ഫ്ലോമക്​സ്​ ഒൗഷധത്തിന്​ യു.എ.ഇയിൽ അനുമതിയില്ല ^ആരോഗ്യ മന്ത്രാലയം

അബൂദബി: ​േഫ്ലാമക്​സ്​ എന്ന്​ പേരുള്ള ഒൗഷധം യു.എ.ഇയിൽ ലഭ്യമല്ലെന്നും ഇൗ ഒൗഷധത്തിന്​ രാജ്യ​ത്ത്​ അനുമതിയില്ലെന്നും ആരോഗ്യ മന്ത്രാലയം അറിയിച്ചു. േഫ്ലാമക്​സ്​ രാജ്യത്തേക്ക്​ കൊണ്ടുവന്നാലുള്ള ഭവിഷ്യത്തുകളെ കുറിച്ച്​ മന്ത്രാലയം യാത്രക്കാർക്ക്​ മുന്നറിയിപ്പ്​ നൽകി. ആരോഗ്യസംബന്ധമായ, പ്രത്യേകിച്ച​ ഒൗഷധങ്ങളെ കുറിച്ച വീഡിയോകൾ പ്രചരിപ്പിക്കുന്നതിൽനിന്ന്​ എല്ലാ ജനങ്ങളെയും മന്ത്രാലയം വിലക്കുകയും ചെയ്​തു. 
ഇൗയിടെ ​​പ്രചരിപ്പിക്കപ്പെട്ട ഒരു വീഡിയോയിൽ   250 ഗ്രാം, 500 ഗ്രാം ഫ്ലോമക്​സ്​ പ്രദർശിപ്പിക്കുന്നുണ്ട്​. ഇൗജിപ്​തിലെ ഒൗഷധ നിർമാണ കമ്പനിയുടേതെന്ന തരത്തിലാണ്​ ഇത്​ പ്രചരിപ്പിക്കുന്നത്​. ഇത്തരം വീഡിയോകൾ സമൂഹത്തിൽ ഭീതിയുളവാക്കാനും ഒൗഷധ വിപണിയെ കുറിച്ച്​ തെറ്റായ വിവരങ്ങൾ കൈമാറാനും ഇടയാക്കും. 
ഫ്ലോമക്​സ്​ യു.എ.ഇയിൽ രജിസ്​റ്റർ ചെയ്​തിട്ടില്ല. അത്​ രാജ്യത്ത്​ ലഭ്യമാവുകയുമില്ല. 2015ൽ ഇൗജിപ്​ഷ്യൻ പൊലീസ്​ 60 ലക്ഷം ഫ്ലോമക്​സ്​ ഗുളികകൾ പിടിച്ചെടുത്തതായി ആരോഗ്യ മ​​ന്ത്രാലയത്തിലെ പൊതു ജനാരോഗ്യ നയ^ലൈസൻസിങ്​ അസിസ്​റ്റൻറ്​ അണ്ടർ സെക്രട്ടറി ഡോ. അമീൻ ഹുസൈൻ ആൽ അമീരി വ്യക്​തമാക്കി. ആരോഗ്യ മന്ത്രാലയമോ മറ്റു ഒൗദ്യോഗിക ആരോഗ്യ കേ​ന്ദ്രങ്ങ​േളാ നൽകാത്ത ആരോഗ്യ വിവരങ്ങൾ ​പ്രചരിപ്പിക്കുന്നത്​ ജനങ്ങൾ ഒഴിവാക്കണം. ഇത്തരം സംഭവങ്ങൾ ശ്രദ്ധയിൽ പെട്ടാൽ അധികൃതരെ അറിയിക്കണമെന്നും ഡോ. അമീൻ ഹുസൈൻ ആൽ അമീരി പറഞ്ഞു.