ആഘോഷരാവ്​: ദുബൈ എക്​സ്​പോ 2021

ദുബൈ: അറബ്​ ലോകത്തിന്​ ഇന്ന്​ ആഘോഷരാവ്​. ആറു വർഷത്തെ കാത്തിരിപ്പിനും ഒരുക്കത്തിനുമൊടുവിൽ മഹാമേളക്ക്​ ഇന്ന്​ തിരശ്ശീലയുയരു​േമ്പാൾ നാട്​ ഉറങ്ങാതെ കൂടെയുണ്ടാകും. അൽവാസൽ പ്ലാസയിലെ ഉദ്​ഘാടന ചടങ്ങും വിസ്​മയമൊരുക്കുന്ന കരിമരുന്ന്​ പ്രയോഗങ്ങളും നേരിൽ കാണാൻ കഴിയാത്തവർക്ക്​ തത്സമയം വീക്ഷിക്കാൻ ആവശ്യമായ എല്ലാ സൗകര്യങ്ങളും സംഘാടകർ ഒരുക്കിയിട്ടുണ്ട്​. ഹോട്ടലുകൾ, മാൾ, പൊതുസ്ഥലങ്ങൾ, എയർപോർട്ടുകൾ എന്നിവിടങ്ങളിൽ ഉദ്​ഘാടന ചടങ്ങ്​ കാണാൻ കഴിയും.

യു.എ.ഇയുടെ വിവിധ ഭാഗങ്ങളിലെ 430 സ്ഥലങ്ങളിൽ തത്സമയ സംപ്രേഷണം കാണാൻ സ്​ക്രീനുകൾ ഒരുക്കിയിട്ടുണ്ട്​. ദുബൈ, അബൂദബി വിമാനത്താവളങ്ങളിലെ ചില ടെർമിനലുകളിൽ ബിഗ്​ സ്​ക്രീനുകളുണ്ടാകും. മാജിദ്​ അൽ ​ഫുത്തൈമി​െൻറ 17 മാളുകൾ, സിറ്റിവാക്ക്​, നഖീൽ മാൾ, ഇബ്​നു ബത്തൂത്ത മാൾ, ദുബൈയിലെയും അബൂദബിയിലെയും 50 ജാഷൻമാൾ, 97 മെഡിക്ലിനിക്കുകൾ, സബീൽ ലേഡി ക്ലബ്​, ഷറഫ്​ ഡി.ജി എന്നിവിടങ്ങളിൽ സ്​ക്രീനുകൾ ഒരുക്കും. ഇതിനു​ പുറമെ 240 വൻകിട ഹോട്ടലുകളിലും ഉദ്​ഘാടന ചടങ്ങ്​ കാണാം. അർമാനി, റോവ്​, അഡ്രസ്​ ഹോട്ടൽസ്​ ആൻഡ്​ റി​േസാർട്ട്​, വൈദ ഹോട്ടൽസ്​, മാരിയറ്റ്​, ഹിൽട്ടൺ, ഐ.എച്ച്​.ജി, റൊട്ടാന, ജുമൈറ, ഹയാത്ത്​ ഇൻറർനാഷനൽ, അറ്റ്​ലാൻറിസ്​ തുടങ്ങിയ ഹോട്ടലുകളിലിരുന്ന്​ ഉദ്​ഘാടന ചടങ്ങ്​ ആസ്വദിക്കാം.

ഉമ്മുൽഖുവൈ​െൻറ വിവിധ ഭാഗങ്ങൾ, അബൂദബി യാസ്​ പ്ലാസ, റാസൽ ഖൈമ കോർണിഷ്​, അൽ മർജാൻ​ ഐലൻഡ്​, മനാർ മാൾ, അജ്​മാൻ ഹെറിറ്റേജ്​ ഡിസ്​ട്രിക്​ട്​, ഫുജൈറ ഫോർട്ട്​ എന്നിവിടങ്ങളിലും തത്സമയ സംപ്രേഷണം കാണാം. വീട്ടിലിരിക്കുന്നവർക്ക്​ virtualexpo.world എന്ന വെബ്​സൈറ്റ്​ വഴിയോ എക്​സ്​പോ ടി.വിയിലൂടെയോ ഉദ്​ഘാടനം കാണാം. എക്​സ്​പോയുടെ വിവിധ ​സമൂഹ മാധ്യമ പ്ലാറ്റ്​ഫോമുകളിലും സംപ്രേഷണമുണ്ടാകും. ഉദ്ഘാടന ചടങ്ങ്​ അവസാനിച്ചാലും ആഘോഷം അവസാനിക്കുന്നില്ല. വെള്ളിയാഴ്​ച ദുബൈ നഗരത്തി​െൻറ വിവിധ ഭാഗങ്ങളിൽ ആഘോഷം അരങ്ങേറും. ദുബൈ ഫെസ്​റ്റിവൽസിറ്റി, പാം ജുമൈറയിലെ പൊയ​െൻറ എന്നിവിടങ്ങളിൽ വർണം വാരിവിതറുന്ന വെടിക്കെട്ട്​ അരങ്ങേറും. ഇതോടൊപ്പം ലൈറ്റ്​ ആൻഡ്​ സൗണ്ട്​ ഷോയും ഉണ്ടാകും. ദുബൈ ഫ്രെയിം എക്​സ്​പോയുടെ നിറങ്ങളാൽ മിന്നിത്തിളങ്ങും. എക്​സ്​പോയിൽ പ​ങ്കെടുക്കുന്ന രാജ്യങ്ങളുടെ പതാകകൾ ഇവിടെ തെളിയും.