ആസ്​റ്ററി​െൻറ 319 ഡോക്ടര്‍മാര്‍ക്ക് യു.എ.ഇ ഗോള്‍ഡന്‍ വിസ

ദുബൈ: രാജ്യത്തി​െൻറ ആരോഗ്യമേഖലയിലെ സേവനങ്ങള്‍ പരിഗണിച്ച്​ ആസ്​റ്റര്‍ ഡി.എം ഹെല്‍ത്ത് കെയറി​െൻറ യു.എ.ഇയിലെ 319 ഡോക്​ടർമാർക്ക്​ യു.എ.ഇയുടെ ഗോൾഡൻ വിസ.

ആസ്​റ്റര്‍, മെഡ്കെയര്‍ ഹോസ്പിറ്റലുകളുടെയും ക്ലിനിക്കുകളുടെയും ശൃംഖലയില്‍ പ്രവർത്തിക്കുന്ന ഡോക്​ടർമാർക്കാണ്​ 10​ വർഷ വിസ നൽകിയത്​. ഇവരില്‍ പലരും 10 വര്‍ഷത്തിലേറെയായി യു.എ.ഇയില്‍ പ്രവർത്തിക്കുന്നവരാണ്.

മലയാളി മാനേജ്​മെൻറി​െൻറ ഉടമസ്ഥതയിലു​ള്ള സ്ഥാപനത്തിലെ ഇത്രയേറെ ഡോക്​ടർമാർക്ക്​ ഗോൾഡൻ വിസ ലഭിച്ചത്​ കേരളത്തിനും അഭിമാന നിമിഷമായി.

യു.എ.ഇയിലെ ജനങ്ങള്‍ക്ക് ഗുണനിലവാരമുള്ള ആരോഗ്യസേവനങ്ങള്‍ നല്‍കാനുള്ള പ്രതിജ്ഞാബദ്ധതക്ക്​ പ്രോത്സാഹനമാകുന്നതാണ്​ ഈ ആദരമെന്ന്​ ആസ്​റ്റര്‍ ഡി.എം ഹെല്‍ത്ത് കെയര്‍ സ്ഥാപക ചെയര്‍മാനും മാനേജിങ്​ ഡയറക്ടറുമായ ഡോ. ആസാദ് മൂപ്പന്‍ പറഞ്ഞു.

മെഡിക്കല്‍ മികവി​െൻറ പ്രധാന ലക്ഷ്യസ്ഥാനമായി ഈ മേഖലയെ മാറ്റുന്നതിനാവശ്യമായ ശാസ്ത്രം, ചികിത്സാ മികവ്, മെഡിക്കല്‍ ഗവേഷണം, ഗുണനിലവാരമുളള ആരോഗ്യ സേവനങ്ങള്‍ എന്നിവയുൾക്കൊള്ളുന്ന വിദഗ്ധരുടെ കേന്ദ്രം സൃഷ്​ടിക്കുന്ന യു.എ.ഇ ഭരണാധികാരികള്‍ക്ക് നന്ദി അറിയിക്കുന്നു.

മികവുറ്റ സേവനത്തിന് വിലയേറിയ അംഗീകാരം ലഭിച്ച ആസ്​റ്റര്‍, മെഡ്കെയര്‍ ഡോക്ടര്‍മാരെ അഭിനന്ദിക്കുന്നതായും ഡോ. ആസാദ് മൂപ്പന്‍ പറഞ്ഞു. 34 വര്‍ഷത്തെ പ്രവര്‍ത്തനങ്ങളിലൂടെ യു.എ.ഇയിലെ ആരോഗ്യ പരിചരണ രംഗത്ത്​ സജീവ സാന്നിധ്യമായ ഡോ. ആസാദ് മൂപ്പന് 2019ല്‍ യു.എ.ഇ ഗോള്‍ഡന്‍ വിസ നല്‍കി ആദരിച്ചിരുന്നു. ഗോൾഡൻ വിസ ലഭിച്ച ആദ്യത്തെ ഇന്ത്യന്‍ സംരംഭകരില്‍ ഒരാള്‍കൂടിയാണ് അദ്ദേഹം.

യു.എ.ഇയിലെ ആരോഗ്യ സംരക്ഷണ രംഗത്തി​െൻറ വളര്‍ച്ചയില്‍ സുപ്രധാന പങ്കുവഹിക്കുന്ന ആസ്​റ്റര്‍ ഡി.എം ഹെല്‍ത്ത് കെയര്‍ ഡെപ്യൂട്ടി മാനേജിങ്​ ഡയറക്ടര്‍ അലീഷാ മൂപ്പനെയും രാജ്യം ഗോള്‍ഡന്‍ വിസ നല്‍കി ആദരിച്ചിരുന്നു.