കേരളത്തിലേക്കുള്ള യാത്രാ നിയന്ത്രണം​ യു.എ.ഇ. നീക്കി

ദുബൈ: നിപ വൈറസ്​ ബാധിച്ച്​ നിരവധി പേർ ആശുപത്രിയിലായതിനെത്തുടർന്ന്​ കേരളത്തിലേക്ക്​ യാത്ര ചെയ്യുന്നതിന്​ ഏർപ്പെടുത്തിയിരുന്ന നിയന്ത്രണം യു.എ.ഇ. നീക്കം ചെയ്​തു. കേരളം നിപ രോഗബാധയെ ഫലപ്രദമായി നേരിട്ടുവെന്ന വിലയിരുത്തലിനെത്തുടർന്നാണ്​ നടപടി​.

ലോകാരോഗ്യ സംഘടനയുടെ ഏറ്റവും ഒടുവിലത്തെ റിപ്പോർട്ട്​ പ്രകാരം നിപ രോഗബാധ ശമിച്ചുവെന്ന്​ ഉറപ്പായതിനെത്തുടർന്നാണ്​ തീരുമാനമെടുത്തതെന്ന്​ ആരോഗ്യ മന്ത്രാലയം അധികൃതർ വ്യക്തമാക്കി. കേരളത്തിലേക്കുള്ള യാത്ര വിലക്കിയിരുന്നില്ലെന്നും പകർച്ചവ്യാധികൾ നിലനിൽക്കുന്ന ലോകത്തെ ഏത്​ പ്രദേശത്ത്​ പോകു​േമ്പാഴുമുള്ളപോലെ മുൻകരുതൽ എടുക്കണമെന്ന നിർദേശിക്കുക മാത്രമാണ്​ ചെയ്​തതെന്നും അവർ പറഞ്ഞു.

അത്യാവശ്യമില്ലെങ്കിൽ കേരളത്തിലേക്കുള്ള യാത്ര ഒഴിവാക്കണമെന്ന്​ കഴിഞ്ഞ മെയ്​ 24 നാണ്​ യു.എ.ഇ. ആരോഗ്യ മന്ത്രാലയം ജനങ്ങൾക്ക്​ നിർദേശം നൽകിയത്​. നിപ വൈറസി​​​െൻറ ലക്ഷണങ്ങളുമായി എത്തുന്നവർ ഉണ്ടോയെന്ന്​ നിരീക്ഷിക്കണമെന്ന്​ മെയ്​ 30 ന്​ വിമാനത്താവള അധികൃതർക്കും നിർദേശം നൽകിയിരുന്നു. എന്നാൽ കേരളത്തിൽ നിന്ന്​ വരുന്നവരെ പരിശോധനക്കായി തടഞ്ഞുവെച്ച സംഭവങ്ങൾ ഇൗ കാലയളവി​െലാന്നും ഉണ്ടായില്ല.