ആരോഗ്യ പ്രവർത്തകരും കോവിഡ്​ ബാധിതരും നോ​െമ്പട​ുക്കേ​ണ്ടെന്ന് യു.എ.ഇയിൽ ഫത്​വ

ദുബൈ: കോവിഡ്​ ബാധിതരും ആരോഗ്യ പ്രവർത്തകരും നോ​െമ്പടുക്കേണ്ടതി​ല്ലെന്ന്​ യു.എ.ഇ ഫത്​വ കൗൺസിൽ മതനിയമം പുറപ ്പെടുവിച്ചു. നിലവിലെ സ്​ഥിതിക്ക്​ മാറ്റമില്ലെങ്കിൽ പള്ളികളിലെ പെരുന്നാൾ നമസ്​കാരവും ഒഴിവാക്കാമെന്നും ഫത്​വ യിൽ നിർദേശം നൽകി. ഇതുൾപെടെ അഞ്ച്​ നിർദേശങ്ങളാണ്​ ഉത്തരവിലുടെ പുറപ്പെടുവിച്ചത്​.

ഫത്​വയ ിലെ നിർദേശങ്ങൾ
1. കോവിഡ്​ ബാധിതരെ പരിചരിക്കുന്ന ആരോഗ്യ പ്രവർത്തകരും കോവിഡ്​ ബാധിതരും നോ​െമ്പടുക്കേണ്ടതില്ല. കോവിഡ്​ രോഗലക്ഷണങ്ങളുള്ളവരുടെ നില വഷളാവാൻ സാധ്യതയുണ്ടെന്ന്​​ ഡോക്​ടർമാർ മുൻകരുതൽ നിർദേശം നൽകിയിട്ടുണ്ടെങ്കിൽ അവരും നോ​െമ്പടുക്കരുത്​.
2. റമദാൻ മാസത്തിലെ രാത്രി നമസ്​കാരമായ തറാവീഹ്​ നമസ്​കാരം പള്ളികളിൽ നിർവഹിക്കരുത്​. വീടുകളിൽ നമസ്​കരിക്കാം.
3. നിലവിലെ അവസ്​ഥക്ക്​ മാറ്റമുണ്ടായില്ലെങ്കിൽ ഇൗദുൽ ഫിത്വർ നമസ്​കാരം ഉണ്ടാവില്ല. വീടുകളിൽ സുബഹി നമസ്​കാരത്തിന്​ ശേഷം പെരുന്നാൾ നമസ്​കരിക്കാം. ഒരേ വീട്ടിൽ താമസിക്കുന്നവർക്ക്​ ഒരുമിച്ച്​ നമസ്​കരിക്കാം. എന്നാൽ, ജീവന്​ ഭീഷണിയാവുന്ന തരത്തിലാവരുത്​ ഒരുമിച്ചുള്ള നമസ്​കാരം. ഇത്തരം പ്രവൃത്തികൾ ഇസ്​ലാം നിരോധിച്ചിട്ടുണ്ട്​.
4. വെള്ളിയാഴ്​ച ജുമുഅ നമസ്​കാരങ്ങൾ അനുവദിനീയമല്ല. ഇൗ സമയങ്ങളിൽ വീടുകളിൽ ളുഹർ നമസ്​കരിക്കണം.
5. സക്കാത്ത്​ നൽകുന്നത്​ പരമാവധി നേരത്തെയാക്കണം. സക്കാത്ത്​ ആവശ്യമായ സാഹചര്യമാണിത്​. സക്കാത്ത്​ നൽകാൻ പ്രത്യേക സമയം നിശ്​ചയിക്കേണ്ട കാര്യമില്ല. ജനങ്ങൾ ബുദ്ധിമുട്ടുന്ന സാഹചര്യങ്ങൾക്കനുസൃതമായി സക്കാത്ത്​ നൽകാൻ പ്രവാചകൻ ഉണർത്തിയിട്ടുണ്ട്​. പരമാവധി രാജ്യത്തിനുള്ളിലുള്ളവർക്ക്​ സക്കാത്ത്​ നൽകാൻ ശ്രമിക്കണം. ഇതിനായി എമിറേറ്റ്​സ്​ റെഡ്​ ക്രസൻറ്​ പോലുള്ളവയെയും സന്നദ്ധ സംഘടനകളെയും സർക്കാർ അധികൃതരെയും സമീപിക്കുന്നതാവും ഉചിതം.