പ​ണ​പ്പെ​രു​പ്പം ഈ ​വ​ർ​ഷം കു​റ​യു​മെ​ന്ന് യു.​എ.​ഇ സെ​ൻ​ട്ര​ൽ ബാ​ങ്ക്​

ദു​ബൈ: ക​ഴി​ഞ്ഞ വ​ർ​ഷം ആ​ഗോ​ള​ത​ല​ത്തി​ൽ ദൃ​ശ്യ​മാ​യ പ​ണ​പ്പെ​രു​പ്പ സ​മ്മ​ർ​ദം യു.​എ.​ഇ​യി​ൽ ഈ ​വ​ർ​ഷം ഇ​നി​യും കു​റ​യു​മെ​ന്ന് പ്ര​തീ​ക്ഷി​ക്കു​ന്ന​താ​യി യു.​എ.​ഇ സെ​ൻ​ട്ര​ൽ ബാ​ങ്ക്. അ​റ​ബ് ലോ​ക​ത്തെ ര​ണ്ടാ​മ​ത്തെ വ​ലി​യ സ​മ്പ​ദ്‌​വ്യ​വ​സ്ഥ​യാ​യ രാ​ജ്യം ശ​ക്ത​മാ​യ വ​ള​ർ​ച്ചാ​വേ​ഗ​ത നി​ല​നി​ർ​ത്തു​ന്ന​തി​നാ​യാ​ണ്​ നേ​ട്ടം പ്ര​തീ​ക്ഷി​ക്കു​ന്ന​ത്. ക​ഴി​ഞ്ഞ വ​ർ​ഷം യു.​എ.​ഇ​യി​ലെ പ​ണ​പ്പെ​രു​പ്പം അ​ന്താ​രാ​ഷ്ട്ര ശ​രാ​ശ​രി​യാ​യ 8.8 ശ​ത​മാ​ന​ത്തി​നും താ​ഴെ​യാ​യി​രു​ന്നു. ബാ​ങ്ക്​ സ്വീ​ക​രി​ച്ച ന​ട​പ​ടി​ക​ളും ന​യ​വു​മാ​ണ്​ ഇ​ത്ത​ര​മൊ​രു മു​ന്നേ​റ്റ​ത്തി​ന്​ കാ​ര​ണ​മാ​യ​തെ​ന്ന്​ ബാ​ങ്ക്​ ചെ​യ​ർ​മാ​ൻ കൂ​ടി​യാ​യ യു.​എ.​ഇ വൈ​സ്​ പ്ര​സി​ഡ​ൻ​റും ഉ​പ പ്ര​ധാ​ന​മ​ന്ത്രി​യും പ്ര​സി​ഡ​ൻ​ഷ്യ​ൽ​കാ​ര്യ വ​കു​പ്പ്​ മ​ന്ത്രി​യു​മാ​യ ശൈ​ഖ്​ മ​ൻ​സൂ​ർ ബി​ൻ സാ​യി​ദ്​ ആ​ൽ ന​ഹ്​​യാ​ൻ പ​റ​ഞ്ഞു. ​

