ഇ​മാ​റാ​ത്തി വ​നി​ത ദി​നം ആ​ഘോ​ഷി​ച്ച്​ യു.​എ.​ഇ

ദു​ബൈ: രാ​ജ്യ​വ്യാ​പ​ക​മാ​യി ഇ​മാ​റാ​ത്തി വ​നി​ത ദി​നം സ​മു​ചി​ത​മാ​യി ആ​ഘോ​ഷി​ച്ച്​ യു.​എ.​ഇ. വി​വി​ധ മ​ന്ത്രാ​ല​യ​ങ്ങ​ൾ, ഓ​ഫി​സു​ക​ൾ, സ​ന്ന​ദ്ധ സം​ഘ​ട​ന​ക​ൾ എ​ന്നി​വ​രു​ടെ നേ​തൃ​ത്വ​ത്തി​ൽ സ്ത്രീ​ക​ളെ ആ​ദ​രി​ക്കു​ന്ന​തി​നാ​യി വ​നി​ത ദി​ന​ത്തി​ൽ വൈ​വി​ധ്യ​മാ​ർ​ന്ന പ​രി​പാ​ടി​ക​ൾ സം​ഘ​ടി​പ്പി​ച്ചു. ‘ഞ​ങ്ങ​ൾ ഒ​രു​മി​ക്കു​ന്നു ന​ല്ല നാ​ളേ​ക്കാ​യി’ എ​ന്ന​താ​യി​രു​ന്നു​ ഇ​ത്ത​വ​ണ​ത്തെ വ​നി​ത ദി​ന പ്ര​മേ​യം. സ്ത്രീ​ക​ളു​ടെ സാ​ന്നി​ധ്യം കൊ​ണ്ട്​ രാ​ജ്യ​ത്തി​ന്‍റെ പ്ര​യാ​ണം കൂ​ടു​ത​ൽ സ​മ്പ​ന്ന​മാ​യ​താ​യി വ​നി​ത ദി​ന സ​ന്ദേ​ശ​ത്തി​ൽ യു.​എ.​ഇ പ്ര​സി​ഡ​ന്‍റ്​ ശൈ​ഖ്​ മു​ഹ​മ്മ​ദ്​ ബി​ൻ സാ​യി​ദ്​ ആ​ൽ ന​ഹ്​​യാ​ൻ പ​റ​ഞ്ഞു.

ഇ​മാ​റാ​ത്തി​ന്‍റെ ഉ​മ്മ​മാ​രേ എ​ന്ന്​ വി​ളി​ച്ചു​കൊ​ണ്ടാ​ണ്​ പ്ര​സി​ഡ​ന്‍റ്​ സ്ത്രീ​ക​ളെ അ​ഭി​സം​ബോ​ധ​ന ചെ​യ്ത​ത്. ‘എ​ന്‍റെ സ​ഹോ​ദ​രി​മാ​രെ, എ​ന്‍റെ മ​ക്ക​ളു​ടെ ഉ​മ്മ​മാ​രെ, സാ​യി​ദി​ന്‍റെ സ​ഹോ​ദ​രി​മാ​രെ, ഇ​മാ​റാ​ത്തി വ​നി​ത​ക​ളേ ന​മ്മു​ടെ നാ​ടി​ന്‍റെ വ​ള​ർ​ച്ച​യു​ടെ നാ​ഴി​ക​ക്ക​ല്ലു​ക​ളി​ൽ നി​ങ്ങ​ളു​ടെ സം​ഭാ​വ​ന​ക​ൾ എ​ന്നും പ്ര​തി​ധ്വ​നി​ക്കും. മു​ന്നേ​റ്റ പാ​ത​യി​ലെ താ​ര​ക​ങ്ങ​ളേ, ഔ​ദാ​ര്യ​ത​യു​ടെ വി​ള​ക്കു മാ​ട​ങ്ങ​ളേ നി​ങ്ങ​ൾ ഞ​ങ്ങ​ളു​ടെ രാ​ജ്യ​ത്തെ പ്ര​കാ​ശ​പൂ​രി​ത​മാ​ക്കി.

