യു.എ.ഇയിൽ കുടുങ്ങിയ സന്ദർശകർക്ക്​ ആസ്​റ്റർ ഫാർമസി വാങ്ങിയ വിലയിൽ മരുന്ന്​ ലഭ്യമാക്കും

ദുബൈ: കോവിഡ്​ പ്രതിസന്ധിമൂലം യു.എ.ഇയിൽ കുടുങ്ങിക്കിടക്കുന്ന സന്ദർശക വിസക്കാർക്ക് ആവശ്യമുള്ള ഘട്ടത്തിൽ​ ജി. സി.സിയിലെ മുൻനിര സ്വകാര്യ^സംയോജിത ആരോഗ്യ സേവന ദാതാക്കളായ ആസ്​റ്റർ ഡി.എം ഹെൽത്ത്​ കെയറി​​െൻറ ഭാഗമായ ആസ്​റ്റർ ഫാ ർമസി വാങ്ങിയ വിലയില് മരുന്നുകള് ലഭ്യമാക്കും.
​
ഇന്ത്യയിലുൾപ്പെടെ വിവിധ രാജ്യങ്ങളിലെ ലോക്​ഡൗണുകളും വിമ ാന വിലക്കും മൂലം ധാരാളം ആളുകൾ യു.എ.ഇയിൽ കുടുങ്ങിക്കിടപ്പുണ്ട്​. അവരിൽ പലർക്കും ആരോഗ്യ ഇൻഷുറൻസ്​ ഇല്ല. തുടർച്ചയ ായ മെഡിക്കൽ സഹായം ആവശ്യമുള്ള അസുഖങ്ങൾ ഉള്ളവർക്കും നിത്യവും കൂടുതൽ മരുന്നുകൾ കഴിക്കുന്നവർക്കും നിലവിലെ സാഹചര്യം വലിയ ആശങ്കയുണ്ടാക്കുന്നുണ്ട്​. ഇൗ ഘട്ടത്തിലാണ്​ ഇത്തരമൊരു സാമൂഹിക പിന്തുണാ പദ്ധതി ഒരുക്കാൻ ആസ്​റ്റർ മുന്നോട്ടുവരുന്നത്​. ലൈസൻസുള്ള ഒരു മെഡിക്കൽ പ്രാക്ടീഷണറുടെ കുറിപ്പടിയും സന്ദർശക വിസ കോപ്പിയും തിരിച്ചറിയൽ രേഖയും കാണിച്ചാൽ വാങ്ങിയ വിലയിൽ തന്നെ മരുന്നുകൾ നൽകും.

യു.എ.ഇക്ക് പുറത്തുള്ള ഡോക്ടര്മാരുടെ കുറിപ്പടിയിലുളള മരുന്നുകളാണെങ്കിൽ അവക്ക്​ ബദൽ മരുന്നുകൾ വാങ്ങിയ വില മാത്രം ഈടാക്കി നല്കുമെന്ന്​ ആസ്​റ്റർ പ്രൈമറി ഹെൽത്​ കെയർ സി.ഇ.ഒ ഡോ. ജോബിലാൽ വാവച്ചൻ പറഞ്ഞു. യു.എ.ഇയിൽ നിയമപരമായി അനുവദനീയമായ എല്ലാ കുറിപ്പടി മരുന്നുകളും വാങ്ങിക്കാന് സാധിക്കും. നിയന്ത്രിത മരുന്നുകൾക്ക്​ യു.എ.ഇയിലെ ഡോക്ടറുടെ കുറിപ്പ് ആവശ്യമാണ്. ആദ്യപടിയായി ജനറിക് മരുന്നുകളായിരിക്കും, ബ്രാൻറഡ് മരുന്നുകൾക്ക്​ പകരം ലഭ്യമാക്കുക. പ്രത്യേക സാഹചര്യങ്ങളിൽ ഗുരുതരാവസ്ഥിലുളള സന്ദർശകർക്ക്​ ചികിത്സയുടെ തെളിവ് ഹാജരാക്കുന്നതിനുള്ള കുറിപ്പടി ഇല്ലാതെയും, അവരുടെ മരുന്നുകളുടെ റീഫില് വാങ്ങാൻ അനുവദിക്കാം. ഉദാഹരണത്തിന് പഴയ കുറിപ്പടികൾ മരുന്നുകളുടെ പാക്കറ്റുകൾ മുതലായവ കാണിച്ചാൽ മതിയാവും.

16 വയസ്സിന് താഴെയുള്ള കുട്ടികൾക്ക്​ കുറിപ്പടി ഇല്ലാതെ മരുന്ന് നൽകില്ല. മരുന്നുകൾ വാങ്ങുന്നതിന് രോഗികൾ യു.എ.ഇയിലെ ആസ്​റ്റർ ഏതെങ്കിലും ഫാർമസികളിൽ നേരിട്ട് എത്തേണ്ടതാണ്.
കോവിഡ് 19 മഹാമാരി ലോകത്തിന്​ വെല്ലുവിളിയാകു​േമ്പാൾ പ്രവാസികളെയും പൗരൻമാരെയും ഒരുപോലെ ചേർത്തുനിർത്തുന്ന യു.എ.ഇയിലെ സന്ദർശകർക്ക്​ കഴിയുന്നത്ര പിന്തുണ ഒരുക്കൽ നാം ഒാരോരുത്തരുടെയും കടമയാണെന്ന്​ ഡോ.ജോബി ലാൽ വാവച്ചൻ പറഞ്ഞു.