മുഹമ്മദ്​ ബിൻ റാശിദും മുഹമ്മദ്​ ബിൻ സായിദും അഡ്​നോക്​ ആസ്​ഥാനം സന്ദർശിച്ചു

അബൂദബി: യു.എ.ഇ വൈസ്​ പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിൻ റാശിദ് ആൽ മക്തൂം, അബൂദബി കിരീടാവകാശിയും യു.എ.ഇ സായുധ സേനാ ഡെപ്യൂട്ടി സുപ്രീം കമാൻഡറുമായ ജനറൽ ശൈഖ് മുഹമ്മദ് ബിൻ സായിദ് ആൽ നഹ്​യാൻ എന്നിവർ അബൂദബി ദേശീയ എണ്ണക്കമ്പനി (അഡ്​നോക്​) ആസ്​ഥാനം സന്ദർശിച്ചു. ഞായറാഴ്​ചയായിരുന്നു സന്ദർശനം.

യു.എ.ഇയുടെ കഴിവും പരിചയവും അടിസ്​ഥാനമാക്കി സാമ്പത്തിക വൈവിധ്യവത്​കരണം കാത്തുസൂക്ഷിക്കേണ്ടതി​​െൻറ പ്രാധാന്യം ഇരുവരും ഉൗന്നിപ്പറഞ്ഞു. 
വളർച്ചയും സമൃദ്ധിയും ഉറപ്പ്​ വരുത്താനും ലോകത്തെ മുമ്പന്തിയിലുള്ള രാജ്യങ്ങൾക്കിടയിൽ യു.എ.ഇയുടെ പദവി പ്രബലമാക്കാനും അക്കാദമിക സമീപനവും ദീർഘദൃഷ്​ടിയും നിർണായകമാ​െണന്നും ഇരുവരും കൂട്ടിച്ചേർത്തു. 

നയതന്ത്ര പങ്കാളിത്തം വ്യാപിപ്പിക്കാനും സംയുക്​ത നിക്ഷേപാവസരങ്ങൾ സൃഷ്​ടിക്കാനുമുള്ള അഡ്​നോകി​​െൻറ ഉദ്യമങ്ങ​െള ശൈഖ്​ മുഹമ്മദ്​ പ്രശംസിച്ചു.
ഉപ പ്രധാനമന്ത്രിയും ആഭ്യന്തര മന്ത്രിയുമായ ശൈഖ്​ സൈഫ്​ ബിൻ സായിദ്​ ആൽ നഹ്​യാൻ, ഉപ പ്രധാനമന്ത്രിയും പ്രസിഡൻഷ്യൽ കാര്യ മന്ത്രിയുമായ ശൈഖ്​ മൻസൂർ ബിൻ സായിദ്​ ആൽ നഹ്​യാൻ, ദു​ൈബ ഉപ ഭരണാധികാരി ശൈഖ്​ മക്​തൂം ബിൻ മുഹമ്മദ്​, അബൂദബി എക്​സിക്യൂട്ടീവ്​ കൗൺസിൽ വൈസ്​ ചെയർമാൻ ശൈഖ്​ ഹസ്സ ബിൻ സായിദ്​ തുടങ്ങിയവരും സന്നിഹിതരായിരുന്നു.