ദുബൈയിൽ വാഹനാപകടം; രണ്ടുപേർ മരിച്ചു
text_fields
ദുബൈ: ദുബൈയിൽ മിനിവാൻ റോഡ് ബാരിയറിൽ ചെന്നിടിച്ച് രണ്ടുപേർ മരിച്ചു. അഞ്ചുപേർക്ക് പരിക്കേറ്റു. റാശിദ് സ്ട്രീറ്റിൽ അൽ ഗർഹൂദ് ടണലിന് സമീപത്തുവെച്ച് ടയർ പൊട്ടിയതിനെ തുടർന്ന് വിളക്കുകാലിൽ ഇടിച്ചതിന് ശേഷമാണ് വാൻ റോഡ് ബാരിയറിൽ ചെന്നിടിച്ചത്.
തിങ്കളാഴ്ച രാവിലെയാണ് അപകടം. ഒരു സ്ത്രീയും പുരുഷനുമാണ് മരിച്ചത്. പരിക്കേറ്റവരിൽ നാലുപേർ സ്ത്രീകളും ഒരാൾ പുരുഷനുമാണ്. ഇവരെ റാശിദ് ആശുപത്രിയിൽ പ്രവേശിപ്പിച്ചു. ഡ്രൈവർ ഉൾപ്പെടെ എട്ടുപേരായിരുന്നു വാഹനത്തിലുണ്ടായിരുന്നത്. വാഹനങ്ങൾ ടയർ ഉൾപ്പെടെ പതിവ് പരിശോധനകൾ നടത്തണമെന്ന് മുറഖബാദ് പൊലീസ് സ്റ്റേഷൻ ഡയറക്ടർ ബ്രിഗേഡിയർ ജനറൽ അലി ഗാനിം പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.