യു.എ.ഇയും ഇന്ത്യയും അഞ്ച്​ കരാറുകളിൽ ഒപ്പുവെച്ചു

അബൂദബി: ഇന്ത്യൻ പ്രധാനമന്ത്രി നരേന്ദ്രമോദി, അബൂദബി കിരീടാവകാശിയും യു.എ.ഇ സായുധ സേനാ ഡെപ്യൂട്ടി സുപ്രീം കമാൻഡറുമായ ജനറൽ ശൈഖ് മുഹമ്മദ് ബിൻ സായിദ് ആൽ നഹ്​യാൻ എന്നിവർ തമ്മിൽ ശനിയാഴ്​ച രാത്രി നടത്തിയ കൂടിക്കാഴ്​ചക്കിടെ ഇന്ത്യയും യു.എ.ഇയും തമ്മിൽ അഞ്ച്​ കരാറുകളിൽ ഒപ്പുവെച്ചു. യു.എ.ഇ പ്രസിഡൻറി​​​െൻറ കൊട്ടാരത്തിൽ വെച്ചായിരുന്നു കരാർ ഒപ്പുവെക്കൽ. ഉൗർജം, റെയിൽവേ, മാനവവിഭവശേഷി, ധനകാര്യ സേവനം എന്നീ മേഖലകളിലെ ധാരണാപത്രങ്ങളിലാണ്​ ശനിയാഴ്​ച മഷി പുരണ്ടത്​. 

യു.എ.ഇയിലെ ഇന്ത്യൻ തൊഴിലാളികളെ ചൂഷണങ്ങളിൽനിന്നും തൊഴിൽതട്ടിപ്പുകളിൽനിന്നും രക്ഷിക്കാൻ ഉതകുന്നതാണ്​ മാനവവിഭവശേഷി മേഖലയിലെ കരാർ. ഇത്​ പ്രാബല്യത്തിലാകുന്നതോടെ യു.എ.ഇയിലെ ഇന്ത്യൻ ​തൊഴിലാളികളുടെ കരാർ നിയമനം കൂടുതൽ വ്യവസ്​ഥാപിതമാകും. ക്രമക്കേടുകൾ തടയുന്നതിനും​ മനുഷ്യക്കടത്തിനെതിരെ പോരാടുന്നതിനും തൊഴിലാളികൾക്ക്​ വിദ്യാഭ്യാസ^ബോധവത്​കരണ പരിപാടികൾ സംഘടിപ്പിക്കുന്നതിനും ഇരു രാഷ്​ട്രങ്ങളും തങ്ങളുടെ തൊഴിലാളികളുമായി ബന്ധപ്പെട്ട ഇ^സേവനങ്ങൾ പരിഷ്​കരിക്കും. 

ഇന്ത്യൻ കമ്പനികളായ ഒ.എൻ.ജി.സി വിദേശ്​ ലിമിറ്റഡ്​ (ഒ.വി.എൽ), ഭാരത്​ പെട്രോളിയം റിസോഴ്​സസ്​ ലിമിറ്റഡ്​ (ബി.പി.ആർ.എൽ), ഇന്ത്യൻ ഒായിൽ കോർപറേഷൻ ലിമിറ്റഡ്​ (​െഎ.ഒ.സി.എൽ) എന്നിവയുടെ കൂട്ടായ്​മ അബൂദബിയിലെ ദേശീയ എണ്ണക്കമ്പനിയായ അഡ്​നോകുമായാണ്​ ഉൗർജമേഖലയിലെ കരാറിൽ ഒപ്പുവെച്ചത്​. പരമ്പരാഗത വാങ്ങൽ^വിൽപന ബന്ധം ദീർഘകാല നിക്ഷപ ബന്ധമാക്കിയുള്ള പരിവർത്തനമാണ്​ കരാറിലൂടെ സാധിച്ചിരിക്കുന്നത്​. യു.എ.ഇയുടെ കടലിലെ എണ്ണ ഉൽപാദന കേന്ദ്രമായ ലോവർ സകൂമിൽ പത്ത്​ ശതമാനം ഒാഹരി അനുവദിക്കുന്നതിനാണ്​ കരാർ. 2018 മുതൽ 2057 വരെ 40 വർഷമാണ്​ കരാർ കാലാവധി. 60 ശതമാനം ഒാഹരി അഡ്​നോക്​ കൈവശം വെക്കും.

ബാക്കി 30 ശതമാനം മറ്റു അന്താരാഷ്​ട്ര കമ്പനികൾക്ക്​ നൽകും. യു.എ.ഇയിലെ എണ്ണമേഖലയിൽ ഇന്ത്യയുടെ പ്രഥമ നിക്ഷേപമാണിത്​. റെയിൽമേഖലയിലെ സാ​േങ്കതിക സഹകരണത്തിന്​ ഇന്ത്യൻ ​െറയിൽവേ മന്ത്രാലയവും യു.എ.ഇ ഫെഡറൽ ഗതാഗത അതോറിറ്റിയും കരാറിൽ ഒപ്പുവെച്ചു. അടിസ്​ഥാന സൗകര്യ മേഖലയിലെ, വിശേഷിച്ച്​ റെയിൽവേയിലെ സഹകരണം ശക്​തിപ്പെടുത്താൻ ഉദ്ദേശിച്ചുള്ളതാണിത്​. സംയുക്​ത പദ്ധതികൾ വികസിപ്പിക്കുക, അറിവ്​ പങ്ക്​ വെക്കുക, സംയുക്​തമായി ഗവേഷണം നടത്തുക, സാ​േങ്കതികവിദ്യ പരസ്​പരം ​ൈകമാറുക എന്നിവ കരാറി​​​െൻറ താൽപര്യമാണ്​. ​േബാംബെ സ്​റ്റോക്​ എക്​സ്​​േചഞ്ചും അബൂദബി സെക്യൂരിറ്റീസ്​ എക്​സ്​ചേഞ്ചും തമ്മി​ലാണ്​ സാമ്പത്തിക സേവന മേഖലയിലെ കരാർ. ഇരു രാഷ്​ട്രങ്ങളിലെയും സാമ്പത്തിക സേവന മേഖലയിലെ സഹകരണം ലക്ഷ്യം വെച്ചുള്ളതാണ്​ കരാർ.