രാ​ജ്യ​ത്തി​ന്‍റെ വ​ള​ർ​ച്ച​യി​ൽ നി​ങ്ങ​ളു​ടെ പ​ങ്ക് നി​സ്തു​ല​മാ​ണ്, നി​ങ്ങ​ളു​ടെ അ​ഭി​ലാ​ഷ​ങ്ങ​ൾ ഉ​ന്ന​ത​മാ​ണ്. സ​ന്തോ​ഷ​വും ആ​ഹ്ലാ​ദ​വും നി​റ​ഞ്ഞ ഇ​മാ​റാ​ത്തി വ​നി​ത ദി​നം ആ​ശം​സി​ക്കു​ന്നു’- ശൈ​ഖ്​ മു​ഹ​മ്മ​ദ്​ എ​ക്സി​ൽ കു​റി​ച്ചു. 2022ൽ ​യു.​എ​ന്നി​ന്‍റെ ലിം​ഗ സ​മ​ത്വ സൂ​ചി​ക​യി​ൽ ആ​ഗോ​ള ത​ല​ത്തി​ൽ 11ാം സ്ഥാ​ന​ത്തും അ​റ​ബ്​ ലോ​ക​ത്ത്​ ഒ​ന്നാ​മ​തു​മാ​ണ് യു.​എ.​ഇ. മി​ഡി​ൽ ഈ​സ്റ്റി​ലും വ​ട​ക്ക​ൻ ആ​ഫ്രി​ക്ക​ൻ മേ​ഖ​ല​ക​ളി​ലും മൂ​ന്നാം ത​വ​ണ​യാ​ണ്​ പ​ട്ടി​ക​യി​ൽ യു.​എ.​ഇ ഒ​ന്നാ​മ​തെ​ത്തു​ന്ന​ത്.

സു​സ്ഥി​ര ഭാ​വി​യി​ൽ വ​നി​ത​ക​ളു​ടെ പ​ങ്ക്​ നി​ർ​ണാ​യ​കം -​സാ​റ അ​ൽ മെ​ഹ്​​രി

ദു​ബൈ: വ​രും ത​ല​മു​റ​ക്കാ​യി സു​സ്ഥി​ര ഭാ​വി കെ​ട്ടി​പ്പ​ടു​ക്കു​ന്ന​തി​ൽ രാ​ജ്യം ന​ട​ത്തു​ന്ന പ്ര​യ​ത്ന​ങ്ങ​ളി​ൽ വ​നി​ത​ക​ളു​ടെ പ​ങ്ക്​ നി​ർ​ണാ​യ​ക​മാ​ണെ​ന്ന്​ കാ​ലാ​വ​സ്ഥ വ്യ​തി​യാ​ന, പ​രി​സ്ഥി​തി മ​ന്ത്രി മ​റി​യം ബി​ൻ​ത്​ മു​ഹ​മ്മ​ദ്​ അ​ൽ മെ​ഹ്​​രി പ​റ​ഞ്ഞു. ഇ​മാ​റാ​ത്തി വ​നി​ത​ക​ളു​ടെ അ​ഭി​ലാ​ഷ​ങ്ങ​ളു​ടെ​യും ആ​ഗ്ര​ഹ​ങ്ങ​ളു​ടെ​യും പ​രി​ധി ഉ​യ​ർ​ത്തു​ന്ന​തി​നും കു​ടും​ബ​ത്തി​ലും സ​മൂ​ഹ​ത്തി​നി​ട​യി​ലും അ​വ​രു​ടെ സ​ജീ​വ​മാ​യ പ​ങ്ക്​ പ്രോ​ത്സാ​ഹി​പ്പി​ക്കു​ന്ന​തി​നും ആ​ദ്യ പ​ടി​യാ​ണ്​ ശൈ​ഖ ഫാ​ത്തി​മ ബി​ൻ​ത്​ പ്ര​ഖ്യാ​പി​ച്ച ദേ​ശീ​യ വ​നി​ത ശാ​ക്​​തീ​ക​ര​ണ ന​യ​മെ​ന്നും അ​ൽ മെ​ഹ്​​രി പ​റ​ഞ്ഞു. രാ​ജ്യം സു​സ്ഥി​ര​ത വ​ർ​ഷം ആ​ച​രി​ക്കു​ന്ന വേ​ള​യി​ലും കോ​പ്​28​ന്​ ആ​തി​ഥേ​യ​ത്വം വ​ഹി​ക്കു​ക​യും ചെ​യ്യു​ന്ന വ​ർ​ഷം ത​ന്നെ ഇ​മാ​റാ​ത്തി വ​നി​ത ദി​നം ആ​ച​രി​ക്കാ​നു​ള്ള തീ​രു​മാ​നം യാ​ദൃ​ച്ഛി​ക​മാ​യി. കോ​പ്​28 ഉ​ച്ച​കോ​ടി​യി​ൽ പ്ര​ധാ​ന ചു​മ​ത​ല​ക​ളി​ൽ സ്ത്രീ​ക​ളാ​ണ്.

