ദ​​ുബൈ കെയേഴ്​സിന്​ യു.എ.ഇ  എക്​സ്​ചേഞ്ച്​ ഒരു കോടി ദിർഹം നൽകും

ദുബൈ: യു.എ.ഇ പ്രസിഡൻറ്​ ശൈഖ്​ ഖലീഫ ബിൻ സായിദ്​ ആൽ നഹ്​യാൻ ആഹ്വാനം ചെയ്​ത ദാനവർഷത്തി​​െൻറ ചുവടുപിടിച്ച്​ യു.എ.ഇ എക്​സ്​ചേഞ്ച്​ ജീവകാരുണ്യ^സന്നദ്ധ സംഘടനയായ ദുബൈ കെയേഴ്​സുമായി ഒരു കോടി ദിർഹത്തി​​െൻറ ധാരണാപത്രത്തിൽ ഒപ്പുവെച്ചു. ദുബൈ കെയേഴസ്​ സി.ഇ.ഒ താരീഖ്​ അൽ ഗുർഗും യു.എ.ഇ എക്​സ്​ചേഞ്ച്​ ഗ്രൂപ്പ്​ സി.ഇ.ഒ പ്രമോദ്​ മങ്ങാട്ടും ഒപ്പുവെച്ച എം.ഒ.യു പ്രകാരം പത്തു വർഷത്തിനകം ഒരു കോടി ദിർഹം നൽകും. ദുബൈ കെയേഴ്​സി​​െൻറ വിദ്യാഭ്യാസ പദ്ധതികൾക്കാണ്​ ഇൗ പിന്തുണ ലഭ്യമാവുക. ഇതോടൊപ്പം ജീവനക്കാരിലും ഉപഭോക്​താക്കൾക്കുമിടയിൽ സന്നദ്ധസേവന സാമൂഹിക മുന്നേറ്റ പദ്ധതികൾക്കും പ്രചാരം നൽകും.  

നൂറു കണക്കിന്​ വിദ്യാർഥികൾക്കും യുവജനങ്ങൾക്കും വിദ്യാഭ്യാസം ലഭ്യമാക്കുക എന്ന തങ്ങളുടെ ലക്ഷ്യത്തിന്​ ഇൗ പിന്തുണ ഏറെ സഹായകമാകുമെന്നും ദാനവർഷത്തി​​െൻറ തികഞ്ഞ സത്ത ഉൾക്കൊള്ളുന്ന നടപടിയാണിതെന്നും താരീഖ്​ അൽ ഗുർഗ്​ പ്രതികരിച്ചു. മുഹമ്മദ്​ ബിൻ റാശിദ്​ ആൽ മക്​തൂം​ ഗ്ലോബൽ ഇനീഷ്യേറ്റിവി​​െൻറ ഭാഗമായ ദുബൈ കെയറുമായി കൈകോർക്കുന്നത്​ അഭിമാനകരമാണെന്ന്​ പ്രമോദ്​ മങ്ങാട്ട്​ പറഞ്ഞു. ​െഎക്യരാഷ്​ട്ര സഭ സുസ്​ഥിര വികസന ലക്ഷ്യങ്ങളും യു.എ.ഇ ദേശീയ അജണ്ടയും സാധ്യമാക്കുന്ന വിദ്യാഭ്യാസ പ്രവർത്തനങ്ങളുമായി സഹകരിക്കുക എന്നതും ​ യു.എ.ഇ എക്​സചേഞ്ചി​​െൻറ സാമൂഹിക പ്രതിബദ്ധതക്ക്​ കരുത്താകുന്നു.  യു.എ.ഇ എക്​സ്​ചേഞ്ച്​ ഡയറക്​ടർ ബിനയ്​ ഷെട്ടിയും ചടങ്ങിൽ സംബന്ധിച്ചു.