ഹോട്ടലുകളിൽ നിന്ന്​ ഇനി കഴിക്കാം, ആരോഗ്യ മൂല്യം തിരിച്ചറിഞ്ഞ്​

ദുബൈ:  ആരോഗ്യകാര്യങ്ങളിലെ സൂക്ഷ്​മത മൂലം ഹോട്ടൽ ഭക്ഷണം ഒഴിവാക്കുന്നവർക്ക്​ ഇനി ദുബൈയിലെ ഭക്ഷണശാലകളിൽ ചെന്ന്​ ധൈര്യപൂർവം ഭക്ഷണം കഴിക്കാം. നഗരത്തിലെ ഭക്ഷണശാലകളിലെ മെനുകാർഡുകളിൽ വിഭവങ്ങളുടെ പേര്​^വില വിവരങ്ങൾക്കൊപ്പം ആരോഗ്യ മൂല്യവും അടയാളപ്പെടുത്തിയിട്ടുണ്ടാവും. ‘ആരോഗ്യത്തോടെ കഴിക്കൂ,  ആരോഗ്യത്തോടെ ജീവിക്കൂ’ കാമ്പയി​​​െൻറ ഭാഗമായി ദുബൈ നഗരസഭ ദുബൈ ആരോഗ്യ അതോറിറ്റിയുമായി കൈകോർത്താണ്​  പുതിയ സംവിധാനം നടപ്പാക്കുന്നത്​. നഗരസഭ നിഷ്​കർഷിക്കുന്ന ആരോഗ്യ^പോഷണ മൂല്യങ്ങൾ പാലിച്ച്​ ഭക്ഷണം തയ്യാറാക്കുന്ന റസ്​​േറ്റാറൻറുകൾക്ക്​ പ്ര​േത്യക സർട്ടിഫിക്കേഷൻ ഏർപ്പെടുത്തിയിട്ടുണ്ട്​. ആദ്യഘട്ടമായി 13 ഭക്ഷണശാലകളാണ്​ എല്ലാ ചിട്ടവട്ടങ്ങളും പാലിച്ച്​ സർട്ടിഫിക്കറ്റ്​ നേടിയിരിക്കുന്നത്​.
എന്നാൽ നിരവധി സ്​ഥാപനങ്ങൾ ഇൗ പട്ടികയിൽ ഇടംനേടാനായി വിഭവങ്ങളിലും ചേരുവകളിലും മാറ്റം വരുത്തി തയ്യാറെടുക്കുന്നുണ്ട്​.  ഭക്ഷ്യസുരക്ഷാ വിഭാഗവും പോഷകാഹാര വിദഗ്​ധരും  ഭക്ഷണങ്ങളുടെ ആരോഗ്യ മൂല്യം ശാസ്​ത്രീയ പരിശോധനകൾക്ക്​ വിധേയമാക്കിയ ശേഷമാണ്​ സർട്ടിഫിക്കറ്റ്​ നൽകുന്നത്​. വ്യാജ അവകാശവാദം നടത്തുകയോ ഭക്ഷണത്തിൽ നിഷ്​കർഷിച്ച അളവിനു വിരുദ്ധമായ ചേരുവകൾ ഉപയോഗിക്കുകയോ ചെയ്​താൽ നടപടികൾ നേരിടേണ്ടി വരുമെന്ന്​ നഗരസഭയുടെ ആരോഗ്യ^സുരക്ഷാ വിഭാഗം അസി. ഡയറക്​ടർ ജനറൽ ഖാലിദ്​ മുഹമ്മദ്​ ശരീഫ്​ അൽ അവാദി പറഞ്ഞു.  
 പാക്ക്​ ചെയ്​ത ഭക്ഷ്യവസ്​തുക്കളുടെ ആരോഗ്യ^പോഷണ മൂല്യങ്ങൾ വിലയിരുത്താനുള്ള സംവിധാനം നിലവിലുണ്ട്​, അത്​ ഹോട്ടൽ ഭക്ഷണങ്ങളുടെ കാര്യത്തിലേക്കും വ്യാപിപ്പിക്കാനാണ്​ തീരുമാനം. മെനുവിലെ 50 ശതമാനം വിഭവങ്ങളെങ്കിലും നഗരസഭയുടെ ആരോഗ്യ സർട്ടിഫിക്കറ്റ്​ നേടിയവയാണെങ്കിൽ അത്തരം ഭക്ഷണശാലകളെ ആരോഗ്യ ഭക്ഷണശാലകളാക്കി സാക്ഷ്യപ്പെടുത്താനും ആലോചനയുണ്ട്​.എന്നാൽ ആരോഗ്യ സർട്ടിഫിക്കേഷൻ ലഭിച്ചെന്ന കാരണം പറഞ്ഞ്​ ഭക്ഷ്യവസ്​തുക്കളുടെ വില ഉയർത്താൻ അനുവദിക്കില്ല.