അ​തോ​ടൊ​പ്പം ഉ​ച്ച​കോ​ടി​യു​ടെ മാ​നേ​ജ്​​മെ​ന്‍റ്​ ടീ​മി​ന്‍റെ മൂ​ന്നി​ൽ ര​ണ്ടും സ്ത്രീ​ക​ളാ​ണെ​ന്നും അ​ൽ മ​ഹ്​​രി കൂ​ട്ടി​ച്ചേ​ർ​ത്തു. ഇ​ത്​ രാ​ജ്യ​ത്ത്​ സ്ത്രീ​ക​ളു​ടെ പ്രാ​തി​നി​ധ്യം എ​ത്ര​ത്തോ​ളം ഉ​യ​ർ​ന്ന​താ​ണെ​ന്ന​ത്​ പ്ര​തി​ഫ​ലി​ക്കു​ന്ന​താ​ണെ​ന്നും അ​വ​ർ കൂ​ട്ടി​ച്ചേ​ർ​ത്തു.

2023ലെ ​ലോ​ക ബാ​ങ്കി​ന്‍റെ വി​മ​ൻ, ബി​സി​ന​സ്​ ആ​ൻ​ഡ്​ ലോ ​റ​പ്പോ​ർ​ട്ടി​ൽ മി​ഡി​ൽ ഈ​സ്റ്റി​ലും വ​ട​ക്ക​ൻ ആ​ഫ്രി​ക്ക​ൻ മേ​ഖ​ല​ക​ളി​ലും തു​ട​ർ​ച്ച​യാ​യി മൂ​ന്നാം വ​ർ​ഷ​മാ​ണ്​​ യു.​എ.​ഇ ഒ​ന്നാ​മ​താ​വു​ന്ന​തെ​ന്നും അ​ദ്ദേ​ഹം പ​റ​ഞ്ഞു. വ​നി​ത ദി​ന​ത്തോ​ട​നു​ബ​ന്ധി​ച്ച്​ എ​ട്ടു​ വ​ർ​ഷ​ത്തേ​ക്കു​ള്ള ദേ​ശീ​യ വ​നി​ത ശാ​ക്​​തീ​ക​ര​ണ ന​യം രാ​ഷ്ട്ര​മാ​താ​വ്​ ശൈ​ഖ ഫാ​ത്തി​മ ബി​ൻ​ത്​ മു​ബാ​റ​ക്​ പ്ര​ഖ്യാ​പി​ച്ചി​രു​ന്നു. രാ​ഷ്ട്രീ​യ രം​ഗ​ത്തും നേ​തൃ​രം​ഗ​ത്തും വ​നി​ത ​പ്രാ​തി​നി​ധ്യം പ്രോ​ത്സാ​ഹി​പ്പി​ക്കു​ന്ന​തി​ന്‍റെ ഭാ​ഗ​മാ​യി യു.​എ.​ഇ മ​ന്ത്രി​സ​ഭ രൂ​പ​വ​ത്​​ക​ര​ണ​ത്തി​ൽ 27.5 ശ​ത​മാ​ന​വും ഫെ​ഡ​റ​ൽ നാ​ഷ​ന​ൽ കൗ​ൺ​സി​ലി​ൽ 50 ശ​ത​മാ​ന​വും വ​നി​ത​ക​ളു​ടെ പ്രാ​തി​നി​ധ്യം ഉ​യ​ർ​ത്തി​യി​രു​ന്നു.

