മയക്കു മരുന്ന്​ വിഴുങ്ങികളെ കുടുക്കാൻ ദുബൈ കസ്​റ്റംസിന്​ മികച്ച സംവിധാനം, കൂടുതൽ ജാഗ്രത

ദുബൈ: ദ്രവരൂപത്തിലുള്ള കൊക്കൈൻ ഉറകളിലാക്കി വിഴുങ്ങുന്ന വേലയൊന്നും ദുബൈ കസ്​റ്റംസിനു മുന്നിൽ ഫലിക്കില്ലെന്ന്​ മുന്നറിയിപ്പ്​.ആ​ഫ്രിക്കൻ, ഏഷ്യൻ രാജങ്ങളിൽ നിന്ന്​ ലഹരി  സംഘങ്ങൾ ഇത്തരത്തിൽ കൊക്കൈൻ കടത്തുന്നുവെന്ന്​ ഇൻറർപോൾ റിപ്പോർട്ട്​ ചെയ്​തിരുന്നു. ഗൾഫ്​ മേഖലയെയാണ്​ അവർ ലക്ഷ്യം വെക്കുന്നതും സഞ്ചാരമാർഗമായി തെരഞ്ഞെടുത്തതും. എന്നാൽ  മയക്കു മരുന്ന്​ കടത്തുകാരെന്ന്​ തരിമ്പ്​ സംശയം തോന്നിയാൽ വിശദ പരിശോധന നടത്തി അനാശ്യാസകരമായ പ്രവർത്തനങ്ങളില്ല എന്ന്​ ഉറപ്പുവരുത്താൻ കർശന നിർദേശം ഉദ്യോഗസ്​ഥർക്ക്​ നൽകിയിട്ടുള്ളതായി ദുബൈ കസ്​റ്റംസ്​ പാസഞ്ചർ ഒാപ്പറേഷൻസ്​ വിഭാഗം ഡയറക്​ടർ ഇബ്രാഹിം അൽ കമാലി അറിയിച്ചു. ദുബൈ അന്താരാഷ്​ട്ര വിമാനത്താവളത്തിലെ അത്യാധുനി സ്​കാനിംഗ്​ സംവിധാനവും പാളിച്ചകളില്ലാത്തതാണ്​.

യാത്രക്കാരുടെ ശരീരത്തിൽ അസ്വാഭാവികമായി എന്തു വസ്​തുക്കൾ കണ്ടാലും തിരിച്ചറിയാൻ ഇൗ സംവിധാനം ഉപകരിക്കും. ഇൗ വർഷത്തി​​​െൻറ ആദ്യ പാദത്തിൽ  312 മയക്കു മരുന്ന്​ കടത്ത്​ ​ശ്രമങ്ങളാണ്​ കസ്​റ്റംസ്​ പരിശോധനയിൽ പൊളിഞ്ഞത്​. പിടിയിലായത്​ ഏറെയും 26നും35നും ഇടയിൽ ​പ്രായമുള്ളവർ. കഴിഞ്ഞ വർഷം 1030 ശ്രമങ്ങൾ തകർക്കാനായി.   മയക്കു മരുന്ന്​ കടത്തിന്​ നിയോഗിക്കപ്പെടുന്ന യുവാക്കൾ വള​െ​ര കുറഞ്ഞ ​​പ്രതിഫലത്തിനു വേണ്ടി തങ്ങളുടെ ജീവിതം ഹോമിക്കുകയാ​ണെന്നും രാജ്യത്തിനും ജനങ്ങൾക്കും വിപത്തായ ലഹരി കടത്തുന്നവ​െ​ര ഏറ്റവും കർശനമായ നിയമപ്രകാരമാണ്​ നേരിടുകയെന്നും അൽ കമാലി വ്യക്​തമാക്കി.