യു.എ.ഇയിൽ ഏകീകൃത വിദ്യാഭ്യാസ സ​മ്പ്രദായം വരുന്നു

അബൂദബി: ഇൗ അധ്യയന വർഷം മുതൽ യു.എ.ഇയിലെ എമിറേറ്റുകളിലെല്ലാം ഏകീകൃത വിദ്യാഭ്യാസ സ​​മ്പ്രദായം വരുന്നു. വിദ്യാഭ്യാസ മന്ത്രാലയവും അബൂദബി വിദ്യാഭ്യാസ കൗൺസിലും ചേർന്നാണ്​ ഇത്​ നടപ്പാക്കുന്നത്. എല്ലാ എമിറേറ്റുകളിലും ഉന്നത നിലവാരത്തോടെ ഇമറാത്തി സ്​കൂൾ മോഡൽ നടപ്പാക്കാനാണ്​ പദ്ധതി. പ്രസിഡൻറ്​ ശൈഖ്​ ഖലീഫ ബിൻ സായിദ്​ ആൽ നഹ്​യാ​​െൻറയും വൈസ്​ പ്രസിഡൻറും ​​പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തൂമി​​െൻറയും അബൂദബി കിരീടാവകാശിയും ഉപ സർവസൈന്യാധിപനുമായ ശൈഖ്​ മുഹമ്മദ്​ ബിൻ സായിദി​​െൻറയും നിർദേശങ്ങൾക്കനുസൃതമായാണിത്​. 
യു.എ.ഇ ദേശീയ അജണ്ട നടപ്പാക്കാൻ ഒന്നാംകിട വിദ്യാഭ്യാസ സ​മ്പ്രദായം അത്യാവശ്യമാണെന്ന്​ കണ്ടാണ്​ പരിഷ്​കാരം. 
അബൂദബിയിലെ സ്​കൂളുകളിൽ ഇൗ വർഷം പ്രയോഗത്തിൽ വന്നതാണ്​ ഇൗ പഠനരീതി. മികച്ച വിദ്യാഭ്യാസ മ​ാതൃക, മികച്ച സിലബസ്​, ശേഷീവികസനത്തിന്​ ഉൗന്നൽ നൽകുന്ന കോഴ്​സുകൾ എന്നിവ പുതിയ സ​മ്പ്രദായത്തി​​െൻറ സവിശേഷതകളാവും.  പൊതു^സ്വകാര്യ വിദ്യാലയങ്ങളെല്ലാം ഇൗ രീതി പിൻപറ്റും.
 ഭാവി മാറ്റങ്ങൾക്കും വികസനത്തിനും പിന്തുണയേകാൻ കെൽപ്പുള്ള വിജ്​ഞാന സമ്പുഷ്​ടമായ വിദ്യാഭ്യാസ സ​മ്പ്രദായം അത്യാവശ്യമാണെന്ന്​ വിശേഷിപ്പിച്ച ശൈഖ്​ മുഹമ്മദ്​ ബിൻ റാശിദ്​ വിദ്യാഭ്യാസ പദ്ധതിയെ സൂക്ഷ്​മമായി വിലയിരുത്തും.