യു.എ.ഇ-ഈജിപ്​ത്​ സംയുക്ത സൈനികാഭ്യാസം തുടങ്ങി

ദുബൈ: യു.എ.ഇ-ഈജിപ്​ത്​ സേനകളുടെ സംയുക്ത സൈനികാഭ്യാസം 'സായിദ്​ 3' തുടങ്ങി. അബൂദബിയിൽ നടക്കുന്ന പരിശീലനം ജൂൺ 30 വരെ തുടരും. സൈനിക മേഖലയിലെ വൈദഗ്​ധ്യം വർധിപ്പിക്കാനും ഇരു രാജ്യങ്ങളിലെയും സായുധസേനയുടെ കരുത്ത്​ വർധിപ്പിക്കാനുമാണ്​ അഭ്യാസം. ഗൾഫ് മേഖലയിലെയും അറബ് രാജ്യങ്ങളിലെയും സുരക്ഷയും സ്ഥിരതയും ജനങ്ങളുടെ ക്ഷേമവും ഉറപ്പുവരുത്താനും രണ്ടു സഹോദരരാജ്യങ്ങളും തമ്മിലുള്ള ബന്ധം സുദൃഢമാക്കാനും പരേഡ്​ ലക്ഷ്യമിടുന്നു.