ദു​ബൈ ഇ​സ്​​ലാ​മി​ക​കാ​ര്യ വ​കു​പ്പ് ആ​ഘോ​ഷം

ദു​ബൈ: വ​നി​ത ദി​ന​ത്തി​ൽ ദു​ബൈ​യി​ലെ ഇ​സ്‍ലാ​മി​ക് അ​ഫ​യേ​ഴ്‌​സ് ആ​ൻ​ഡ്​ ചാ​രി​റ്റ​ബ്ൾ ആ​ക്ടി​വി​റ്റീ​സ് ഡി​പ്പാ​ർ​ട്മെ​ന്‍റി​ന്റെ (ഐ.​എ.​സി.​എ.​ഡി) നേ​തൃ​ത്വ​ത്തി​ൽ വി​പു​ല​മാ​യ ആ​ഘോ​ഷ​ങ്ങ​ൾ സം​ഘ​ടി​പ്പി​ച്ചു.

ച​ട​ങ്ങി​ൽ ചാ​രി​റ്റ​ബ്ൾ വ​ർ​ക് സെ​ക്ട​ർ ആ​ക്ടി​ങ്​ ജ​ന​റ​ൽ മാ​നേ​ജ​റും എ​ക്‌​സി​ക്യൂ​ട്ടി​വ് ഡ​യ​റ​ക്ട​റു​മാ​യ അ​ഹ​മ്മ​ദ് ദാ​ർ​വി​ഷ് അ​ൽ മു​ഹൈ​രി, ഇ​ൻ​സ്റ്റി​റ്റ്യൂ​ഷ​ന​ൽ സ​പ്പോ​ർ​ട്ട് സെ​ക്ട​ർ ആ​ക്ടി​ങ്​ എ​ക്‌​സി​ക്യൂ​ട്ടി​വ് ഡ​യ​റ​ക്ട​ർ യൂ​സു​ഫ് അ​ൽ ബു​സ്മൈ​ത്, ഹ്യൂ​മ​ൻ റി​സോ​ഴ്‌​സ് ഡി​പ്പാ​ർ​ട്മെ​ന്‍റ്​ ഡ​യ​റ​ക്ട​ർ എ​ന്നി​വ​ർ പ​ങ്കെ​ടു​ത്തു.

