നമ്പർ പ്ലേറ്റ്​ ലേലം:ഇക്കുറി ലഭിച്ചത്​ 2.75 കോടി ദിർഹം 

ദുബൈ: രസികൻ നമ്പറുകൾക്ക്​ മികച്ച വില. രണ്ട്​, മൂന്ന്​. നാല്​, അഞ്ച്​ അക്ക ഫാൻസി നമ്പർ പ്ലേറ്റുകൾക്കായി റോഡ്​ ഗതാഗത അതോറിറ്റി നടത്തിയ 95ാമത്​ ലേലത്തിൽ ലഭിച്ചത്​ 2.75 കോടി ദിർഹം.R13 എന്ന നമ്പറിന്​ 29.2 ലക്ഷം ദിർഹം ലഭിച്ചപ്പോൾ H33 നമ്പർ 28.2 ലക്ഷം ദിർഹവും O69 ന്​ 16.8 ലക്ഷവും W999ന്​ 14 ലക്ഷവും കിട്ടി. s66666 നമ്പറിന്​ 6.8 ലക്ഷം, O6666 ന്​  5.6 ലക്ഷം എന്നിങ്ങനെയും ലഭിച്ചു.ലേലത്തിനോടുള്ള ജനപ്രിയതയും രസകരമായ പ്രത്യേക നമ്പറുകൾക്കുള്ള ആവശ്യകതയുമാണ്​ മികച്ച പ്രതികരണത്തിൽ നിന്നി വ്യക്​തമാവുന്നതെന്ന്​ ലൈസൻസിങ്​ ഏജൻസി സി.ഇ.ഒ അഹ്​മദ്​ ഹാഷിം ബെഹ്​റൂസിയാൻ പറഞ്ഞു. ഇക്കുറി ഒറ്റ നമ്പറുകൾ​ ലേലത്തിനു വെച്ചിരുന്നില്ല.കഴിഞ്ഞ നവംബറിൽ D5 എന്ന നമ്പർ 3.3 കോടി ദിർഹത്തിന്​ ഇന്ത്യൻ വ്യവസായി ബൽവീന്ദർ സഹാനി ലേലം കൊണ്ടിരുന്നു.