അ​തോ​ടൊ​പ്പം രാ​ജ്യ​ത്തി​ന്‍റെ സാ​മ്പ​ത്തി​ക സൗ​ക​ര്യ​ങ്ങ​ളെ ശ​ക്തി​പ്പെ​ടു​ത്തു​ന്ന​തി​ന്​ ബാ​ങ്കി​ന്‍റെ ഡി​ജി​റ്റ​ൽ​വ​ത്ക​ര​ണം ആ​രം​ഭി​ക്കാ​ൻ സെ​ൻ​ട്ര​ൽ ബാ​ങ്ക് ഒ​രു​ങ്ങി​ക്ക​ഴി​ഞ്ഞ​താ​യും അ​ദ്ദേ​ഹം വെ​ളി​പ്പെ​ടു​ത്തി. ആ​ഗോ​ള കാ​ലാ​വ​സ്ഥ ഉ​ച്ച​കോ​ടി​ക്ക്​ ആ​തി​ഥേ​യ​ത്വം വ​ഹി​ക്കു​ന്ന സാ​ഹ​ച​ര്യ​ത്തി​ൽ രാ​ജ്യ​ത്തി​ന്‍റെ വി​പു​ല​മാ​യ സം​രം​ഭ​ങ്ങ​ൾ​ക്ക് ഗു​ണ​ക​ര​മാ​കു​ന്ന ന​ട​പ​ടി എ​ന്ന​നി​ല​യി​ൽ കൂ​ടി​യാ​ണ്​ പ​ദ്ധ​തി ന​ട​പ്പി​ൽ​വ​രു​ത്തു​ന്ന​ത്. ബാ​ങ്കി​ന്‍റെ അ​ഡ്മി​നി​സ്ട്രേ​ഷ​ൻ, നേ​തൃ​സ്ഥാ​ന​ങ്ങ​ൾ എ​ന്നി​വ​യു​ടെ സ്വ​ദേ​ശി​വ​ത്ക​ര​ണം തു​ട​രു​മെ​ന്നും ശൈ​ഖ്​ മ​ൻ​സൂ​ർ പ​റ​ഞ്ഞു. നി​ല​വി​ലി​ത്​ 65 ശ​ത​മാ​ന​മാ​ണെ​ന്നും അ​ദ്ദേ​ഹം വെ​ളി​പ്പെ​ടു​ത്തി.

ശ​ക്ത​മാ​യ മൊ​ത്ത ആ​ഭ്യ​ന്ത​ര ഉ​ൽ​പാ​ദ​ന (ജി.​ഡി.​പി) വ​ള​ർ​ച്ച​യും മി​ത​മാ​യ പ​ണ​പ്പെ​രു​പ്പ​വും ആ​സ്വ​ദി​ക്കു​ന്ന യു.​എ.​ഇ 2022ൽ ​ലോ​ക​ത്തി​ലെ ഏ​റ്റ​വും വേ​ഗ​ത്തി​ൽ വ​ള​രു​ന്ന സ​മ്പ​ദ്‌​വ്യ​വ​സ്ഥ​ക​ളി​ലൊ​ന്നാ​ണ്. വ​ർ​ധി​ച്ചു​വ​രു​ന്ന ഇ​ന്ധ​ന​വി​ല​യും പ്രോ​പ്പ​ർ​ട്ടി മേ​ഖ​ല​യി​ലും ടൂ​റി​സ​ത്തി​ലു​മു​ള്ള കു​തി​ച്ചു​ചാ​ട്ട​വു​മാ​ണ്​ സ​മ്പ​ദ്​​വ്യ​വ​സ്ഥ​യെ ശ​ക്ത​മാ​യി നി​ല​നി​ർ​ത്തു​ന്ന​ത്. മൊ​ത്ത​ത്തി​ൽ യു.​എ.​ഇ​യു​ടെ ജി.​ഡി.​പി ക​ഴി​ഞ്ഞ വ​ർ​ഷം 7.6 ശ​ത​മാ​ന​മാ​ണ്​ വ​ർ​ധി​ച്ച​ത്. 2021 ൽ ​രേ​ഖ​പ്പെ​ടു​ത്തി​യ​തി​ന്‍റെ ഇ​ര​ട്ടി​യാ​ണി​ത്. ഈ ​വ​ർ​ഷം 3.9 ശ​ത​മാ​നം വ​ള​ർ​ച്ച കൈ​വ​രി​ക്കു​മെ​ന്നും 2024ൽ 4.3 ​ശ​ത​മാ​ന​മാ​യി ഉ​യ​രു​മെ​ന്നു​മാ​ണ്​ അ​ധി​കൃ​​ത​ർ പ്ര​തീ​ക്ഷി​ക്കു​ന്ന​ത്.