പുതിയ  യു.എ.ഇ മന്ത്രിമാർ സത്യപ്രതിജ്ഞ ചെയ്​തു

അബൂദബി: പുതുതായി തെരഞ്ഞെടുക്കപ്പെട്ട മന്ത്രിമാർ യു.എ.ഇ പ്രസിഡൻറ്​ ശൈഖ്​ ഖലീഫ ബിൻ സായിദ്​ ആൽ നഹ്​യാ​​െൻറ അംഗീകാരത്തോടും ആശീർവാദത്തോടും കൂടി വൈസ്​ പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ റാശിദ്​ ആൽ മക്​തൂം, അബൂദബി കിരീടാവകാശിയും സായുധസേന ഡെപ്യൂട്ടി സുപ്രീം കമാൻഡറുമായ ശൈഖ്​ മുഹമ്മദ്​ ബിൻ സായിദ്​ ആൽ നഹ്​യാൻ എന്നിവരുടെ സാന്നിധ്യത്തിൽ സത്യപ്രതിജ്ഞ ചെയ്​തു. അബൂദബി മുഷ്​രിഫ്​ കൊട്ടാരത്തിൽ ചൊവ്വാഴ്​ചയായിരുന്നു സത്യപ്രതിജ്ഞ. 

ചുമതലകൾ നിറവേറ്റുന്നതിൽ ശൈഖ്​ മുഹമ്മദ്​ ബിൻ റാശിദ്​ മന്ത്രിമാർക്ക്​ ആശംസകൾ നേർന്നു. യു.എ.ഇയുടെ കാഴ്​ചപ്പാടുകളും അഭിലാഷങ്ങളും സഫലമാക്കുന്നതിൽ വലിയ പ്രയത്​നങ്ങൾ നടത്താൻ അദ്ദേഹം മന്ത്രിമാ​െര ആഹ്വാനം ചെയ്​തു. ‘യു.എ.ഇ 2071’ലേക്കുള്ള പാഥേയത്തിന്​ അടിത്തറ പാകുന്നതിന്​ വിവിധ മേഖലകളിലെ വികസനവും സമൃദ്ധിയും കരസ്​ഥമാക്കുന്നതിനുള്ള നേതാക്കളുടെ കാഴ്​ചപ്പാടുകൾ പ്രതിഫലിപ്പിക്കുന്നതാണ്​ പുതിയ സർക്കാറെന്ന്​ അദ്ദേഹം പറഞ്ഞു. 

‘യു.എ.ഇ 2071’ലേക്കുള്ള നമ്മുടെ കാഴ്​ചപ്പാടുകൾക്ക്​ അനുസൃതമായി പ്രധാന​െപ്പട്ട എല്ലാ മേഖലകളിലും വലിയ കുതിപ്പ്​ തേടുകയാണ്​ നാം. യു.എ.ഇക്കായി പുതിയ ശാസ്​ത്ര^സാ​േങ്കതികവിദ്യ കൊണ്ട്​ സമ്പുഷ്​ടമായ ഒരു ഘട്ടത്തെ മുന്നോട്ട്​ നയിക്കുകയും വരാനിരിക്കുന്ന നിരവധി തലമുറകളുടെ ഭാവി രൂപപ്പെടുത്തുകയുമാണ്​ നമ്മൾ. 

നമുക്ക്​ ദേശീയ മുൻഗണനകളെ അഭിസം​േബാധന ചെയ്യാനും ആഗ്രഹിച്ച ലക്ഷ്യങ്ങളിലെത്തുന്നതിനുള്ള ജനങ്ങളു​െട പ്രതീക്ഷകളെ അഭിമുഖീകരിക്കുകയും ചെയ്യേണ്ടതുണ്ട്​. യു.എ.ഇയിലെ ജനങ്ങൾക്ക്​ ​​െഎശ്വര്യ ജീവിതം ലഭ്യമാക്കുന്നതിനുള്ള ഒരു പ്രയത്​നവും നാം പാഴാക്കില്ലെന്നും അദ്ദേഹം കൂട്ടിച്ചേർത്തു. 
യോജിച്ചുള്ള പ്രയത്​നങ്ങളിലൂടെയും കൂട്ടായ പ്രവൃത്തികളിലൂടെയും മാത്രമേ ശൈഖ്​ ഖലീഫയുടെയും ശൈഖ്​ മുഹമ്മദ്​ ബിൻ റാശിദി​​െൻറയും ലക്ഷ്യങ്ങൾ നമുക്ക്​ നേടാനാകൂ എന്ന്​ ശൈഖ്​ മുഹമ്മദ്​ ബിൻ സായിദ്​ പറഞ്ഞു. പുതിയ ചുമതലകളിൽ എല്ലാ മന്ത്രിമാർക്കും ശൈഖ്​ മുഹമ്മദ്​ ബിൻ സായിദ്​ വിജയം ആശംസിച്ചു. കഴിഞ്ഞ വർഷങ്ങളിൽ സർക്കാറിനെ സേവിച്ച മന്ത്രിമാർക്കും ജനങ്ങൾക്കും അദ്ദേഹം നന്ദി പറഞ്ഞു. 

ശൈഖ്​ ഖലീഫ, ശൈഖ്​ മുഹമ്മദ്​ ബിൻ റാശിദ്​, ശൈഖ്​ മുഹമ്മദ്​ ബിൻ സായിദ്​ എന്നിവരുടെ നേതൃത്വത്തിൽ മന്ത്രിമാർ അഭിമാനം പ്രകടിപ്പിച്ചു. സർക്കാറിൈൻറ ഭാഗമായതിലൂടെ തങ്ങൾ ആദരിക്കപ്പെട്ടു. ​രാജ്യത്തെയും ജനങ്ങളെയും സേവിക്കുന്നതിലും സർക്കാറി​​െൻറയും നേതൃത്വത്തി​​െൻറയും അഭിലാഷങ്ങൾ നേടിയെടുക്കുന്നതിലും വർധിച്ച പ്രയത്​നത്തിന്​ സമർപ്പണം നടത്തുമെന്നും അവർ കൂട്ടിച്ചേർത്തു.