വി​ശു​ദ്ധ ഖു​ർ​ആ​ൻ പാ​രാ​യ​ണ​ത്തി​നു​ശേ​ഷം, വ​നി​ത ദി​ന​ത്തോ​ട​നു​ബ​ന്ധി​ച്ചു​ള്ള പ്ര​ത്യേ​ക വി​ഡി​യോ​യും ച​ട​ങ്ങി​ൽ പ്ര​ദ​ർ​ശി​പ്പി​ച്ചു. ച​ട​ങ്ങി​ന്‍റെ ഭാ​ഗ​മാ​യി, വ​കു​പ്പി​നു കീ​ഴി​ലു​ള്ള വ​നി​ത ജീ​വ​ന​ക്കാ​രി​ൽ വ്യ​ത്യ​സ്ത മേ​ഖ​ല​ക​ളി​ൽ പ്ര​വ​ർ​ത്ത​ന മി​ക​വ് കാ​ഴ്ച​വെ​ച്ച​വ​ർ​ക്കു​ള്ള അ​വാ​ർ​ഡു​ക​ൾ അ​ഹ​മ്മ​ദ് ദാ​ർ​വി​ഷ് അ​ൽ മു​ഹൈ​രി​യും യൂ​സു​ഫ് അ​ൽ ബു​സ്മൈ​ത്തും ചേ​ർ​ന്ന് സ​മ്മാ​നി​ച്ചു. കാ​ര്യ​ക്ഷ​മ​ത​യു​ള്ള ഡ​യ​റ​ക്ട​ർ വി​ഭാ​ഗം, ഏ​റ്റ​വും മു​തി​ർ​ന്ന ജീ​വ​ന​ക്കാ​രു​ടെ വി​ഭാ​ഗം, പ്ര​യോ​ജ​ന​ക​ര​മാ​യ നി​ർ​ദേ​ശ​ങ്ങ​ളു​ടെ വി​ഭാ​ഗം, ശാ​സ്ത്ര-​യോ​ഗ്യ​ത​യു​ള്ള​വ​രു​ടെ വി​ഭാ​ഗം, ഓ​രോ മേ​ഖ​ല​യി​ലും പോ​സി​റ്റി​വ് എ​ന​ർ​ജി ഉ​ള്ള​വ​രു​ടെ വി​ഭാ​ഗം എ​ന്നി​ങ്ങ​നെ​യു​ള്ള വ്യ​ത്യ​സ്ത മേ​ഖ​ല​ക​ളി​ലാ​ണ് പ്ര​വ​ർ​ത്ത​ന മി​ക​വി​നു​ള്ള വ​കു​പ്പു​ത​ല അ​വാ​ർ​ഡു​ക​ൾ ഏ​ർ​പ്പെ​ടു​ത്തി​യി​രു​ന്ന​ത്.

ജി.ഡി.ആർ.എഫ്.എ ഇമാറാത്തി വനിതാദിനാഘോഷം

യു​ദ്ധ​വി​മാ​നം പ​റ​ത്തി​യ ആ​ദ്യ ഇ​മാ​റാ​ത്തി വ​നി​താ അ​നു​ഭ​വ​ങ്ങ​ൾ പ​ങ്കു​വെ​ച്ചു

