മൂന്നാം വയസ്സിൽ അനാഥൻ; ഗസ്സയിലെ ഹാതിമിന്​ കരുതലായി ഇമാറാത്ത്​

ദു​ബൈ: മൂ​ന്നു വ​യ​സ്സു​കാ​ര​ൻ ഹാ​തിം അ​വാ​ദി​ന്‍റെ കു​ടും​ബ​ത്തി​ൽ ഇ​നി​യാ​രും ബാ​ക്കി​യി​ല്ല. ഗ​സ്സ​യി​ലെ ഹാ​തി​മി​ന്‍റെ കു​ടും​ബം താ​മ​സി​ച്ചി​രു​ന്ന സ്ഥ​ല​ത്ത്​ ഇ​സ്രാ​യേ​ൽ ന​ട​ത്തി​യ വ്യോ​മാ​ക്ര​മ​ണ​ത്തി​ൽ അ​വ​രെ​ല്ലാ​വ​രും കൊ​ല്ല​പ്പെ​ടു​ക​യാ​യി​രു​ന്നു. ശ​രീ​ര​മാ​സ​ക​ലം പൊ​ള്ള​ലേ​റ്റ അ​വ​ൻ മാ​ത്രം ജീ​വ​ന്‍റെ തു​ടി​പ്പു​മാ​യി അ​വ​ശേ​ഷി​ച്ചു. ആ​​രോ​രു​മി​ല്ലാ​തെ അ​നാ​ഥ​നാ​യ അ​വ​നി​പ്പോ​ൾ യു.​എ.​ഇ​യി​ൽ എ​ത്തി​യി​രി​ക്കു​ക​യാ​ണ്. ഗ​സ്സ​യി​ലെ സാ​ധാ​ര​ണ​ക്കാ​രെ സ​ഹാ​യി​ക്കു​ന്ന​തി​ന്​ രാ​ജ്യം പ്ര​ഖ്യാ​പി​ച്ച ഓ​പ​റേ​ഷ​ൻ ഷി​വ​ൽ​റ​സ്​ നൈ​റ്റ്​ 3യു​ടെ ഭാ​ഗ​മാ​യാ​ണ്​ ചി​കി​ൽ​സ​ക്കാ​യി ഹാ​തിം അ​ബൂ​ദ​ബി​യി​ലെ​ത്തി​യ​ത്.

ജൂ​ൺ 12നാ​ണ്​ ഗ​സ്സ​യി​ൽ നി​ന്ന്​ കു​ട്ടി​യെ യു.​എ.​ഇ​യി​ൽ എ​ത്തി​ച്ച​ത്. നി​ല​വി​ൽ ശൈ​ഖ്​ ശ​ഖ്​​ബൂ​ത്​ മെ​ഡി​ക്ക​ൽ സി​റ്റി​യി​ൽ ചി​കി​ത്സ​യി​ൽ ക​ഴി​യു​ക​യാ​ണ്. ആ​ശു​പ​ത്രി​യി​ൽ എ​ത്തി​ച്ച ഉ​ട​ൻ ത​ന്നെ സ​മ​ഗ്ര ചി​കി​ത്സ​ക്ക്​ ആ​വ​ശ്യ​മാ​യ ന​ട​പ​ടി​ക​ൾ സ്വീ​ക​രി​ച്ച​താ​യും നി​ല മെ​ച്ച​പ്പെ​ട്ടു​വ​രു​ന്ന​താ​യും ഹോ​സ്പി​റ്റ​ലി​ലെ ചീ​ഫ്​ മെ​ഡി​ക്ക​ൽ ഓ​ഫി​സ​ർ ഡോ. ​അ​ബ്​​ദു​ൽ​ഖാ​ദ​ർ അ​ൽ മി​സാ​ബി പ​റ​ഞ്ഞു. യു​ദ്ധം ആ​രം​ഭി​ച്ച​ത്​ മു​ത​ൽ നി​ര​വ​ധി പേ​രെ ഗ​സ്സ​യി​ൽ നി​ന്ന്​ ചി​കി​ത്സ​ക്കാ​യി യു.​എ.​ഇ​യി​ലെ​ത്തി​ച്ചി​ട്ടു​ണ്ട്.

ഇ​സ്രാ​യേ​ൽ ആ​ക്ര​മ​ണം തു​ട​രു​ന്ന ഗ​സ്സ​യി​ലേ​ക്ക് തു​ട​ക്കം​മു​ത​ൽ യു.​എ.​ഇ സ​ഹാ​യ​മെ​ത്തി​ക്കു​ന്നു​ണ്ട്. 2,000ലേ​റെ ട​ൺ അ​വ​ശ്യ​വ​സ്തു​ക്ക​ൾ അ​ട​ങ്ങു​ന്ന ക​പ്പ​ൽ ക​ഴി​ഞ്ഞ ആ​ഴ്ച ഗ​സ്സ​യി​ലേ​ക്ക്​ അ​യ​ച്ചി​രു​ന്നു. ഭ​ക്ഷ​ണം, മ​രു​ന്ന്, ധാ​ന്യ​ങ്ങ​ൾ അ​ട​ക്ക​മു​ള്ള 2100 ട​ൺ അ​വ​ശ്യ​വ​സ്തു​ക്ക​ളു​മാ​യി യു.​എ.​ഇ​യി​ൽ​നി​ന്നു​ള്ള ക​പ്പ​ൽ ഇ​സ്രാ​യേ​ലി​ലെ അ​ഷ്ദോ​ദ് തു​റ​മു​ഖ​ത്താ​ണ് ന​ങ്കൂ​ര​മി​ട്ട​ത്. ഇ​വി​ടെ നി​ന്ന് 123 ട്ര​ക്കു​ക​ളി​ൽ സ​ഹാ​യ​ങ്ങ​ൾ ഗ​സ്സ​യി​ലെ ദു​രി​ത​ബാ​ധി​ത പ്ര​ദേ​ശ​ങ്ങ​ളി​ലെ​ത്തി​ക്കും. ഈ ​മാ​സം യു.​എ.​ഇ ഗ​സ്സ​യി​ലെ​ത്തി​ക്കു​ന്ന ര​ണ്ടാ​മ​ത്തെ സ​ഹാ​യ​മാ​ണി​ത്. ജൂ​ൺ ആ​ദ്യ​ത്തി​ൽ 1,039 ട​ൺ സ​ഹാ​യം മേ​ഖ​ല​യി​ലെ​ത്തി​ച്ചി​രു​ന്നു.