യു.എ.ഇ തൊഴിൽനിയമത്തിൽ മാറ്റം വരുത്തുമെന്ന്​ എഫ്​.എൻ.സിയിൽ മന്ത്രി

അബൂദബി: യു.എ.ഇ തൊഴിൽ നിയമത്തിൽ മാറ്റമുണ്ടാകുമെന്ന്​ മാനവ വിഭവശേഷി–സ്വദേശിവത്കരണ വകുപ്പ് മന്ത്രി നാസർ ഥാനി ആൽ ഹമീലി ഫെഡറൽ നാഷനൽ കൗൺസിൽ (എഫ്​.എൻ.സി) യോഗത്തിൽ അറിയിച്ചു. യു.എ.ഇ നേതൃത്വം, പൗരന്മാർ, സ്വകാര്യ മേഖല എന്നിവരുടെ അഭിലാഷങ്ങൾ സഫലമാക്കാൻ വേണ്ടിയാണ്​ നിയമത്തിൽ മാറ്റം വരുത്തുന്നതെന്ന്​ അദ്ദേഹം പറഞ്ഞു.

എഫ്​.എൻ.സിയിൽ മാനവ വിഭവശേഷി നയത്തെ കറിച്ച്​ സംസാരിക്കുകയായിരുന്നു മന്ത്രി. എന്നാൽ, മാറ്റത്തിനുള്ള സമയപരിധി അദ്ദേഹം വ്യക്​തമാക്കിയില്ല. ദേശീയ അജണ്ട സൂചകത്തിന്​ അനുസൃതമായി, പ്രത്യേകിച്ച്​ സ്വകാര്യ മേഖലയിലെ മൊത്തം ​േ​ജാലിക്കാരിൽ അഞ്ച്​ ശതമാനം സ്വ​േദശികളായിരിക്കുക എന്നതാണ്​ നിയമമാറ്റത്തി​​​​െൻറ പ്രധാന ലക്ഷ്യമെന്ന്​ മന്ത്രി പറഞ്ഞു.

എണ്ണ യുഗത്തിന്​ ശേഷമുള്ള എല്ലാ അടിസ്​ഥാന ആവശ്യങ്ങളെയും അഭിസംബോധന ചെയ്യുന്നതായിരിക്കും നിയമമെന്നും അദ്ദേഹം അറിയിച്ചു. 2021ഒാടെ സ്വദേശികളിൽ 50 ശതമാനം പേർക്ക്​ സ്വകാര്യ മേഖലകളിൽ ജോലി നൽകുക, സ്വകാര്യ മേഖല ജീവനക്കാരിൽ അഞ്ച്​ ശതമാനവും യു.എ.ഇയിലെ മൊത്തം ജീവനക്കാരിൽ ആറ്​ ശതമാനവും ​സ്വദേശികളായിരിക്കുക തുടങ്ങിയവയാണ്​ സ്വദേശിവത്​കരണ നടപടികളിലൂടെ ലക്ഷ്യമിടുന്നത്​.  

2000 സ്വകാര്യ കമ്പനികളിൽ തെരഞ്ഞെടുക്ക​െപ്പട്ട 400 തസ്​തികകളിൽ നിലവിൽ നിയമനത്തിന്​ സ്വദേശികൾക്ക്​ മുൻഗണന നൽകുന്നതായി മന്ത്രി പറഞ്ഞു. 
യു.എ.ഇയുടെ തൊഴിൽവിപണിയിൽ സ്വദേശിവത്​കരണ നയങ്ങളും പദ്ധതികളും പരിപാടികളും നടപ്പാക്കുന്നതിന്​ നിയമസംവിധാനം വികസി​പ്പിക്കേണ്ടതി​​​​െൻറ പ്രാധാന്യം എഫ്​.എൻ.സി അംഗങ്ങൾ ചൂണ്ടിക്കാട്ടി.