യു.എ.ഇയിൽ 462 പേർക്ക്​ കൂടി കോവിഡ്​; ഒമ്പത്​ മരണം

ദുബൈ: യു.എ.ഇയിൽ 462 പേർക്ക്​ കൂടി കോവിഡ്​ സ്​ഥിരീകരിച്ചു. ഇതോടെ രാജ്യത്തെ കോവിഡ്​ ബാധിതരുടെ എണ്ണം 15,192 ആയി. രോഗം റ​ിപ്പോർട്ട്​ ചെയ്യപ്പെടുന്നവരു​െട എണ്ണം കുറഞ്ഞ ആശ്വാസത്തിലാണ്​ യു.എ.ഇ. രണ്ടാഴ്​ചയായി ദിവസവും 500ലേറെ പേർക്ക്​ രോഗം റിപ്പോർട്ട്​ ചെയ്​തിരുന്നു.

അതേമസയം, ചൊവ്വാഴ്​ച ഒമ്പത്​ മരണം കൂടി റിപ്പോർട്ട്​ ചെയ്യപ്പെട്ടിട്ടുണ്ട്​. ഇതോടെ മരണ സംഖ്യ 146 ആയി. 187 പേർ കൂടി രോഗമുക്​തി നേടി. 3153 പേരാണ്​ ഇതുവരെ സുഖംപ്രാപിച്ച്​ ആശുപത്രി വിട്ടത്​. 24 മണിക്കൂറിനിടെ 28,000 പേരിലാണ്​ പരിശോധന നടത്തിയത്​.