്ത​ര സം​ഘ​ർ​ഷം രൂ​ക്ഷ​മാ​യ സു​ഡാ​നി​ൽ യു.​എ.​ഇ ന​ട​ത്തു​ന്ന ര​ക്ഷാ​പ്ര​വ​ർ​ത്ത​നം തു​ട​രു​ന്നു. വെ​ള്ളി​യാ​ഴ്ച വി​വി​ധ രാ​ജ്യ​ങ്ങ​ളി​ൽ നി​ന്നു​ള്ള​ 180 പേ​രെ കൂ​ടി യു.​എ.​ഇ ര​ക്ഷ​പ്പെ​ടു​ത്തി. വെ​ള്ളി​യാ​ഴ്ച രാ​ത്രി​യാ​ണ്​ വി​വി​ധ രാ​ജ്യ​ങ്ങ​ളി​ൽ നി​ന്നു​ള്ള സ്ത്രീ​ക​ൾ, കു​ട്ടി​ക​ൾ, പ്രാ​യ​മാ​യ​വ​ർ, രോ​ഗി​ക​ൾ എ​ന്നി​വ​ർ ഉ​ൾ​പ്പെ​ട്ട 180 അം​ഗ സം​ഘ​വു​മാ​യി വി​മാ​നം ദു​ബൈ​യി​ലെ​ത്തി​യ​ത്. സു​ഡാ​നി​ൽ സം​ഘ​ർ​ഷം ആ​രം​ഭി​ച്ച ശേ​ഷം ര​ക്ഷാ​പ്ര​വ​ർ​ത്ത​ന​ത്തി​ന്‍റെ ഭാ​ഗ​മാ​യി യു.​എ.​ഇ അ​യ​ച്ച 10ാമ​ത്തെ വി​മാ​ന​മാ​ണ്​ ക​ഴി​ഞ്ഞ ദി​വ​സം ദു​ബൈ​യി​ലെ​ത്തി​യ​ത്. പോ​ർ​ട്ട്​ സു​ഡാ​നി​ൽ അ​ഭ​യം തേ​ടി​യ വി​വി​ധ രാ​ജ്യ​ങ്ങ​ളി​ലെ പൗ​ര​ന്മാ​രെ​യാ​ണ്​​ നി​ല​വി​ൽ ര​ക്ഷാ​പ്ര​വ​ർ​ത്ത​ന​ത്തി​ലൂ​ടെ ദു​ബൈ​യി​ലെ​ത്തി​ക്കു​ന്ന​ത്​.

ഇ​വ​ർ​ക്ക്​ സ്വ​ന്തം രാ​ജ്യ​ങ്ങ​ളി​ലേ​ക്ക്​ പോ​കാ​നു​ള്ള സൗ​ക​ര്യ​ങ്ങ​ൾ ഏ​ർ​പ്പെ​ടു​ത്തു​ന്ന​തു വ​രെ​യു​ള്ള മു​ഴു​വ​ൻ സ​ഹാ​യ​ങ്ങ​ളും യു.​എ.​ഇ ന​ൽ​കി​വ​രു​ന്നു​ണ്ട്. ഏ​പ്രി​ൽ 29 മു​ത​ൽ ഇ​തു​വ​രെ ഇ​ന്ത്യ ഉ​ൾ​പ്പെ​ടെ 26 രാ​ജ്യ​ങ്ങ​ളി​ൽ നി​ന്നു​ള്ള 997 പൗ​ര​ന്മാ​രെ​യാ​ണ്​ വി​മാ​ന മാ​ർ​ഗം ര​ക്ഷ​പ്പെ​ടു​ത്തി​യ​തെ​ന്ന്​ യു.​എ.​ഇ വി​ദേ​ശ​കാ​ര്യ മ​ന്ത്രാ​ല​യം അ​റി​യി​ച്ചു. മാ​നു​ഷി​ക ഇ​ട​നാ​ഴി സൃ​ഷ്ടി​ച്ച്​ ഒ​ഴി​പ്പി​ക്ക​ൽ ന​ട​പ​ടി​ക്കൊ​പ്പം സു​ഡാ​ൻ ജ​ന​ത​ക്ക്​ ആ​വ​ശ്യ​മാ​യ മ​രു​ന്നു​ക​ൾ, ഭ​ക്ഷ്യ​വ​സ്തു​ക്ക​ൾ എ​ന്നി​വ ഉ​ൾ​പ്പെ​ടെ ട​ൺ ക​ണ​ക്കി​ന്​ ച​ര​ക്കു​ക​ളും യു.​എ.​ഇ ക​യ​റ്റി അ​യ​ക്കു​ന്നു​ണ്ട്.