‘ബ്രിക്സ്’ ടൂറിസം മന്ത്രിമാരുടെ യോഗത്തിൽ യു.എ.ഇ പങ്കെടുത്തു
text_fields‘ബ്രിക്സ്’ ടൂറിസം മന്ത്രിമാരുടെ യോഗത്തിൽ പങ്കെടുത്ത വിവിധ രാഷ്ട്ര പ്രതിനിധികൾ
ദുബൈ: മോസ്കോയിൽ നടന്ന ‘ബ്രിക്സ്’ ടൂറിസം മന്ത്രിമാരുടെ യോഗത്തിൽ യു.എ.ഇ സാമ്പത്തികകാര്യ മന്ത്രിയും എമിറേറ്റ്സ് ടൂറിസം കൗൺസിൽ ചെയർമാനുമായ അബ്ദുല്ല ബിൻ തൂഖ് അൽ മർറി യു.എ.ഇ പ്രതിനിധി സംഘത്തെ നയിച്ചുകൊണ്ട് പങ്കെടുത്തു. ‘ബ്രിക്സ് 2024’ അധ്യക്ഷസ്ഥാനം വഹിക്കുന്ന റഷ്യയുടെ നേതൃത്വത്തിലായിരുന്നു യോഗം. സുസ്ഥിര ടൂറിസം വികസനത്തെ പിന്തുണക്കുന്നതിനും വിവിധ ടൂറിസം സാധ്യതകൾ കണ്ടെത്തുന്നതിനും ബ്രിക്സ് അംഗരാജ്യങ്ങളുടെ സംയുക്ത സഹകരണം വളർത്തിയെടുക്കുന്നതാണ് യോഗം ലക്ഷ്യംവെച്ചത്. വിനോദസഞ്ചാര സഹകരണം വർധിപ്പിക്കുന്നതിന് യു.എ.ഇ പ്രതിജ്ഞാബദ്ധമാണെന്ന് അബ്ദുല്ല ബിൻ തൂഖ് പറഞ്ഞു. സാമ്പത്തിക വളർച്ചയും സാംസ്കാരിക വിനിമയവും പ്രോത്സാഹിപ്പിക്കുന്ന സുസ്ഥിര ടൂറിസം പങ്കാളിത്തത്തിന് പുതിയ വഴികൾ തുറക്കേണ്ടതുണ്ടെന്നും അദ്ദേഹം കൂട്ടിച്ചേർത്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.