ദു​ബൈ: ദു​ബൈ​യി​ലെ ജ​ന​റ​ൽ ഡ​യ​റ​ക്ട​റേ​റ്റ് ഓ​ഫ് റെ​സി​ഡ​ൻ​സി ആ​ൻ​ഡ് ഫോ​റി​ൻ അ​ഫ​യേ​ഴ്‌​സ് വൈ​വി​ധ്യ​മാ​യ പ​രി​പാ​ടി​ക​ളോ​ടെ ഇ​മാ​റാ​ത്തി വ​നി​താ​ദി​നം ആ​ച​രി​ച്ചു. യു​ദ്ധ​വി​മാ​നം പ​റ​ത്തി​യ ആ​ദ്യ ഇ​മാ​റാ​ത്തി വ​നി​ത കേ​ണ​ൽ പൈ​ല​റ്റ് മ​റി​യം ഹ​സ​ൻ അ​ൽ മ​ൻ​സൂ​രി, വ്യോ​മ​യാ​ന രം​ഗ​ത്തെ അ​നു​ഭ​വ​ങ്ങ​ളും വ്യോ​മ​സേ​ന​ക്കു​ള്ള ത​ന്‍റെ സം​ഭാ​വ​ന​ക​ളും പ​ങ്കു​വെ​ച്ചു​ള്ള മു​ഖാ​മു​ഖം പ​രി​പാ​ടി വ​കു​പ്പി​ലെ ദി​നാ​ച​ര​ണ ച​ട​ങ്ങ് വേ​റി​ട്ട​താ​ക്കി. യു.​എ.​ഇ വി​ക​സ​ന​മ​ന്ത്രി ഒ​ഹൂ​ദ് അ​ൽ റൗ​മി, ജി.​ഡി.​ആ​ർ.​എ​ഫ്.​എ ഡ​യ​റ​ക്ട​ർ ജ​ന​റ​ൽ ല​ഫ്റ്റ​ന​ന്‍റ്​ ജ​ന​റ​ൽ മു​ഹ​മ്മ​ദ് അ​ഹ​മ്മ​ദ് അ​ൽ മ​ർ​റി എ​ന്നി​വ​ർ വി​ശി​ഷ്ടാ​തി​ഥി​ക​ളാ​യി. എ​ല്ലാ വ​ർ​ഷ​വും ആ​ഗ​സ്റ്റ് 28നാ​ണ് ഇ​മാ​റാ​ത്തി വ​നി​താ​ദി​നം ആ​ച​രി​ക്കു​ന്ന​ത്. സ്ത്രീ​ക​ളു​ടെ ഉ​ന്ന​മ​ന​ത്തി​ലും ലിം​ഗ​സ​മ​ത്വ​ത്തി​ലും രാ​ജ്യം നേ​ടി​യ പു​രോ​ഗ​തി​യു​ടെ ആ​ഘോ​ഷ​മാ​ണ് ഇ​മാ​റാ​ത്തി വ​നി​ത ദി​നാ​ച​ര​ണം.

എ​ല്ലാ മേ​ഖ​ല​ക​ളി​ലും സ്ത്രീ​ക​ളു​ടെ സം​ഭാ​വ​ന​ക​ളെ അം​ഗീ​ക​രി​ക്കേ​ണ്ട​തി​ന്‍റെ​യും അ​ഭി​ന​ന്ദി​ക്കു​ന്ന​തി​ന്‍റെ​യും പ്രാ​ധാ​ന്യ​ത്തെ​ക്കു​റി​ച്ച് ല​ഫ്റ്റ​ന​ന്‍റ്​ ജ​ന​റ​ൽ പ്ര​ത്യേ​കം പ​രാ​മ​ർ​ശി​ച്ചു. സ്ത്രീ ​ജീ​വ​ന​ക്കാ​രെ ശാ​ക്തീ​ക​രി​ക്കു​ന്ന​തി​നാ​യി ദു​ബൈ റെ​സി​ഡ​ൻ​സി​യി​ൽ ‘ഇ​മാ​റാ​ത്തി വി​മ​ൻ​സ് സി​റ്റി’ എ​ന്ന പേ​രി​ൽ പ്ര​ത്യേ​ക പ​വി​ലി​യ​ൻ സ്ഥാ​പി​ച്ചി​രു​ന്നു. ഷോ​പ്പി​ങ്, ഫോ​ട്ടോ​ഗ്ര​ഫി, ബ്യൂ​ട്ടി എ​ന്നി​ങ്ങ​നെ​യു​ള്ള വി​വി​ധ കൗ​ണ്ട​റു​ക​ൾ സ്ത്രീ​ക​ളു​ടെ പ​രി​ശ്ര​മ​ങ്ങ​ളെ​യും റോ​ളു​ക​ളെ​യും പി​ന്തു​ണ​ക്കാ​ൻ ല​ക്ഷ്യ​മി​ട്ടു​ള്ള വേ​ദി​ക​ളാ​യി. ച​ട​ങ്ങി​ൽ മി​ക​വാ​ർ​ന്ന പ്ര​വ​ർ​ത്ത​ന​ങ്ങ​ൾ ന​ട​ത്തി​യ വ​നി​ത ജീ​വ​ന​ക്കാ​ർ​ക്ക് സ​മ്മാ​ന​ങ്ങ​ളും വി​ത​ര​ണം ചെ​യ്തു.

