‘ഖിദ്‌മ’ ​േബ്രാഷർ പ്രകാശനം ചെയ്​തു

ദുബൈ: ദുബൈ കെ.എം.സി.സി കാസർക്കോട്‌ മണ്ഡലം കമ്മറ്റി പുണ്യ റമദാനിനോടനുബന്ധിച്ച് നടപ്പിലാക്കുന്ന  ബഹുമുഖ ജീവകാരുണ്യപദ്ധതിയായ  ‘ഖിദ്‌മ’ യുടെ ​േബ്രാഷർ കേരള വഖഫ്‌ ബോർഡ്‌ ചെയർമാൻ പാണക്കാട്‌ റഷീദലി ശിഹാബ്‌ തങ്ങൾ ദുബൈ കെ.എം.സി.സി പ്രസിഡൻറ്​ പി.കെ.അൻവർ നഹക്ക്​ നൽകി പ്രകാശനം​ ചെയ്​തു.
ബൈത്തുറഹ്മ, സ്നേഹസാന്ത്വനം മെഡികെയർ, മുസാഹദ ക്ഷേമനിധി തുടങ്ങിയ ജീവകാരുണ്യ പദ്ധതികൾ ഉൽപ്പെടുത്തിയാണു  ഖിദ്‌മ ആവിഷ്കരിച്ചിരിക്കുന്നത്‌. 
നിർധന കുടുംബങ്ങൾക്ക്​ ബൈത്തുറഹ്മ പദ്ധതിയിൽ മണഡലത്തിലെ എട്ടാമത്‌ വീടിന്റെ നിർമാണം ബെള്ളൂർ പഞ്ചായത്തിൽ അടുത്ത മാസം ആരംഭിക്കും.

പ്രസിഡൻറ്​ സലാം കന്യപ്പാടി അധ്യക്ഷത വഹിച്ചു. ജന.സെക്രട്ടറി പി. ഡി നൂറുദ്ദീൻ ആറാട്ടുകടവ്‌ സ്വാഗതം പറഞ്ഞു. ഹസൈനാർ തോട്ടുംഭാഗം, എം എ മുഹമ്മദ്‌ കുഞ്ഞി,  ഹനീഫ്‌ ചെർക്കള, ഹനീഫ്‌ ടി.ആർ., അബ്​ദുല്ല ആറങ്ങാടി,  ഐ.പി.എം. പൈക്ക, അസീസ്‌ കമാലിയ, കരീം മൊഗർ, സത്താർ ആലംപാടി, മുനീഫ്‌ ബദിയടുക്ക, സിദ്ദീഖ്‌ കനിയടുക്ക, ഹനീഫ്‌ കുംബടാജെ, റസാഖ്‌ ബദിയടുക്ക, അബ്ദുല്ല ബെളിഞ്ച തുടങ്ങിയവർ സംസാരിച്ചു.ഫൈസൽ പട്ടേൽ നന്ദി പറഞ്ഞു.