തൊഴിൽ കാർഡ്​ പിഴകൾ കുറച്ചു

ദുബൈ: യു.എ.ഇ മാനവവിഭവശേഷി മന്ത്രാലയം ലേബര്‍ കാർഡുമായി ബന്ധപ്പെട്ട പ ിഴകൾ കുറച്ചു. ലേബര്‍ കാര്‍ഡ് പുതുക്കുവാനുള്ള രണ്ടു മാസത്തെ അധിക സമയം (​േഗ്രസ്​ പിരീഡ്​ ) കഴിഞ്ഞാല്‍  500 ദിർഹം പിഴ എന്നത്​ 200 ദിർഹം ആക്കി ചുരുക്കി.  അധികം വരുന്ന ഓരോ മാസത്തിന്​  പിഴ അടക്കണമെന്ന നിബന്ധനയിലും മാറ്റമുണ്ട്​.  ഇതനുസരിച്ച്​ പരമാവധി 2000 ദിർഹമേ ഇടാക്കൂ. ഇതുവരെ പരിധിയില്ലാതെ മാസം 500 ദിർഹം എന്ന തോതിൽ പിഴയടക്കണമായിരുന്നു. ഞായറാഴ്​ച മാനവവിഭവശേഷി മന്ത്രാലയ  വെബ്‌ സൈറ്റിലാണ്​ പുതിയ പിഴ നിരക്കുകളാണ്​ കാണിക്കുന്നതെന്ന്​ ​ടൈപ്പിങ്​ കേന്ദ്രങ്ങളിൽ പ്രവർത്തിക്കുന്നവർ പറഞ്ഞു. 

അതുപോലെ പുതിയ തൊഴിലാളി ജോലിക്ക്​ ചേർന്നാൽ  ലേബര്‍ കാര്‍ഡിന്​ അപേക്ഷിക്കാനും ലേബര്‍ കരാർ സമര്‍പ്പിക്കുവാനും വീഴച വരുത്തിയാലുള്ള പിഴയും കുറച്ചിട്ടുണ്ട്​. രണ്ടു മാസം അധിക സമയം കഴിഞ്ഞാൽ  ഓരോ മാസത്തിനും 500 ദിര്‍ഹം പിഴയടക്കണം എന്നത്​ 100 ദിർഹമാക്കി ചുരുക്കി. എത്ര മാസം വൈകുന്നുവോ അത്രയും പിഴ കൂട്ടിയടക്കണം എന്നത്​  പരമാവധി 2000 ദിർഹം ആക്കി നിജപ്പെടുത്തുകയും ചെയ്​തു.
യു. എ. ഇ. മാനവവിഭവശേഷി മന്ത്രാലയ  വെബ്‌ സൈറ്റില്‍ പിഴ കണക്കുകൂട്ടുന്ന വിഭാഗത്തിൽ ചെന്ന്​ പരിശോധിക്കു​േമ്പാഴാണ്​ ഇൗ മാറ്റം കാണുന്നത്​.