ചൊവ്വയിലേക്ക്​ കണ്ണും നട്ട്​ യു.എ.ഇ. 

ദുബൈ: പിറന്നിട്ട്​ നാല്​ വർഷമെയായുള്ളൂ. പക്ഷേ യു.എ.ഇ.യുടെ ബഹിരാകാശ ഏജൻസി ഇപ്പോൾ ലക്ഷ്യം വെക്കുന്നത്​ ചൊവ്വയി​െലത്താനുള്ള മാർഗം കണ്ടെത്താനാണ്​. ഇതടക്കം നിരവധി പുതിയ പദ്ധതികളാണ്​ നാലാം വാർഷികാഘോഷത്തി​​​െൻറ ഭാഗമായി ആവിഷ്​ക്കരിച്ചിരിക്കുന്നത്​. കാലത്തിന്​ മു​േമ്പ നടക്കുകയെന്ന യു.എ.ഇയുടെ പതിവ്​ തെറ്റിക്കാതെയാണ്​ സ്​പേസ്​ ഏജൻസിയുടെയും പ്രവർത്തനം. ചൊവ്വാ പര്യവേഷണം 2020 ഒ​ാടെ നടപ്പാക്കാനുള്ള ഒരുക്കത്തിലാണ്​ ഇവർ. 
2014 ൽ ആണ്​ യു.എ.ഇ. സ്​പേസ്​ ഏജൻസി രൂപവത്​ക്കരിച്ചത്​. ഇതിനകം നിരവധി ബഹിരാകാശ പദ്ധതികൾ നടപ്പാക്കിക്കഴിഞ്ഞ ഇവിടുത്തെ ശാസ്ത്ര​ജ്ഞർ വിവിധ അന്താരാഷ്​ട്ര ഏജൻസികളുമായി സഹകരിച്ചാണ്​ പ്രവർത്തിക്കുന്നത്​. 
ചൊവ്വാ ദൗത്യത്തിനുള്ള നടപടികൾ അവസാന ഘട്ടത്തിലേക്ക്​ കടക്കുകയാണെന്ന്​ യു.എ.ഇ. സ്​പേസ്​ ഏജൻസി ചെയർമാനും ഉന്നതവിദ്യഭ്യാസ വകുപ്പ്​ സഹമന്ത്രിയുമായ ഡോ. അഹമ്മദ്​ അബ്​ദുല്ല ഹുമൈദ്​ ബിൽ ഹൗൽ അൽ ഫലാസി പറഞ്ഞു. കഴിഞ്ഞ ജനുവരിയിൽ വിക്ഷേപിച്ച അൽ യാഹ്​ മൂന്ന്​ സാറ്റലെറ്റ്​ ആഫ്രിക്കൻ ജനതയുടെ 60 ശതമാനത്തിനും പ്രയോജനപ്പെടുന്നുണ്ട്​. 140 രാജ്യങ്ങൾക്ക്​ സാറ്റലൈറ്റ്​ സൗകര്യം ഒരുക്കിയ യു.എ.ഇ. അന്തരാഷ്​ട്ര ബഹിരാകാശ രംഗത്ത്​ സ്വന്തം മുദ്ര പതിപ്പിച്ചിട്ടുണ്ടെന്ന്​ അ​േദ്ദഹം ചൂണ്ടിക്കാട്ടി. ഇൗ വർഷം രണ്ട്​ കൃത്രിമോപഗ്രഹങ്ങൾ കൂടി വിക്ഷേപിക്കാൻ പദ്ധതിയുണ്ടെന്ന്​ ഡോ. മുഹമ്മദ്​ നാസർ അൽ അഹാബി പറഞ്ഞു. പൂർണ്ണമായും ഇമിറാത്തി എഞ്ചിനീയർമാർ തയാറാക്കിയ ഖലീഫസാറ്റ്​ അടക്കമാണിത്​. ഇത്തരം പദ്ധതികൾ ഏറ്റെടുത്ത്​ നടപ്പാക്കുന്നത്​ യുവജനങ്ങൾക്ക്​ ഇൗ മാതൃക പിന്തുടരാൻ പ്രചോദനമാകുമെന്നും അദ്ദേഹം പറഞ്ഞു. 
ഹോപ്​ പ്രോബ്​ എന്ന്​ പേരിട്ടിരിക്കുന്ന പേടകം ഉപയോഗിക്കുന്ന ചൊവ്വാ ദൗത്യം 2020^2021 ൽ നടപ്പാക്കാനാണ്​ ഉദ്ദേശിക്കുന്നത്​. 1500 കിലോ ഭാരവും 2.37 മീറ്റർ വീതിയും 2.90 മീറ്റർ നീളവുമുള്ള ഇതി​​​െൻറ നിർമ്മാണം നടന്നുകൊണ്ടിരിക്കുകയാണ്. 
60 മില്ല്യൺ കിലോമീറ്റർ 200 ദിവസം കൊണ്ട്​ താണ്ടി വേണം ഇതിന്​ ചൊവ്വയിലെത്താൻ. 600 വാട്ട്​ ശേഷിയുള്ള മൂന്ന്​ സോളാർ പാനലുകളാണ്​ ഇതിന്​ ഉൗർജം പകരുന്നത്​. രണ്ട്​ വർഷത്തിലേറെ നീളുന്ന ഗവേഷണങ്ങൾക്കൊടുവിലാണ്​ ദൗത്യം തുടങ്ങുക. ചൊവ്വയുടെ ഉപരിതലത്തെക്കുറിച്ച്​ പഠിക്കുകയും പുതിയ കണ്ടെത്തലുകൾ നടത്തുകയുമാണ്​ ലക്ഷ്യം. ചൊവ്വയുമായി ബന്ധപ്പെട്ട 1000 ജിബി വിവരങ്ങൾ ഭൂമിയിലേക്ക്​ അയക്കും. 75 ഇമിറാത്തികളും അമേരിക്കയിലെ വിവിധ സ്​ഥാപനങ്ങളിലെ 200 പേരും ഇതിനായി പ്രയത്​നിക്കുന്നുണ്ട്​. അറബ്​ ദേശത്ത്​ നിന്ന്​ ആദ്യമായാണ്​ ഒരു രാജ്യം ഇത്തരമൊരു ഗവേഷണം നടത്തുന്നത്​.