Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightU.A.Echevron_rightമനുഷ്യക്കടത്ത്​ തടയാൻ...

മനുഷ്യക്കടത്ത്​ തടയാൻ : ഇൻറർപോളുമായി കൈകോർത്ത്​ യു.എ.ഇ

text_fields
bookmark_border
മനുഷ്യക്കടത്ത്​ തടയാൻ : ഇൻറർപോളുമായി കൈകോർത്ത്​ യു.എ.ഇ
cancel

ദുബൈ: മനുഷ്യക്കടത്ത് സംഘങ്ങളെ തടയാൻ​ ഇൻറർപോളി​െൻറ നേതൃത്വത്തിൽ ആരംഭിച്ച 'ഓപറേഷൻ ലിബർഡെറ'യിൽ പങ്കാളിയായി യു.എ.ഇ. 47 രാജ്യങ്ങൾ സംയുക്​തമായി നടത്തുന്ന ഓപറേഷനിലൂടെ ഇതിനകം 430 പേരെ രക്ഷപ്പെടുത്തി.

ഈ മാസം ആരംഭത്തിൽ തുടക്കമിട്ട അന്താരാഷ്​ട്ര നടപടിയിൽ വിവിധ ക്രിമിനൽ കേന്ദ്രങ്ങളിൽ നടത്തിയ റെയ്​ഡിൽ 286 പേരെ അറസ്​റ്റ്​ ചെയ്​തിട്ടുണ്ടെന്നും യു.എ.ഇ ആഭ്യന്തര മന്ത്രാലയം വാർത്തസമ്മേളനത്തിൽ അറിയിച്ചു.

വിവിധ രാജ്യങ്ങളിലെ നിയമപാലക സംവിധാനങ്ങൾ കൈകോർത്താണ്​ ഓപറേഷൻ നടപ്പാക്കിയത്​. ജൂ​ലൈ അഞ്ചുമുതൽ അഞ്ചുലക്ഷം പരിശോധനകളാണ്​ ചെക്ക്​പോസ്​റ്റുകളിലും വിമാനത്താവളങ്ങളിലും രഹസ്യവിവരം ലഭിച്ച കേന്ദ്രങ്ങളിലും ഇൻറർപോൾ നേതൃത്വത്തിൽ നടന്നത്​. നാലായിരം അനധികൃത കുടിയേറ്റക്കാരെയും ഓപറേഷനിൽ കണ്ടെത്തി. ഇവർ 74 രാജ്യങ്ങളിൽ നിന്നുള്ളവരാണ്​.

ഇവരിൽ മിക്കവരും മെഡിക്കൽ, മാനസികാരോഗ്യ, താമസസൗകര്യ സഹായങ്ങൾ ആവശ്യമുള്ളവരാണെന്ന്​ കണ്ടെത്തിയതിനെ തുടർന്ന്​ സംരക്ഷണ കേന്ദ്രങ്ങളിലേക്ക്​ മാറ്റി. വിജയകരമായ ഓപറേഷനിൽ ഇൻറർപോളിനെ സഹായിക്കാൻ കഴിഞ്ഞതായി യു.എ.ഇ ആഭ്യന്തര വകുപ്പിലെ ലഫ്​. കേണൽ ദാന ഹുമൈദ്​ പറഞ്ഞു.

മനുഷ്യക്കടത്തിനെതിരായ പ്രചാരണത്തിൽ യു‌.എ.ഇ സജീവ പങ്കാളിത്തം വഹിക്കുന്നുണ്ട്​. മാത്രമല്ല, മനുഷ്യക്കടത്തിനെതിരെ പോരാടുന്ന ശക്തമായ ദേശീയ അന്തർദേശീയ ശ്രമങ്ങളിൽ ഉറച്ചുവിശ്വസിക്കുകയും ചെയ്യുന്നു -അദ്ദേഹം പറഞ്ഞു. കുറ്റകൃത്യങ്ങൾക്കും മയക്കുമരുന്നിനുമെതിരായ യു.എൻ സമിതി, യൂറോപോൾ, ഖാർത്തൂം ആസ്​ഥാനമായ ഇൻറർനാഷനൽ ഓർഗനൈസേഷൻ ഫോർ മൈഗ്രേഷൻ ആൻഡ്​ റീജനൽ ഓപറേഷൻ സെൻറർ എന്നിവയുടെ സഹകരണത്തോടെയാണ്​ ഓപറേഷൻ നടന്നത്​.

ഇൻറർപോളി​െൻറ പ്രവർത്തനങ്ങളെ ഏകോപിപ്പിക്കുന്നതിന്​ അന്താരാഷ്​ട്ര തലത്തിൽ സജ്ജീകരിച്ച നാല്​ ഓപറേഷനൽ റൂമുകളിൽ ഒന്ന്​ അബൂദബിയിലാണ്​.

സംരംഭത്തിൽ യു.എ.ഇ വഹിച്ച പങ്കിനെ ഇൻറർപോൾ ഡയറക്​ടർ ഇലാന ഡി വൈൽഡ്​ അഭിനന്ദിച്ചു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:human traffickingInterpol
News Summary - UAE joins hands with Interpol to curb human trafficking
Next Story