പൂച്ചയെ നായക്ക്​ ഭക്ഷണമായി നൽകിയ പ്രതികൾ അറസ്​റ്റിൽ

ദുബൈ: ജീവനുള്ള പൂച്ചയെ നായക്ക്​ ഭക്ഷണമായി നൽകുകയും ഇൗ കൃത്യം വീഡിയോയിൽ പകർത്തി സാമൂഹിക മാധ്യമങ്ങളിൽ ​പ്രചരിപ്പിക്കുകയും ചെയ്​ത സംഭവത്തിൽ സ്വദേശി പൗരനെയും രണ്ട്​ ഏഷ്യൻ സഹായികളെയും  ദുബൈ പൊലീസ്​ അറസ്​റ്റു ചെയ്​തു. സാമൂഹിക മാധ്യമങ്ങളിൽ വീഡിയോ കണ്ട്​ നിരവധിപേർ ഇൗ ഹീനകൃത്യത്തിനെതിരെ പ്രതിഷേധമുയർത്തിയിരുന്നു. വിഷയം ഉടനടി ഗൗരവമായി കണ്ട ദുബൈ പൊലീസ്​ മേധാവി മേജർ ജനറൽ അബ്​ദുല്ല ഖലീഫ അൽ മറി നിർദേശിച്ചതനുസരിച്ച്​  പൊലീസ്​ കുറ്റക്കാരെ കണ്ടെത്തി അറസ്​റ്റു ചെയ്യുകയായിരുന്നു. പൂച്ചയെ ​ക്രൂരമായി പീഡിപ്പിച്ചെന്നണ്​ സ്വദേശി പൗരനെതിരായ കേസ്​. ഇൗ സംഭവം വീഡിയോയിൽ പകർത്തിയത്​ ഏഷ്യൻ സുഹൃത്തുക്കളാണ്​.  ത​​െൻറ ഫാമിലെ പ്രാവുകളെയും കോഴികളെയും പിടിച്ചു തിന്ന പൂച്ചക്ക്​ ശിക്ഷ നൽകാൻ എന്ന പേരിലാണ്​ നായ്​ക്കൂട്ടിലേക്ക്​ എറിഞ്ഞു കൊടുത്തത്​. യു.എ.ഇയിലെ നിയമങ്ങൾ പ്രകാരം ഒരു വർഷം  തടവും പതിനായിരം മുതൽ രണ്ടുലക്ഷം ദിർഹം വരെ പിഴയും ലഭിക്കാവുന്ന കുറ്റമാണിത്​.
തികച്ചും മനുഷ്യത്വരഹിതവും പ്രാകൃതവുമായ ചെയ്​തിയാണ്​ ഇവർ കാണിച്ചതെന്ന്​ കുറ്റാന്വേഷണ വിഭാഗത്തിലെ മേജർ ജനറൽ ഖലീൽ ഇബ്രാഹിം അൽ മൻസൂരി ചൂണ്ടിക്കാട്ടി. പൊലീസി​​െൻറ സൈബർ സെല്ലി​​െൻറ സഹായത്തോടെയാണ്​ പ്രതികളെ പിടികൂടിയത്​. 
ഇൗ ഹീനകൃത്യം ചെയ്​തവർക്കെതിരെ മാതൃകാപരമായി നടപടി സ്വീകരിച്ചില്ലെങ്കിൽ തെറ്റായ സന്ദേശം നൽകുമെന്നും ചെറുപ്പക്കാർ ആവർത്തിച്ചേക്കുമെന്നും അദ്ദേഹം പറഞ്ഞു.