ആ​ഘോ​ഷി​ച്ച് റാ​സ​ല്‍ഖൈ​മ

റാ​സ​ല്‍ഖൈ​മ: സ്ത്രീ​ശാ​ക്തീ​ക​ര​ണ​ത്തി​നാ​യി പു​തി​യ ദേ​ശീ​യ​ന​യം പ്ര​ഖ്യാ​പി​ച്ച യു.​എ.​ഇ​ക്ക് പി​ന്തു​ണ​യ​ര്‍പ്പി​ച്ച് ഇ​മാ​റാ​ത്തി വ​നി​ത​ദി​നം ആ​ഘോ​ഷി​ച്ച് റാ​സ​ല്‍ഖൈ​മ. ‘നാ​ളേ​ക്കാ​യി ഞ​ങ്ങ​ള്‍ സ​ഹ​ക​രി​ക്കും’ എ​ന്ന പ്ര​മേ​യം ഉ​യ​ര്‍ത്തി റാ​ക് മ​ര്‍ജാ​ന്‍ ഐ​ല​ന്‍റി​ല്‍ ന​ട​ന്ന ആ​ഘോ​ഷ പ​രി​പാ​ടി​യി​ല്‍ സ​ര്‍ക്കാ​ര്‍, സ്വ​കാ​ര്യ, പ്രാ​ദേ​ശി​ക ഏ​ജ​ന്‍സി​ക​ളും ജീ​വ​ന​ക്കാ​രും പ്ര​തി​നി​ധി​ക​ളും പ​ങ്കെ​ടു​ത്തു. ത​ദ്ദേ​ശീ​യ​രാ​യ സ്ത്രീ​ക​ള്‍ എ​ത്തി​പ്പി​ടി​ച്ച നേ​ട്ട​ങ്ങ​ളും രാ​ഷ്ട്രം കെ​ട്ടി​പ്പ​ടു​ക്കു​ന്ന​തി​ല്‍ അ​വ​ര്‍ വ​ഹി​ച്ച പ​ങ്കും വ​ര​ച്ചു​കാ​ട്ടു​ന്ന​താ​യി​രു​ന്നു ച​ട​ങ്ങ്. മി​ക​ച്ച സേ​വ​നം കാ​ഴ്ച​വെ​ച്ച വ​നി​താ ഉ​ദ്യോ​ഗ​സ്ഥ​രെ​യും ജീ​വ​ന​ക്കാ​രെ​യും ച​ട​ങ്ങി​ല്‍ ആ​ദ​രി​ച്ചു. ജ​ന​റ​ല്‍ റി​സോ​ഴ്സ് ആ​ൻ​ഡ്​ സ​പ്പോ​ര്‍ട്ട് സ​ര്‍വി​സ​സ് (ജി.​ആ​ര്‍.​എ) ഡ​യ​റ​ക്ട​ര്‍ ജ​മാ​ല്‍ അ​ഹ​മ്മ​ദ് അ​ല്‍ത​യ്ര്‍, എ​ഫ്.​എ​ന്‍.​സി സെ​ക്ക​ൻ​ഡ് ഡെ​പ്യൂ​ട്ടി പ്ര​സി​ഡ​ന്‍റ് ന​മീ​ഹ് അ​ബ്ദു​ല്ല അ​ല്‍ഷ​ര്‍ഹാ​ന്‍ തു​ട​ങ്ങി​യ​വ​രും പൊ​ലീ​സ്, സൈ​നി​ക ഉ​ദ്യോ​ഗ​സ്ഥ​രും ച​ട​ങ്ങി​ല്‍ പ​ങ്കെ​ടു​ത്തു.