48 വർഷം മുമ്പത്തെ വിലക്ക്​ നീക്കി; ഇസ്രയേൽ ബഹിഷ്​കരണം യു.എ.ഇ അവസാനിപ്പിച്ചു

ദുബൈ: ഇസ്രയേലിന്​ വിലക്കേർപ്പെടുത്തി 1972ൽ പുറപ്പെടുവിച്ച നിയമം യു.എ.ഇ റദ്ദാക്കി. ഇത്​ സംബന്ധിച്ച ഉത്തരവ്​ യു.എ.ഇ പ്രസിഡൻറ്​ ശൈഖ്​ ഖലീഫ ബിൻ സായിദ്​ ആൽ നഹ്​യാൻ പുറത്തിറക്കി. സമസ്​ത മേഖലകളിലും യു.എ.ഇ-ഇസ്രയേൽ സഹകരണം പ്രഖ്യാപിച്ചതിന്​ പിന്നാലെയാണ്​ 1972ലെ ഫെഡറൽ ​നിയമം റദ്ദാക്കിയത്​.

ഇസ്രയേലികൾക്കും കമ്പനികൾക്കും ഇറക്കുമതിക്കും ഉൽപന്നങ്ങൾക്കും ഏർപെടുത്തിയിരുന്ന വിലക്കാണ്​ പിൻവലിച്ചത്​. ഇതോടെ, ഇസ്രയേലിൽ നിന്നുള്ള ഉൽപന്നങ്ങൾ യു.എ.ഇയിൽ ഇറക്കുമതി ചെയ്യാൻ കഴിയും.